វប្បធម៌-សិល្បៈ សិល្បៈ

17/11/2020 - 08:29

សិល្បៈល្ខោនយូរកេរ ១០០ ឆ្នាំកកើតនិងអភិវឌ្ឍន៍

សាកលវិទ្យាល័យត្រាវិញ ទើបសហការជាមួយនឹងមន្ទីរវប្បធម៌ កីឡា និងទេសចរណ៍ខេត្តត្រាវិញ ចាត់តាំងសិក្ខាសាលាវិទ្យាសាស្រ្ត ក្រោមបធានបទ “សិល្បៈល្ខោនយូរកេរ ១០០ ឆ្នាំកកើត និងអភិវឌ្ឍន៍”។ សិក្ខាសាលាបានទាក់ទាញអ្នកតំណាងជិត ២០០ រូប ជាអ្នកវិទ្យាសាស្រ្ត អ្នកគ្រប់គ្រង សិល្បករ កវីនិពន្ធ មកពីក្រុមសិល្បៈខ្មែរនានាខេត្តក្នុងតំបន់អញ្ជើញចូលរួម។

ឈុតរបាំសម្តែងបើកឆាកក្នុងអង្គសិក្ខាសាលា។

សិល្បៈល្ខោនយូរកេរ បានក្រសួងវប្បធម៌ កីឡា និងទេសចរណ៍ ទទួលស្គាល់ជាបេតិកភណ្ឌវប្បធម៌អរូបីជាតិ ជាទម្រង់សិល្បៈប្រជាប្រិយឆ្នាំ ២០១៤ ។ សិល្បៈល្ខោនយូរកេររបស់ជនរួមជាតិខ្មែរណាមបូ មានអាយុកាលជាប្រវត្តិសាស្រ្តចំណាស់ ១០០ ឆ្នាំ។

សិក្ខាសាលាបានប្រមូលផ្តុំពិភាក្សារវាងអ្នកវិទ្យាសាស្រ្ត អ្នកឯកទេស អ្នកគ្រប់គ្រង សិល្បករ កវីនិពន្ធ អំពីប្រភពដើម ប្រវត្តិនៃការកកើតនិងអភិវឌ្ឍន៍នៃសិល្បៈល្ខោនយូរកេរ ផ្តើមពីនោះ កត់សម្គាល់នូវសមិទ្ធផល មេរៀនបទពិសោធក្នុងអំឡុង ១០០ ឆ្នាំនៃការកកើតនិងអភិវឌ្ឍន៍ទម្រង់សិល្បៈនេះ។ ឆ្លងតាមរយៈនោះ លើកកម្ពស់ការយល់ដឹងក្នុងបញ្ហាអភិរក្សនិងពង្រីក បណ្ដុះបណ្តាលកម្មាភិបាល-គ្រូបង្ហាត់បង្រៀន បង្កើនសមត្ថភាពកងជួរកវីនិពន្ធ អ្នកសម្ដែងអភិវឌ្ឍន៍ទម្រង់សិល្បៈល្ខោនយូរកេរខ្មែរណាមបូ សមស្របជាមួយនឹងជីវភាពសម័យទំនើប។

នេះជាវេទិកាជំនួបមុខរវាងកវីនិពន្ធ និងសិល្បករល្ខោនយូរកេរ ក្រុមសិល្បៈទាំងអស់ជាមួយនឹងអ្នកវិទ្យាសាស្រ្ត អ្នកឯកទេស អ្នកគ្រប់គ្រងនិងអង្គភាពបណ្ដុះបណ្តាល ដើម្បីដោះដូរចែករំលែកបទពិសោធន៍ក្នុងការអភិរក្សនិងអភិវឌ្ឍន៍សិល្បៈល្ខោនយូរកេរខ្មែរណាមបូ៕

យោង៖ កាសែតប្រជាជន-វិមាន

ចែករំលែកអត្ថបទ

ពាក្យគន្លឹះ