សុខភាព - អប់រំ អប់រំ

26/02/2026 - 07:19

ទីក្រុងកឹងធើ រួមដំណើរជាមួយសិស្ស និស្សិតជនជាតិភាគតិចទៅសាលា

រយៈពេលកន្លង ទីក្រុងកឹងធើ បានអនុវត្តនូវគោលនយោបាយអប់រំយ៉ាងមានប្រសិទ្ធភាព បង្កលក្ខណៈដើម្បីកូនចៅជនជាតិភាគតិច ស្ងប់អារម្មណ៍រៀនសូត្រនិងអភិវឌ្ឍគ្រប់ជ្រុងជ្រោយ។

វិនិយោគមូលដ្ឋានសម្ភារៈ និងហេដ្ឋារចនាសម្ព័ន្ធដល់សាលាជនជាតិអន្តេវាសិក។

ឆ្នាំសិក្សា ២០២៥ - ២០២៦ ទូទាំងទី ក្រុងមានសិស្ស ៦៧២.៣៣៧ នាក់ ក្នុងនោះ សិស្សជនជាតិភាគតិច ១១៩.២៧៤ នាក់។ ច្រើនឆ្នាំមកនេះ រដ្ឋអំណាចទីក្រុងកឹងធើ តែងយកចិត្តទុកដាក់គិតគូរដល់ការអប់រំ សិស្សជនជាតិភាគតិច ឆ្លងតាមរយៈគោលនយោបាយជាក់ស្តែងជាច្រើន រួមចំណែកលើកកម្ពស់ គុណភាពរៀនសូត្រ បង្កលក្ខណៈដើម្បីប្អូនៗ បានរៀនសូត្រអភិវឌ្ឍគ្រប់ជ្រុងជ្រោយ ហើយជាសន្សឹមៗបន្ថយគម្លាតអប់រំ រវាងតំបន់និងតំបន់និងរវាងបណ្តាជនជាតិ។

បច្ចុប្បន្ន នៅទីក្រុងកឹងធើ មានសាលាជនជាតិអន្តេវាសិកចំនួន ១៣ មានសិស្សចុះឈ្មោះចូលរៀន ៦.៤៨០នាក់។ ដំណាក់កាល ២០២១ - ២០២៥ ផ្តើមពីកម្មវិធីទិសដៅជាតិអភិវឌ្ឍន៍សេដ្ឋកិច្ច - សង្គមនៅតំបន់ជនជាតិភាគតិច និងតំបន់ភ្នំ ទីក្រុងបានវិនិយោគបង្កើនកម្រិតមូលដ្ឋានសម្ភារៈ និងបំពាក់ឧបករណ៍បង្រៀនបន្ថែមដល់សាលាជនជាតិអន្តេវាសិក គិតជាទឹកប្រាក់សរុបជាង ១៨១ ពាន់លានដុង។

ការវិនិយោគព្រមៗគ្នានេះ បានរួមចំណែកកែលម្អលក្ខណៈរៀនសូត្រ ការរស់នៅដល់សិស្សនៅឆ្ងាយពីគ្រួសារ។ ទន្ទឹមនឹងហេដ្ឋារចនាសម្ព័ន្ធ សាលារៀនបានល្អប្រសើររាល់គោលនយោបាយ ឧបត្ថម្ភដល់សិស្សក៏បានអនុវត្តគ្រប់សព្វ។ ឆ្នាំ ២០២៥ ទីក្រុងអនុវត្តការលើកលែងនិងបន្ថយប្រាក់សាលា ព្រមទាំងឧបត្ថម្ភថ្លៃសិក្សាដល់សិស្សជាង ១០.០០០នាក់ គិតជាទឹកប្រាក់ជិត ១០ ពាន់លានដុង។

ប្អូនថាច់ធីគីមង៉ឹង និស្សិតសាកលវិទ្យាល័យកឹងធើ ឱ្យដឹង៖ “ការយកចិត្តទុកដាក់របស់បក្សនិងរដ្ឋ បានជួយឱ្យកូនចៅជនជាតិភាគតិចដូច ប្អូនមានឱកាសរៀនសូត្រ ឈានឡើងបញ្ជាក់សមត្ថភាពខ្លួន រួមចំណែកកសាងប្រទេសជាតិ”។

ចំពោះសិស្សនៅឃុំលំបាកខ្លាំង រៀងរាល់ឆ្នាំមានសិស្សរាប់ពាន់លើកនាក់បានឧបត្ថម្ភអង្ករ ប្រាក់ម្ហូបអាហារ និងឧបត្ថម្ភប្រាក់ស្នាក់នៅតាមសេចក្តីកំណត់របស់រដ្ឋាភិបាល។ គោលនយោបាយអាហារូបករណ៍ដល់សិស្សសាលាជនជាតិអន្តេវាសិកបន្តធានាគ្រប់សព្វ។ នេះមិនត្រឹមតែជាការឧបត្ថម្ភអំពីសម្ភារៈប៉ុណ្ណោះទេ ថែមទាំងជាប្រភពកម្លាំងលើកទឹកចិត្ត ជំរុញស្មារតីរៀនសូត្រ និងលត់ដំរបស់ប្អូនៗទៀតផង។

លោកស្រី ថាច់ធីតម្រិះ អនុប្រធានការិយាល័យអប់រំជនជាតិនៃមន្ទីរអប់រំនិងបណ្តុះបណ្តាល បញ្ជាក់៖ “ការអនុវត្តព្រមៗគ្នានូវគោលនយោបាយលើកលែង កាត់បន្ថយប្រាក់សាលា និងឧបត្ថម្ភអាហារូបករណ៍ដល់កូនចៅតំបន់ជនជាតិ ភាគតិចនៅទីក្រុងកឹងធើ ក្នុងបរិការណ៍ទើបរួមបញ្ចូលថ្មីនេះ គឺជាការចាំបាច់និងមានសារៈសំខាន់ណាស់។ ពេលខាងមុខផ្នែកអប់រំនឹងបន្តធ្វើសេនាធិការអនុវត្តនូវកម្មវិធី គោលនយោបាយដល់សាលានៅតំបន់ជនជាតិភាគតិចប្រកបដោយប្រសិទ្ធភាព ទន្ទឹមនឹងនោះ លើកកម្ពស់គុណភាពបង្រៀននិងរៀននៅតាមសាលាជនជាតិអន្តេវាសិក បង្កលក្ខណៈដើម្បីប្អូនអភិវឌ្ឍគ្រប់ជ្រុងជ្រោយ”៕

ដាលីន - វិមាន

ចែករំលែកអត្ថបទ

ពាក្យគន្លឹះ