កីឡា - ទេសចរណ៍ ទេសចរណ៍

28/07/2025 - 10:02

កាម៉ាវ អភិវឌ្ឍវិញ្ញាសាកីឡាប៉េតង់

ប៉ុន្មានឆ្នាំជិតៗនេះ វិញ្ញាសាកីឡាប៉េតង់នៅខេត្តកាម៉ាវ មានការរីកចម្រើនយ៉ាងខ្លាំងក្លា។ ផ្តើមពីនោះ មានកីឡាករជាច្រើនរបស់ខេត្តបានចូលរួមការប្រកួតពានរង្វាន់ប៉េតង់ និងឈ្នះបានមេដាយជាច្រើនប្រភេទក្នុងការប្រកួតថ្នាក់តំបន់និងថ្នាក់ជាតិ។

កីឡាករកាម៉ាវចូលរួមប្រកួតពានរង្វាន់ Petanque (ប៉េតង់) ជើងឯកយុវវ័យ យុវជនថ្នាក់ជាតិ។

បើតាមមន្ទីរវប្បធម៌ កីឡានិងទេសចរណ៍ ខេត្តកាម៉ាវ បច្ចុប្បន្ន វិញ្ញាសាកីឡាប៉េតង់ កំពុងរីកចម្រើនខ្លាំងក្លាក្នុងតំបន់ជនរួមជាតិខ្មែរ។ ប៉េតង់ជាវិញ្ញាសាកីឡាងាយលេងប្រាក់ ចំណាយលើការទិញគ្រាប់ និងទីលានក៏តិច បើប្រៀបនឹងកីឡាផ្សេង ម្ល៉ោះហើយកីឡាករត្រូវបានហ្វឹកហាត់នៅនឹងកន្លែងតែម្តង។

គ្រូបង្វឹកប៉េតង់យ័ញសាផាន ឱ្យដឹង៖ “កីឡាករប៉េតង់របស់ខេត្តភាគច្រើនជាជនជាតិខ្មែរ មានការឧស្សាហ៍ហ្វឹកហាត់និងអនុវត្តតាមបទបញ្ជារបស់គ្រូបង្វឹក។ បងប្អូនដែលបានជ្រើសភាគច្រើន ចេះលេងស្រាប់ ម្ល៉ោះហើយ ផ្តុំកម្លាំងបណ្តុះបណ្តាលបច្ចេកទេសលេងនិងចិត្តសាស្រ្តប្រកួតប៉ុណ្ណោះ អាស្រ័យហេតុនោះ ប៉ុន្មានឆ្នាំមកនេះ ប៉េតង់ខេត្តកាម៉ាវ ឈ្នះបានរង្វាន់ខ្ពស់ជាច្រើន ក្នុងការប្រកួតប្រចាំតំបន់និងថ្នាក់ជាតិ”។

ជាមួយការវិនិយោគចំទិសដៅ និងការហ្វឹកហាត់ដោយអស់ពីចិត្តរបស់គ្រូបង្វឹក ម្ល៉ោះហើយ គ្រាន់តែមួយរយៈពេលខ្លី វិញ្ញាសាកីឡាប៉េតង់ ខេត្តកាម៉ាវ មានឈ្មោះបោះសំឡេងជាខ្លាំង ខណៈពេលកីឡាករបានឈ្នះមេដាយជូនខេត្តជាបន្តបន្ទាប់។ កីឡាករ ត្រាលឺវវ៉ូវឡាម ឱ្យដឹង៖ “ក្នុងការហ្វឹកហាត់និងប្រកួត ប្អូនតែងយកចិត្តទុកដាក់ផ្តោតអារម្មណ៍ដោះស្រាយមួយជំហានម្តង និងអនុវត្តតាមបទបញ្ជារបស់គណៈកម្មការចាត់តាំង ម្ល៉ោះហើយសម្រេចបានលទ្ធផលល្អ។ ក្នុងការប្រកួតប្រចាំតំបន់និងថ្នាក់ជាតិ មានកីឡាករប៉េតង់ពូកែៗជាច្រើន ប៉ុន្តែជាមួយការហ្វឹកហាត់ដោយអស់ពីចិត្តរបស់គ្រូបង្វឹក ធ្វើឱ្យប្អូនជឿជាក់លើខ្លួនឯងដើម្បីឈ្នះបានមេដាយ។ ចាប់ពីឆ្នាំ ២០២២ មក ប្អូនប្រកួតឈ្នះមេដាយមាសជាច្រើននិងមេដាយផ្សេងៗទៀតនៅពានរង្វាន់ Petanque (ប៉េតង់) ជើងឯកយុវវ័យ និងយុវជនថ្នាក់ជាតិ។ នេះជាក្តីរីករាយ ជាកិត្តិយសនិងជាកម្លាំងចលករជួយឱ្យប្អូនជឿជាក់លើខ្លួនឯង ប្រកួតឈ្នះរង្វាន់ជាច្រើនសម្រាប់ឆ្នាំបន្តបន្ទាប់”។

កីឡាករយ័ញហុង ឱ្យដឹង៖ “ពេលរៀនចប់អនុវិទ្យាល័យ ខ្ញុំចូលរួមលេងប៉េតង់នៅនឹងសាលា ម្ល៉ោះហើយពេលបានជ្រើសរើសចូលហ្វឹកហាត់ គឺខ្ញុំកាន់តែឧស្សាហ៍ព្យាយាមហ្វឹកហាត់ដើម្បីសម្រេចបានស្នាដៃខ្ពស់។ រាល់ការប្រកួត ខ្ញុំតែងពង្រឹងស្មារតីដោះស្រាយបច្ចេកទេសមួយជំហានម្តង ក្នុងការបោះបាល់ បាញ់បាល់ ទើបឈ្នះបានមេដាយជាច្រើននៅរាល់ការប្រកួត។ មកទល់ពេលនេះ ក្រៅពីចូលរួមប្រកួតឱ្យខេត្ត ខ្ញុំថែមទាំងបានហ្វឹកហាត់នៅក្រុមជម្រើសវៀតណាមនិងចូលរួមប្រកួតជាច្រើនលើកនៅ SEA Grames ទៀតផង”។

បើតាមមន្ទីរវប្បធម៌ កីឡានិងទេសចរណ៍ខេត្តកាម៉ាវ ក្រៅពីជ្រើសរើសយុវវ័យដែលមានទេពកោសល្យ ដើម្បីធ្វើការហ្វឹកហាត់ ខេត្តមានគោលនយោបាយអនុគ្រោះដើម្បីទាក់ទាញកីឡាករប៉េតង់ពូកែៗមកពីខេត្តនានាមកចូលរួមទៀតផង។ ជាមួយការវិនិយោគចំទិសដៅ វិញ្ញាសាកីឡាប៉េតង់ខេត្តកាម៉ាវ កាន់តែមានឈ្មោះបោះសំឡេង ពេលមានកីឡាករជាច្រើន បច្ចុប្បន្នកំពុងប្រកួតឱ្យក្រុមជម្រើសជាតិ ហើយឈ្នះបានមេដាយជាច្រើនប្រភេទទៀតផង៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ