កីឡា - ទេសចរណ៍ កីឡា

12/03/2018 - 16:18

ខកចិត្តស្រីស្រស់រុស្សី

ទស្សនិកជនខកចិត្តចំពោះការប្រកួតរបស់កីឡាការិនីរុស្សីដ៏ស្រស់ស្អាត Maria Sharapova នៅក្នុងពិធីប្រកួតដណ្តើមពានរង្វាន់ Australian Open ២០១៨។

រូប: Internet.

ជាក់ស្តែង កីឡាការិនី Maria Sharapova បានវិលមកប្រកួតវិញនៅខែមេសា ឆ្នាំ២០១៧ បន្ទាប់ពីសហព័ន្ធតេន្នីសពិភពលោក (ITF) បម្រាម១៥ខែ ដោយសារនាងប្រើប្រាស់សារធាតុលើកកម្លាំង Meldonium។ Meldonium ជាសារធាតុដែលស្ថាប័នបង្ការប្រឆាំង doping អន្តរជាតិ (WADA) ហាមប្រាមមិនឲ្យប្រើប្រាស់តាំងពីថ្ងៃទី១ ខែមករា ឆ្នាំ២០១៦។ ដំបូងការបម្រាមលើកីឡាការិនីរូបនេះដល់ទៅ២ឆ្នាំ ប៉ុន្តែ Maria Sharapova ដាក់ពាក្យប្តឹងឧទ្ធរណ៍ ដូច្នេះរយៈពេលបម្រាមត្រូវបានកាត់បន្ថយ។ ពេលកីឡាការិនី Sharapova ចូលរួមប្រកួតម្តងៗ ទាក់ទាញទស្សនិកជនចូលទស្សនាកុះករ។ ព្រោះហេតុនោះ ពេលវិលមកប្រកួតជាលើកដំបូងកីឡាការិនីរូបនេះ បានបង្កឲ្យមានភាពចម្រូងចម្រាស់ ពីព្រោះការចាត់តាំងពិធីប្រកួតដណ្តើមពានរង្វាន់ត្រូវប្រព្រឹត្តឡើងនៅថ្ងៃទី២២ ខែមេសា ឆ្នាំ២០១៧ ប៉ុន្តែការបម្រាមចំពោះកីឡាការិនី Maria Sharapova លុះដល់ថ្ងៃទី២៦ ខែមេសា ឆ្នាំ២០១៧ ទើបផុតកំណត់។ ដោយសារកីឡាការិនីរុស្សីដ៏ស្រស់ស្អាតរូបនេះ ធ្វើឲ្យគណៈចាត់តាំងត្រូវបន្ថយថ្ងៃប្រកួតដំបូងរបស់នាងឲ្យស្របច្បាប់។ ប៉ុន្តែការវិលត្រឡប់មកចូលប្រកួតរបស់ Maria នៅឆ្នាំ២០១៧ ពុំទាន់សម្រេចបានលទ្ធផលអ្វីគួរឲ្យកត់សម្គាល់នៅឡើយ លុះជិតដល់ចុងឆ្នាំ២០១៧ ទើបកីឡាការិនីរុស្សីស្រស់ស្អាតដណ្តើមបានពានរង្វាន់ជើងឯកធៀងតឹង បើកទូលាយបន្ទាប់ពីយកឈ្នះទាំង២សិតលើកីឡាការិនី Aryna Sabalenka ។

នៅក្នុងពិធីប្រកួតដណ្តើមពានរង្វាន់ Australian Open ២០១៨ ឆ្នាំនេះកីឡាការិនីSharapova មានឱកាសល្អច្រើន ពេលបងស្រីរបស់ Villiams ឈ្មោះ Venus ត្រូវជម្រុះ។ ចំណែក Serene មិនបានចុះឈ្មោះចូលរួមប្រកួតទេ ពីព្រោះនាងមានកូននៅខ្ចី។ យើងគួរចាំថាកីឡាការិនី Serene Villiams កាន់តំណែងជើងឯកពានរង្វាន់ Australian Open ២០១៧។ ថ្វីត្បិតពេលនោះនាងកំពុងមានផ្ទៃពោះកូនច្បង២ខែ។ ក្រៅពីកីឡាការិនី២នាក់បងប្អូន Villiams ពានរង្វាន់ឆ្នាំនេះ នៅទាំងមានភាពមិនប្រក្រតីដោយកីឡាការិនីជើងឯកពានរង្វាន់ rand Slam ទាំងពីររូបក៏ត្រូវបរាជ័យនៅជុំទី១និងជុំទី។ នោះគឺកីឡាការិនី Muguruza កាន់តំណែងជើងឯកពានរង្វាន់ Roland Garros បារាំង បើកទូលាយ២០១៧ ចាញ់ពិន្ទុកីឡាការិនី Hsieh Suwei ជាកីឡាករលំដាប់ទី៨៨ពិភពលោកនិងកីឡាការិនី Sloane Stephens កាន់តំណែងជើងឯកពានរង្វាន់ US Open អាមេរិកបើកទូលាយ២០១៧ ក៏បរាជ័យនៅជុំទី១។ ជាក់ស្តែងបើប្រៀបធៀបជាមួយនឹងគូប្រកួតនាបច្ចុប្បន្ន ពិនិត្យពីលទ្ធផលឃើញថាកីឡាការិនីរុស្សីលេចធ្លោជាង។ ថ្វីបើដូច្នោះ ជាមួយនឹងវិធីសាស្រ្តលេងប្រថុយប្រថាន “ឈ្នះចាញ់”របស់កីឡាការិនី Sharapova ធ្វើឲ្យអ្នកគាំទ្រមិនទុកចិត្ត។

ប៉ុន្តែពេលទស្សនិកជនមិនទាន់ស្កប់ស្កល់ នឹងវិធីសាស្រ្តរបស់កីឡាការិនីរុស្សីផងនាងក៏បានទទួលបរាជ័យមួយរំពេចក្រោមដៃកីឡាការិនី Angelique Kerber សញ្ជាតិអាលឺម៉ង់ ក្នុងលទ្ធផល០-២។ ព្រោះហេតុនោះ អ្នកគាំទ្របន្តការរងចាំវត្តមានកីឡាការិនី Sharapova នៅពិធីប្រកួតដណ្តើមពានរង្វាន់ដីឥដ្ឋនៅពេលខាងមុនកន្លែងដែលនាងធ្លាប់ទទួលតំណែងជើងឯកពានរង្វាន់ Roland Garros៕

ហាថាញ់-មុនី

ចែករំលែកអត្ថបទ

ពាក្យគន្លឹះ