កីឡា - ទេសចរណ៍ កីឡា

17/03/2025 - 15:06

ស្នាមញញឹមរបស់ ៤T ធ្វើឱ្យគាំទ្ររំភើបចិត្ត

៤T គឺជារហស្សនាមដែលអ្នកគាំទ្រដាក់ឱ្យកីឡាការិនីបាល់ទះ ត្រឹងធីថាញធ្វី។ នាងបានវិលមកប្រកួតគួរឱ្យចាប់អារម្មណ៍នៅពានរង្វាន់ហ្វាលឺ-ប៊ិញដៀង ឆ្នាំ២០២៥ ឱ្យក្រុម VTV ប៊ិញដៀង ឡុងអាង។

ធ្វីបានវិលមកប្រកួតវិញ របៀបលេងបាល់ ពិតជាអស្ចារ្យ។ (រូបថត៖ អិនធឺណិត)

ក្រោយពីរងរបួសពេលកំពុងប្រកួតឱ្យក្លឹបនៅប្រទេសជប៉ុន ទម្រង់លេងរបស់ធ្វីបានធ្លាក់ចុះ។ ដោយសារនាងមិនហ៊ានលោតខ្ពស់ ដូច្នេះការគប់បាល់របស់នាងមិនខ្លាំង។ ការរងរបួសធ្វើឱ្យអន់ថយលទ្ធភាពនៃការការពារ និងសេវីតបាល់របស់ធ្វី។ ហេតុនេះ ធ្វីខ្វះសមត្ថភាពពេលធ្វើជាប្រធានក្រុម។

ពេលនេះ ធ្វីបានវិលមកប្រកួតឱ្យក្រុមជម្រើសជាតិវិញ អ្នកគាំទ្រពិតជាព្រួយបារម្ភចំពោះរបៀបលេងបាល់របស់នាង។ ភាពអសមត្ថភាពក្នុងការគប់បាល់មិនបានដូចបំណងធ្វើឱ្យធ្វីធ្លាក់ទឹកមុខ។ ស្នាមញញឹមរបស់ប្រធានក្រុម ៤T ហាក់ដូច ជារសាយបាត់។ នាងជាទីបង្អែកខាងស្មារតីសម្រាប់មិត្តរួមក្រុម ដូច្នេះ ពេលនាងមិនសូវសើចក្រុមប្រកួតក៏ចុះដៃ។ ដោយយល់ឃើញដូច្នេះ គ្រូបង្វឹក តិចឱ្យធ្វីចេញប្រកួត។ បន្ទាប់ពីក្រកួតឱ្យក្លឹបនៅប្រទេសជប៉ុន ធ្វីបានងាកមកកួតឱ្យក្លឹបប្រទេសតួកគី ប្រទេសឥណ្ឌូនេសី ប៉ុន្តែ របៀបលេងបាល់នៅតែមិនបានល្អដូចដើមនៅឡើយ។ អ្នកគាំទ្ររបស់ធ្វី បានគិតទៅដល់ករណី នារីមាសនឹងឆាប់រំសាយអាជីពដោយសារតែរបួសមិនអាចជាសះស្បើយ។ ប៉ុន្តែ នាងបានសម្ងំហ្វឹកហាត់ ដើម្បីវិលមកប្រកួតវិញ។

និយាយតាមពិត មិនមែនអ្នកណាក៏សុទ្ធតែដាក់ទំនុកចិត្តទៅលើការវិលមករបស់កីឡាករិនី ៤T ពេលនាងមានឈ្មោះក្នុងបញ្ជីចុះឈ្មោះរបស់ក្រុម VTV ប៊ិញដៀងឡុងអាង ប្រកួតនៅពានរង្វាន់ហុង យឿងឆ្នាំនេះ។ ដូច្នេះហើយ អ្នកគាំទ្ររំភើបចិត្តយ៉ាងខ្លាំងចំពោះវត្តមានរបស់ធ្វីក្នុងការប្រកួតបើកឆាករបស់ក្រុមជួបជាមួយក្លឹបស៊ីម៉ងត៍ឡុងសើុង ខេត្តថាញ់ហ្វា។ រូបភាព “វាយសម្រុកឆ្វេង ស្តាំ” របស់ធ្វីបានវិលមក។ ការគប់បាល់ចំកណ្តាលទីលាន ឈុតក្រឡាស់ខ្លួនសង្គ្រោះបាល់ ។ល។ ពិសេស គឺស្នាមញញឹមនាំមកថាមពលវិជ្ជមាន បានបង្ហាញលើផ្ទៃមុខរបស់ ៤T។ លក្ខណៈទាំងអស់ដូចពោលខាងលើជាការចាំបាច់ ដើម្បីធ្វីដណ្តើមបាន៣១ ពិន្ទុ សម្រាប់ការក្រឡាស់ស្ថានភាព ក្រោយពី ៤ សិតរបស់ក្រុម VTV ប៊ិញដៀងឡុងអាង។

ពិន្ទុដំបូងនៅសិតទី ៥ ក្នុងការប្រកួតលើកទី ២ ជួបជាមួយក្រុម Vietinbank VC ដែលនាងរកបានដោយរបៀបលេងបាល់គួរឱ្យចាប់អារម្មណ៍។ ៤T សម្រេចបាន៣ពិន្ទុបន្តបន្ទាប់ ដើម្បីក្រុមVTV ប៊ិញដៀងឡុងអាង យកឈ្នះដោយលទ្ធផល ៣-២។ នោះគឺការក្រឡាស់ស្ថានភាពលើកទី ២ របស់ក្រុម VTV ប៊ិញដៀងឡុងអាង នៅក្នុងការប្រកួត។ ការយកឈ្នះនេះ ក្រុមបាល់តំបន់ខាងលិច ឈានឡើងនាំមុខពូល A ។ ប៉ុន្តែនៅមានការសាកល្បងជាច្រើនទៀតសម្រាប់ធ្វីនិងមិត្តរួមក្នុងដំណើរដណ្ដើមពានជើងឯក។ តែចំពោះមុខ ស្នាមញញឹមបានបង្ហាញលើបបូរមាត់របស់កីឡាការិនី ៤T ប្រការនេះធ្វើឱ្យគាំទ្ររំភើបចិត្តក្រៃលែង៕

ហាថាញ-មុនី

ចែករំលែកអត្ថបទ

ពាក្យគន្លឹះ