កីឡា - ទេសចរណ៍ កីឡា

06/08/2024 - 10:22

បាល់ទះនារីវៀតណាមរបូតឱកាស

កំពុងស្ថិតក្នុងស្ថានភាពក្រុមទទួលបានមេដាយសំរឹទ្ធពានរង្វាន់ Volleyball Nations League (VNL) ប៉ុន្តែក្រុមជម្រើសបាល់ទះនារីវៀតណាម បែរជាបរាជ័យក្រុមយុវវ័យសៀងហៃក្នុងព្រឹត្តិការណ៍ Cup Future Star ឆ្នាំ ២០២៤ ទៅវិញ។ ការបរាជ័យនេះ គឺជាភាពចៃដន្យដោយមិននឹកស្មានដល់របស់អ្នកគាំទ្រ ខណៈពេលស្វែងរកគ្រប់វិធីដើម្បីអាចមើលការប្រកួតផ្ទាល់។

ក្រុមជម្រើសវៀតណាម ប្រកួតក្នុងសិតទី៤ បានត្រឹមតែ២៣ពិន្ទុ។

ក្នុងវគ្គប្រកួតបើកឆាកនៃពានរង្វាន់នេះ អ្នកគាំទ្រមានអារម្មណ៍ថា មានបញ្ហានៅក្រុមជម្រើសនិងគ្រូបង្វឹក ខណៈពេល “ជិតបរាជ័យ” ជាមួយក្រុម U២១ កាណាដា។ ដើម្បីបានស្ងប់អារម្មណ៍ អ្នកគាំទ្របានដោះសារថា ដោយសារអាកាសធាតុនៅកន្លែងប្រកួត ពីព្រោះមិនសូវមានពេលហាត់សម។ល។ ម្ល៉ោះហើយ ប្រកួតមិនស៊ីសង្វាក់គ្នា។ ប៉ុន្តែដល់វគ្គប្រកួតលើកទី២ ជួបនឹងក្រុមម្ចាស់ផ្ទះ ការដោះសារខាងលើគ្មានន័យទៀត ពីព្រោះក្រុមវៀតណាមលេងអន់ពេក។ ជួបជាមួយក្រុមយុវតីសៀងហៃ ក្រុមវៀតណាមលេងដូច ”មាន់ខ្តតរកពង” គ្មានការសហការល្អ និងការពារប្រៀបដូចងងុយដេក...។

បរាជ័យដោយអស់ចិត្តនៅសិតទី១ ដល់សិតទី២ ទើបគ្រូបង្វឹកង្វៀងត្វឹងកៀក ផ្លាស់ប្រធានក្រុមថ្មីនៃក្រុមជម្រើសបាល់ទះនារីវៀតណាម ង្វៀងប៊ិចត្វៀង ចូលប្រកួត។ ដោយស្មានថាជាមួយនឹងតំណែងថ្មី ប៊ិចត្វៀង នឹងពង្រីកសមត្ថភាពរបស់ខ្លួន បំផុតគឺសមត្ថភាពរបស់អត្តពលិកឆ្នើមបំផុតក្នុងពានរង្វាន់ Volleyball Nations League (VNL) នាពេលកន្លង។ ប៉ុន្តែក្នុងការប្រកួតដែលក្រុមទាំងមូលមានអារម្មណ៍មិនល្អ គឺប្រធានក្រុមគុបបាល់ជាប់សំណាញ់ ត្រូវរាំងឬចេញក្រៅទី។ ទទួលបរាជ័យសិតទី២ទៀត ទោះបីជាក្រុមមានកីឡាការិនី ង្វៀងខាញ់ដាង ការពារល្អបំផុត នៅពានរង្វាន់ VNL នៅលើទីលានក៏ដោយ។

ប្រឈមមុខនឹងស្ថានភាពគ្មានអ្វីត្រូវបាត់បង់ទៀត ក្រុមជម្រើសរបស់យើងបានយកឈ្នះនៅសិតទី៣ នាំមកនូវក្តីសង្ឃឹមក្រឡាស់ ស្ថានភាពដល់អ្នកគាំទ្រ។ ប៉ុន្តែនេះគ្រាន់តែជាសិតកិត្តិយសរបស់ក្រុមតែប៉ុណ្ណោះ ទោះបីចាប់ផ្តើមសិតទី៤ ប្រកួតបានល្អ មានការនាំមុខពិន្ទុក្រុមម្ចាស់ផ្ទះ មុនពេលគេតាមទាន់នៅពិន្ទុ ១០ - ១០ រួច ដេញតាមក្រុមម្ចាស់ផ្ទះទាំងអស់សង្ឃឹម។

បរាជ័យក្នុងការប្រកួតមិត្តភាពមិនមែនជាបញ្ហាធ្ងន់ធ្ងរនោះទេ ប៉ុន្តែទទួលបរាជ័យចំពោះក្រុមយុវវ័យរបស់ខេត្តមួយ គឺជាប្រការគួរតែដកបទពិសោធន៍។ ចិត្តសាស្រ្តរបស់អត្តពលិកមិនល្អ ជំហានទី១អន់ពេក ហេតុនោះបញ្ជូនបាល់ទី២ក៏មិនល្អ ខ្សែវាយលុកគ្មានបាល់។ល។ ខណៈនោះ គូប្រកួតមានវ័យនៅក្មេង ការពារបានល្អ សហការវាយលុកបានយ៉ាងល្អ។ ចំណែកក្រុមជម្រើសវៀតណាម កីឡាការិនីមិនផ្តោតអារម្មណ៍លេងបាល់ គ្រូបង្វឹក ផ្លាស់ប្តូរយុទ្ធសាស្រ្តមិនទាន់ពេល ហើយពិគ្រោះយោបល់ខ្វះការប្តូរផ្តាច់។ ស្នាមញញឹមក្រោយពីចាញ់ពិន្ទុចុងក្រោយរបស់គ្រូបង្វឹកដែលមានស្នាដៃក្រាស់ក្រៃនេះ ធ្វើឲ្យអ្នកគាំទ្រមិនពេញចិត្ត។

ក្រុមជម្រើសវៀតណាម ក៏បានចាញ់ក្លឹបមកពីកូរ៉េខាងត្បូងនៅវគ្គប្រកួតចុងក្រោយ និងមិនអាចចូលដល់វគ្គពាក់កណ្តាលផ្តាច់ព្រ័ត្រ។ ជាក់ស្តែង ក្រុមទាំងមូលត្រូវផ្លាស់ប្តូរច្រើន ដើម្បីប្រកួតបានល្អប្រសើរនាពេលខាងមុខ៕

ហាថាញ-វិមាន

ចែករំលែកអត្ថបទ

ពាក្យគន្លឹះ