មហាសាមគ្គីជនជាតិ ទំនៀមទម្លាប់

12/01/2021 - 08:57

សុកត្រាំងអភិវឌ្ឍផលិតផល OCOP

អស់រយៈកាល ២ ឆ្នាំផ្សព្វផ្សាយអនុវត្តកម្មវិធី "ឃុំមួយផលិតផលមួយ" (ហៅកាត់ថា OCOP) ខេត្តសុកត្រាំងបានទទួលស្គាល់ផលិតផល ៩៩ មុខ ក្នុងនោះ មានផលិតផលសម្រេចសម្បទាផ្កាយ ៤ ចំនួន ២៤ និងផលិតផលសម្រេចសម្បទាផ្កាយ ៣ ចំនួន ៧៥ ។ ខេត្តកំពុងស្នើមជ្ឈិមពិនិត្យទទួលស្គាល់ផលិតផលចំនួន ៨ សម្រេចសម្បទាផ្កាយ ៥ ។

អតិថិជនទស្សនាផលិតផល OCOP នៅផ្សារណាត់។

ដល់ឆ្នាំ ២០៣០ ខេត្តសុកត្រាំង ខិតខំធ្វើយ៉ាងណាឱ្យមានផលិតផល OCOP តិចបំផុត ១០០ មុខ ក្នុងនោះ មាន ១២ ផលិតផលសម្រេចសម្បទាផ្កាយ ៥ ។ បងតាមិញបែ នាយកក្រុមហ៊ុនចំកាតសមាជិកមួយ អង្ករសរីរាង្គកសិដ្ឋានកាបើដឹប នៅភូមិត្រាឌឹក ឃុំវៀងអាង ស្រុកត្រឹងដេ ជាកសិករអនុវត្តសម្រេចជោគជ័យការផលិតស្រូវសរីរាង្គ។ បច្ចុប្បន្ន ផលិតផលអង្ករសរីរាង្គរបស់ក្រុមហ៊ុន បានទទួលស្គាល់ជាផលិតផល OCOP សម្រេចសម្បទាផ្កាយ ៣ នៅឆ្នាំ ២០១៩ និងទទួលបានពានរង្វាន់លេខ ២ នៅក្នុងពិធីប្រឡង "អង្ករឆ្ងាញ់យីហោវៀត" នៅខេត្តវិញឡុង។ បងតាមិញបែ ឱ្យដឹង៖ "ការផលិតស្រូវសរីរាង្គ ខ្ញុំបានបរាជ័យអស់ជាច្រើនលើក ប៉ុន្តែខ្ញុំមិនបោះបង់ ពីព្រោះទីផ្សារកំពុងតែឆ្ពោះទៅរកអង្ករសរីរាង្គ ។ សម្រេចជាផលិតផល OCOP អង្ករសរីរាង្គរបស់កសិដ្ឋានកាបើដឹប កាន់តែរីកចម្រើន ដោយបានអ្នកប្រើប្រាស់ទូទាំងប្រទេសដឹងឮ"។

ផ្អកក្តាមសមុទ្រពង បានទទួលស្គាល់ជាផលិតផល OCOP សម្រេចសម្បទាផ្កាយ៣។

បងលីថាញ់ប៊ិញ នៅឃុំថាញ់ថើយអាង ស្រុកត្រឹងដេ ក៏បានទទួលបរាជ័យជាច្រើនលើកក្នុងការធ្វើផ្អកក្តាមសមុទ្រពង។ បច្ចុប្បន្ន ផលិតផលផ្អកក្តាមសមុទ្រពង បានទទួលស្គាល់ជាផលិតផល OCOP សម្រេចសម្បទាផ្កាយ ៣។ បងប៊ិញ ចែករំលែក៖ "ដំបូង គ្រួសារខ្ញុំអ្នកណាក៏ថាខ្ញុំ"ភ្លើ" ប៉ុន្តែខ្ញុំនៅតែធ្វើ ពីព្រោះនៅសុកត្រាំង ពុំទាន់មានផ្អកប្រភេទនេះទេ។ តាំងពីទទួលបានជោគជ័យ និងបានទទួលស្គាល់ជាផលិតផល OCOP ផ្អកក្តាមសមុទ្រពងក៏មានមុខលើទីផ្សារ មានអតិថិជនជាច្រើនកក់ទិញ ម៉្លោះហើយជីវភាពគ្រួសារមានភាពល្អប្រសើរ"។

ខេត្តសុកត្រាំង បានរៀបចំកិច្ចប្រជុំផ្សារណាត់ "តភ្ជាប់ការផ្គត់ផ្គង់និងតម្រូវការចងសម្ព័ន្ធផលិត ប្រើប្រាស់ផលិតផល OCOP និងផលិតផលពិសេសប្រចាំតំបន់របស់ខេត្តសុកត្រាំង ឆ្នាំ ២០២០"។ តាមរយៈនោះ បានទាក់ទាញអាជីវកម្ម ប្រព័ន្ធចែកចាយធំៗ មានដូច៖ សហព័ន្ធសហករណ៍ពាណិជ្ជកម្មក្រុងហូជីមិញ (Saigon Co.op) សម្ព័ន្ធក្រុមហ៊ុន Central Retail វៀតណាម (ផ្សារទំនើប Big C) ។ល។ ដើម្បីនាំផលិតផល OCOP ដាក់លក់តាមផ្សារទំនើប សង្វាក់ហាងលក់រាយ ប្រព័ន្ធចែកចាយធំៗទូទាំងប្រទេស និងឈានដល់នីហរ័ណ៕

លីធាន-មុនី

ចែករំលែកអត្ថបទ

ពាក្យគន្លឹះ