កីឡា - ទេសចរណ៍ ទេសចរណ៍

03/05/2018 - 10:12

លិនក្វីផាបអឹងរមណីយដ្ឋានចំណាប់អារម្មណ៍អ្នកទេសចរ

វិហារលិនក្វីផាបអឹង មានទីតាំងនៅលើទួលភ្នំលេខ៤៥ ឃុំឡុកថាញ់ ស្រុកបាវឡឹម ខេត្តឡឹមដុង គឺជាវិហារមួយដ៏អស្ចារ្យខាងស្ថាបត្យកម្ម និងមានទេសភាពដ៏ស្រស់ស្អាត។

ដងផ្លូវទៅកាន់វិហារផាបអឹង ។

ផ្តើមចេញដំណើរពីទីក្រុងបាវឡុក ធ្វើដំណើរតាមវិថីត្រឹងភូ ដល់ផ្លូវបែកជាបីដាយប៊ិញ បត់ស្តាំចូលទៅឃុំឡុកថាញ់។ បន្តដំណើរទៅមុខតាមផ្លូវនេះឡើងទីទួល ភ្ញៀវទេសចរនឹងប្រទះឃើញសញ្ញាណែនាំបត់ឆ្វេងទៅកាន់ហាងកៅឈីវដឿង ធ្វើដំណើរមួយកំណាត់ផ្លូវខ្លីទៀតគឺដល់ព្រះវិហារលិនក្វីផាបអឹង។ ដងផ្លូវធ្វើដំណើរទៅកាន់ព្រះវិហារមានភាពទួលបង្គួរ ព្រោះឡើងជម្រាលខ្ពស់ គួរធ្វើដំណើរដោយម៉ូតូ។ មានអ្នកជាច្រើនជ្រើសធ្វើដំណើរដោយថ្មើរជើង ថ្វីត្បិតតែគួរឲ្យចាប់អារម្មណ៍ដ្បិតអីទេសភាពនៅតាមសងខាងផ្លូវស្រស់ស្អាត ប៉ុន្តែភ្ញៀវទេសចរត្រូវតែត្រៀមខ្លួនឲ្យហ្មត់ចត់ទាំងកម្លាំងពលំព្រោះជម្រាលខ្ពស់និងរដឹបរដុបគ្រាន់បើ។ លទ្ធផលនៃការធ្វើដំណើរដោយថ្មើរជើងគឺបានគយគន់នូវទេសភាពដ៏ស្រស់ស្អាតនិងកម្រជួបប្រទះ។ មានចម្ការតែចម្ការពកយោលទៅយោលមកឡើងកាន់តែខ្ពស់អ្នកទេសចរនឹងមានអារម្មណ៍ហាក់ដូចជាពពករសាតស្ទើរបះស្មងជើង។ ហេតុនោះ អ្នកទេសចរខណៈពេលធ្វើដំណើរឡើងកាន់ព្រះវិហារគួរធ្វើដំណើរដោយម៉ូតូ ពេលចុះដើរគួរធ្វើដំណើរដោយថ្មើរជើង។

វិហារលិញក្វីផាបអឹង មានក្លោងទ្វារទេវសាសនា (Thần Đạo) យ៉ាងស្កឹមស្កៃ បីដូចច្រកទ្វារនៃស្ថានសួគ៌។ ឈរនៅមាត់ទ្វារ ភ្ញៀវទេសចរអាចចោលខ្សែចក្ខុទៅទិសទាំងបួនឃេីញសុទ្ធជាដំបូកភ្នំខ្ពស់សន្លឹម។ មានថ្ងៃខ្លះ ពពករសាត់ជុំវិញក្លោងទ្វារមើលទៅមានភាពអាថ៌កំបាំងស្រពេចស្រពិលស្អាតដូចផ្ទាំងគំនូរ។ ពេលចូលទៅក្នុងវិហារភ្ញៀវទេសចរនឹងបានឃើញពីរបៀបតុបតែងខាងក្នុងល្អឥតខ្ចោះ។ ទីនេះនៅមានសួនក្រួសមួយត្រូវបានរចនាឡើងដោយផ្អែកលេីទ្រឹស្តីនៃការតាំងអារម្មណ៍ និងសមាធិធម៌មានអង្គបដិមាព្រះពោធិសត្វត្រូវបានកសាងនៅកណ្តាលស្រះជាមួយនឹងទិដ្ឋភាពដ៏ស្រស់ស្អាតឯទៀត។ ជ្រុងនីមួយៗមានលក្ខណៈពិសេសៗដោយឡែក គ្រាន់តែក្រឡេកមើលក៏មានអារម្មណ៍ធូរស្រាលចិត្ត។

កាលពីមុន វិហារជាកន្លែងស្ងប់ស្ងាត់ឋិតនៅលើដំបូកភ្នំខ្ពស់សន្លឹម ចន្លោះព្រៃឈើចម្ការតែ។ ទិដ្ឋភាពជុំវិញគ្របដណ្តប់ដោយពណ៌បៃតង ធ្វើឲ្យបរិយាកាសកាន់តែមានភាពបរិសុទ្ធ។ បច្ចុប្បន្ន វិហារលិនក្វីផាបអឹង បានក្លាយជាកន្លែងទេសចរណ៍ទាក់ទាញភ្ញៀវទេសចរយ៉ាងកុះករ ខណៈពេលដែលភ្ញៀវទេសចរណ៍ធ្វើដំណើរទៅកាន់ស្រុកបាវឡឹម។ បច្ចុប្បន្ន ផ្លូវឡើងទៅកាន់វិហារក៏បានបើកទូលាយ ចាក់ក្រួសបេតុងធ្វើដំណើរមានភាពងាយជាង៕

ហាថាញ់-វា៉ន់តឹន

ចែករំលែកអត្ថបទ

ពាក្យគន្លឹះ