ព្រឹត្តិការណ៍ - នយោបាយ ព្រឹត្តិការណ៍

02/06/2025 - 10:31

ពិធីប្រណាំងទូក-ង ខេត្តសុកត្រាំង ឆ្នាំ២០២៥ រំពឹងទុកនឹងមានទូក-ងចូលរួមប្រមាណ ៦០ ទូក

តាមប្រសាសន៍ថ្នាក់ដឹកនាំមន្ទីរវប្បធម៌ កីឡា និងទេសចរណ៍ខេត្តសុកត្រាំង គម្រោងផែនការរៀបចំបុណ្យអកអំបុក - ប្រណាំងទូក-ងខេត្តសុកត្រាំង ឆ្នាំ២០២៥ នឹងរៀបចំឡើងតាមទ្រង់ទ្រាយថ្នាក់ខេត្ត ហើយមានខ្លឹមសារសំខាន់ៗជាច្រើន រួមមាន៖ កម្មវិធីបើកពិធីបុណ្យ; រង្វាន់ប្រណាំងទូក-ង; ពិធីសំពះព្រះខែ; មហោស្រពប្រឡងលយប្រទីប និងសម្តែងបង្ហាញទូកគែហ៊ៅ; ផ្សារណាត់ជំរុញដំណើរការពាណិជ្ជកម្មផលិតផល OCOP ខេត្តសុកត្រាំង និងផលិតផលពិសេសក្នុងតំបន់។ល។ ចំណុចសំខាន់នៃពិធីបុណ្យនេះគឺពិធីប្រណាំងទូក-ង រំពឹងទុកនឹងមានទូក-ងទាំងផ្នែកបុរស និងនារីចូលរួមប្រមាណ ៦០ ទូក។

 ពិធីប្រណាំងទូក-ងនៅខេត្តសុកត្រាំង។ រូចថត៖ លីធាន

ពិធីបុណ្យនេះ រៀបចំឡើងសំដៅលើកតម្កើងនូវលក្ខណៈវប្បធម៌ប្រពៃណីដ៏ល្អប្រសើររបស់ជនរួមជាតិខ្មែរ ជាពិសេសគឺសកម្មភាពវប្បធម៌ពិធីបុណ្យ; ឆ្លើយតបនឹងមតិគោលបំណង និងតម្រូវការសកម្មភាពជីវភាពវប្បធម៌ និងស្មារតីរបស់បណ្តាជនជាតិ។

ជាង១០ឆ្នាំមកនេះ ពិធីបុណ្យនៅខេត្តសុកត្រាំង តែងបានយកចិត្តទុកដាក់បង្កើនកម្រិតរៀបចំដោយទ្រង់ទ្រាយថ្នាក់តំបន់។ កាលពីឆ្នាំទៅមិញ ពិធីបុណ្យនេះ ត្រូវបានរៀបចំឡើងដោយទ្រង់ទ្រាយជាលក្ខណៈតំបន់វាលរាបទន្លេគឺវឡុង លើកទី៦ ទាក់ទាញទូក-ងចូលរួមចំនួន ៦០ ទូក ដោយមានកីឡាករ-ការិនីជាង ៧.០០០ នាក់ មកពីខេត្តសុកត្រាំង កាម៉ាវ បាកលីវ ហូវយ៉ាង គៀងយ៉ាង និងក្រុងកឹងធើ មានប្រជាជននិងភ្ញៀវទេសចរចូលរួមនិងទស្សនាក្នុងពិធីបុណ្យនេះប្រមាណ ៦២០.០០០ លើកនាក់៕

យោង៖ VOV-ĐBSCL - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ