ទោះ​ដឹង​ថា​ពេល​នេះ​នឹង​មក​ដល់​ ប៉ុន្តែ​ពេល​ទទួល​ព័ត៌​មាន​ថា​ “គោ​ព្រៃ​” - Nadal បាន​ប្រ​កាស​លាលះ​ពី​អា​ជីព​ អា​រម្មណ៍​របស់​អ្នក​គាំ​ទ្រ ហាក់​ដូច​បេះ​ដូង​លោត​ខុស​ចង្វាក់​អ៊ីចឹង។​ កីឡា​ករ​ Rafael Nadal បាន​ប្រ​កាស​បញ្ចប់​អា​ជីព​ វាយ​កូន​បាល់​របស់​ខ្លួន​ ដោយ​មាន​កំ​ណត់​ត្រា​ រាប់​មិន​អស់។​ ពិសេស​គឺស្នា​ដៃ​នៅ​លើ​ទីលាន​ដី​ក្រ​ហម​ កន្លែង​ដែល​កីឡា​ករ​ជន​ជាតិ​អេស្ប៉ាញ រូប​នេះ​ បាន​អ្នក​គាំ​ទ្រ​ហៅ​គាត់​ថា​ “អធិ​រាជ​ដី​ក្រ​ហម” ។​

​ “ប្រ​កួត​អស់​ពី​សមត្ថ​ភាព​នៅ​លើ​ទីលាន​” ជា​និមិត្ត​រូប​របស់​អធិ​រាជ​ដី​ក្រ​ហម។​ រូប៖ Internet

កី​ឡា​ករ​ Nadal កើត​ឆ្នាំ​១៩៨៦ ចាប់​ផ្តើម​ប្រ​កួត​កីឡា​អា​ជីព​នៅ​ឆ្នាំ​២០០១។​ ក្រោយ​ពី​ជាង​២០​ឆ្នាំ​ប្រ​កួត​កម្រិត​កំ​ពូល​ រួច​ក៏​បាន​លា​លះ​ពី​អា​ជីព​ក្នុង​អា​យុ​៣៨​ឆ្នាំ​ គឺយឺត​ណាស់​ដែរ​ ប៉ុន្តែ​ចំ​ពោះ​កីឡា​ករ​វាយ​កូន​បាល់​ដ៏​រឹង​មាំ​ដូច​ជា​ Nadal វាជា​ការ​លា​លះ​ដ៏​គួរ​ឱ្យ​សោ​ក​ស្តាយ។​ Nadal ល្បី​ឈ្មោះ​ដោយ​សារ​ជំ​ហរ​នៃ​ការ​ប្រ​កួត​ដ៏​រឹង​មាំ ដោយ​មិន​ទុក​ឱ្យ​កូន​បាល់​រំលង​ទៅ​ឡើយ។​ ព្រោះ​ហេតុ​នោះ​ ក្នុង​អា​ជីព​របស់​ខ្លួន​ អធិ​រាជ​ដី​ក្រ​ហម​តែង​រង​របួស​រហូត​ដល់​ថ្នាក់​ចង់​លា​លះ​ពី​អា​ជីព​ឆាប់ៗ។​ ប៉ុន្តែ​មួយ​រយៈ​ក្រោយ​កីឡា​ករ​ Nadal បាន​វិល​មក​កាន់​ទីលាន​វិញ​ ដោយ​សារ​គាត់​ស្រ​ឡាញ់​កីឡា​វាយ​កូន​បាល់​ក្រៃ​ពេក។​ តែង​ប្រ​កួត​អស់​ពី​ចិត្ត​ ហេតុ​នោះ​ Nadal ទទួល​បាន​ស្នា​ដៃ​ដ៏​ច្រើន​ ដូច​៖ ឈ្នះ​ពាន​ Grand Slam ២២​លើក​ (ក្នុង​នោះ​ មាន​កំ​ណត់​ត្រា​ដោយ​ទទួល​បាន​ពាន​ Roland Garros ១៤​លើក​) ជើង​ឯក​ Wimbledon  ២​លើក​ គ្រង​តំ​ណែង Australian Open ២​លើក​ និង​ឈ្នះ​ពាន​ US Open ៤​លើក​។​ ក្រៅ​ពី​នោះ​ នៅ​ទាំង​ទទួល​បាន​ពាន​ ATP ទាំង​ធំ​តូច​ចំ​នួន​៩២ និង​មេ​ដាយ​មាស​អូ​ឡាំ​ពិក (ទោល​បុរស​ និង​គូបុរស)។​

ប៉ុន្តែ​ស្នា​ដៃ​ធំ​បំ​ផុត​របស់​ Nadal នោះ​ប្រ​ហែល​ ជា​ក្តី​ស្រ​ឡាញ់​របស់​អ្នក​គាំ​ទ្រ​ចំ​ពោះ​គាត់​។​ គាត់​តែង​ប្រ​កួត​អស់​ពី​ចិត្ត​ ឱ្យ​តម្លៃ​គូប្រ​កួត​និង​អ្នក​គាំ​ទ្រ ម្ល៉ោះ​ហើយ​កីឡា​ករ​ Nadal មាន​អ្នក​គាំ​ទ្រ ច្រើន​ក្នុង​ក្រុម​ “Big ៣” គឺ​កីឡា​ករ​ Rafael Nadal  កីឡា​ករ​ Roger Federer និង​ Novak Djokovic។​ អ្នក​គាំ​ទ្រ​តែង​ប្រៀប​ធៀប​ថា​ អា​ជីព​របស់​ Nadal មាន​ភាព​រុង​រឿង​ជាង​ ពី​ព្រោះ​ សម័យ​របស់​គាត់​មាន​ Roger Federer និង Novak Djokovic។​ កីឡា​ករ​ទាំង​បី​រូប​នេះ​ តែង​ប្រ​កួត​ដណ្តើម​គ្នា​នៅ​រាល់​ពាន​រង្វាន់​ ធ្វើ​ឱ្យ​ការ​ប្រ​កួត​មាន​ភាព​ទាក់​ទាញ​យ៉ាង​ខ្លាំង។​ កីឡា​ករ​ Federer បាន​លាលះ​ពី​អា​ជីព​ ដោយ​ដណ្តើម​បាន​ពាន​ Grand Slams ចំ​នួន​ ២០ ចំ​ណែក​ Djokovic ទទួល​បាន​កំ​ណត់​ត្រា​ Grand Slam ចំ​នួន ​២៤ ហើយ​កំ​ពុង​ស្ថិត​ចំ​ណាត់​ថ្នាក់​លេខ ៤ ពិភព​លោក។​

អ្នក​គាំ​ទ្រនឹង​បាន​ទស្សនា​ “គោ​ព្រៃ​” Nadal ប្រ​កួត​ឱ្យ​ក្រុម​ជម្រើស​អេស្ប៉ាញ​នៅ​វគ្គ​ផ្តាច់​ព្រ័ត្រ​នៃ​ពាន​រង្វាន់​ Davis Cup នៅ​ខែ​វិច្ឆិកា​ខាង​មុខ​នេះ​ គឺ​ការ​ប្រ​កួត​រវាង​អេស្ប៉ាញ និង​ហូឡង់​។​ កីឡា​ករ​ Nadal ធ្លាប់​ជួយ​ឱ្យ​អេស្ប៉ាញ​ឈ្នះ​ពាន​ Davis Cup បាន ​៤​ លើក​ថ្មី​ៗ​បំ​ផុត​នៅ​ឆ្នាំ​ ២០១៩។​ គាត់​យក​ឈ្នះ​ ២៩​ លើក​ក្នុង​ចំ​ណោម​ ៣០ លើក​នៃ​ការ​ប្រ​កួត​ទោល​នៅ​ក្នុង​ព្រឹត្តិ​ការណ៍​ មិត្ត​រួម​ក្រុម​នេះ​ ដែល​ជាកំ​ណត់​ត្រា​របស់​អេ​ស្ប៉ាញ។​ មិន​ទាន់​ដឹង​ថា​តើ Nadal នឹង​ប្រ​កួត​គូ ឬ​ទោល​នៅ​ពាន​រង្វាន់​នេះ​ ប៉ុន្តែ​ការ​ប្រ​កួត​នោះ​ ប្រាកដ​ជា​ទាក់​ទាញ​អ្នក​គាំ​ទ្រ​ចូល​រួម​យ៉ាង​កុះ​ករ​មិន​ខាន​។​ ពី​ព្រោះ​នេះ​ គឺ​ជា​ការ​ប្រ​កួត​ចែក​ដៃ​របស់​កីឡា​ករ​ជើង​ខ្លាំង​ម្នាក់។​ ដោយ​ Nadal តែង​ប្រ​កួត​អស់​ពី​ចិត្ត​នៅ​លើ​ទីលាន​ដី​ក្រ​ហម​ដែល​តែង​ដេញ​តាម​កូន​បាល់​ដោយ​មិន​រំលង​ និង​ស្នៀត​សង្គ្រោះ​កូន​បាល់​វិល​ខ្មាញ់​ដ៏​ល្អ​ឥត​ខ្ចោះ​ ដែល​គ្មាន​កីឡា​ករ​វាយ​កូន​បាល់​រូប​ណា​ម្នាក់​អាច​ធ្វើ​បាន​រហូត​មក​ដល់​បច្ចុប្បន្ន​នេះ៕​

                                    ហា​ថាញ-វិមាន​