កីឡា - ទេសចរណ៍ ទេសចរណ៍

30/03/2020 - 15:04

វៀតណាមមានទីតាំងពីរជាប់ចំណាត់ថ្នាក់កំពូលពេញនិយម

ទីក្រុងដាណាំងនិងទីក្រុងហូជីមិញ ទើបបង្ហាញខ្លួនក្នុងបញ្ជី “ចំណាត់ថ្នាក់កំពូលពេញនិយមបំផុតទាំង២៥នៅលើពិភពលោក ឆ្នាំ២០២០” ដោយអ្នកប្រើប្រាស់ TripAdvisor ជម្រើស។ ចំណាត់ថ្នាក់ទី៧ គឺក្រុងដាណាំង ជាទីតាំងអ្នកទាំងឡាយសរសើរថា ”មានភាពកក់ក្តៅនិងស្និទ្ធស្នាល” ។ តាមការឱ្យតម្លៃពីភ្ញៀវទេសចរណ៍ ជើងទេសចរណ៍ស្វែងយល់ម្ហូបអាហារតាមចិញ្ចើមថ្នល់ គឺជាវិធីល្អបំផុត ដើម្បីធ្វើបទពិសោធន៍រសជាតិនៅទីនេះ។ ទីក្រុងហូជីមិញ ជាប់ចំណាត់ថ្នាក់ទី១២ ត្រូវបានគេឱ្យតម្លៃជា ”ទីក្រុងធំមានភាពអ៊ូអរបំផុតនៅប្រទេសវៀតណាម ជានិមិត្តរូបនៃវប្បធម៌និងសេដ្ឋកិច្ចរបស់ប្រទេសជាតិ” ។ លេចធ្លោជាមួយនឹងស្ថាបត្យកម្មបុរាណបារាំង ទាក់ទាញអារម្មណ៍ជាមួយនឹងមហាវិថីទំនើប កកកុញដោយគមនាគមន៍។ ទីតាំងដែលទាក់ទាញបានភ្ញៀវទេសចរណ៍ជ្រើសរើស គឺសារមន្ទីរ ស្លាកស្នាមសង្រ្គាម វត្តង៉ុកហ្វាង ផ្សារបេនថាញ់ ផ្លូវរូងក្រោមដីគូជីនិងអាគារ Bitexco ។

ក្រៅពីអាហារតាមចិញ្ចើមថ្នល់ដ៏ឈ្ងុយឆ្ងាញ់ នៅមានទីតាំងឯទៀតដែលមិនអាចខកខានពេលមកដាណាំងគឺង៉ូវហាញសុើង វត្តលីញអ៊ឹង និងបាណា Hills ។ រូបថត៖ ង៉ោទ្រុង។

ទីតាំងដែលពេញនិយមបំផុតនៅលើពិភពលោក ត្រូវបានរៀបចំណាត់ថ្នាក់ផ្អែកលើចំនួននៃការកក់បន្ទប់និងការស្វែងរកច្រើនបំផុតលើ Trip Advisor ក្នុងមួយឆ្នាំកន្លង។ ឈរលេខ១ក្នុងបញ្ជី គឺទីក្រុង Cochin (ឥណ្ឌា) កន្លែងល្បីឈ្មោះខាងឆ្នេរសមុទ្រស្រស់ស្អាត និងរួមបញ្ចូលគ្នារវាងវប្បធម៌អាស៊ីនិងអឺរ៉ុប។ ទីតាំងទេសចរណ៍មួយចំនួនផ្សេងទៀតដែលមាននៅក្នុងបញ្ជីរួមមាន៖ កោះ Luzon (ហ្វីលីពីន) ទីក្រុង Porto (ព័រទុយហ្កាល់) Krakow (ប៉ូ ឡូញ) កោះ Malta, Buenos Aires (អាហ្សង់ទីន៨) ទីក្រុង Vienna (អូទ្រីស) ទីក្រុង Mexico (ម៉ិកស៊ីកូ) ឈៀងម៉ៃ (ថៃ) Budapest (ហុងគ្រី) ទីក្រុង Moskva (រុស្ស៊ី) …៕

យោងតាម៖ TripAdvisor

ចែករំលែកអត្ថបទ

ពាក្យគន្លឹះ