នោះ​ក៏​ជា​លើក​ទី​មួយ​ផង​ដែរ​សម្រាប់​ខ្លឹម​សារ​នារី​នៃ​កីឡា​វាយ​សី​វៀត​ណាម ពេល​មាន​អត្ត​ពលិក​ម្នាក់​បាន​ចូល​វគ្គ​ផ្ដាច់​ព្រ័ត្រ​ពាន​រង្វាន់ Super ៣០០ នៃ​សហ​ព័ន្ធ​កីឡា​វាយ​សី​ពិភព​លោក (BWF)។ សមិទ្ធ​ផល​ដ៏​អស្ចារ្យ​នេះ​របស់​ង្វៀង​ធី​លិញ បាន​ធ្វើ​ឱ្យ​អ្នក​គាំ​ទ្រ​រំភើប​ចិត្ត​ជា​ខ្លាំង។

កីឡា​ការិនី​ធ្វី​លិញ ក្រោយ​ពី​ឈ្នះ​នៅ​វគ្គ​ពាក់​កណ្ដាល​ផ្ដាច់​ព្រ័ត្រ។  រូប​ថត៖ អ៊ីន​ធឺ​ណិត

ធ្វី​លិញ ប្រ​កួត​បាន​ល្អ​តាំង​ពី​ចុង​ឆ្នាំ​២០២៣ ខណៈ​ពេល​នាង​ប្រ​កួត​ឈ្នះ​ដៃ​គូ​ជា​ច្រើន ដែល​មាន​ចំ​ណាត់​ថ្នាក់​ខ្ពស់​ក្នុង​តា​រាង​រៀប​ចំ​ណាត់​ថ្នាក់។ មាន​ដូច៖ កីឡា​ការិនី Gregoria Marisika Tunjung (ឥណ្ឌូ​ណេស៊ី) ចំ​ណាត់​ថ្នាក់​ទី៧ កីឡា​ការិនី Corolina Marin (អេ​ស្ប៉ាញ)។ល។ តាំង​ពីនោះ​មក ឈ្មោះ​ធ្វី​លិញ មក​ពី​ប្រ​ទេស​វៀត​ណាម​ត្រូវ​បាន​មនុស្ស​ជា​ច្រើន​ស្គាល់។ ពិសេស គឺ​ការ​ឈ្នះ​លើ​កីឡា​ការិនី Marin - អតីត​ជើង​ឯក​ពិភពលោក​ ​អតីតជើង​ឯក​អូ​ឡាំ​ពិក។ល។ បច្ចុប្បន្ន ឈរ​លំ​ដាប់​ថ្នាក់​ទី​៥ ពិភពលោក ធ្វី​លិញ ត្រូវ​បាន​ដៃ​គូវាយ​តម្លៃ​ខ្ពស់​ជាង​មុន។ កំ​ពុង​ប្រ​កួត​បាន​ល្អ ធ្វី​លិញ ស្រាប់​តែ “ធ្លាក់​ដៃ” ក្នុង​ការ​ប្រ​កួត​មួយ​ចំ​នួន​នៅ​ចុង​ឆ្នាំ​២០២៣​និង​ដើម​ឆ្នាំ​២០២៤។ ហេតុ​ផល​យោង​តាម​អ្នក​ជំ​នាញ​ជា​ច្រើន គឺ​ដោយ​សារ​ធ្វី​លិញ ខ្សោយ​ខាង​កាយ​សម្ប​ទា​និង​តាម​ទស្សនៈ​ផ្ទាល់​ខ្លួន​របស់​នាង៖ ធ្វី​លិញ ខ្វះ​គ្រូ​បង្វឹក​ជំ​នាញ។ សម្លឹង​ឃើញ​ធ្វី​លិញ ត្រ​មង់​ត្រ​មោច​តែ​ម្នាក់​ឯង​ទៅ​ចូល​រួម​ការ​ប្រ​កួត​ពាន​រង្វាន់​អន្តរ​ជាតិ ធ្វើ​ឱ្យ​អ្នក​គាំ​ទ្រ​មាន​ភាព​សោក​សៅ។

ការ​វិល​មក​ចូល​ប្រ​កួត German Open ឆ្នាំ ២០២៤ កន្លែង​ដែល​ធ្វី​លិញ​មាន​លើក​ដំ​បូង​ជា​ច្រើន៖ លើក​ដំ​បូង​ឈ្នះ​កីឡា​ការិនី​ឆ្នើម​របស់​ថៃ ដែល​ជា​ជើង​ឯក​ពិភព​លោក ខណៈ​ពេល​ទើប​តែ​អា​យុ​១៧​ឆ្នាំ ឈ្មោះ Ratchanok Intanon នៅ​វគ្គ​ពាក់​កណ្តាល​ផ្តាច់​ព្រ័ត្រ មុន​ពេល​ក្រ​ឡាស់​ស្ថាន​ភាព​មិន​គួរ​ឱ្យ​ជឿ​លើ​កីឡា​ការិនី​ដែល​មាន​ចំណាត់​ថ្នាក់​ខ្ពស់​ជាងនាង​១១​ថ្នាក់ លើ​តា​រាង​រៀប​ចំ​ចំ​ណាត់​ថ្នាក់​គឺ Kim Ga Eun របស់​កូរ៉េ​ខាង​ត្បូង។ យើង​នៅ​ចាំ​កីឡា​ការិនី Kim ធ្លាប់​ផ្ដួល​ធ្វី​លិញ​២ - ០ ក្នុង​ការ​ប្រ​កួត​នៅ​ប្រ​ទេស​ចិន​កាល​ពីចុង​ឆ្នាំ​២០២៣។ មិន​ខុស​គ្នា​នឹង​ការ​ប្រ​កួត​លើក​មុន​ជា​មួយ​នឹង Kim កីឡា​ការិនី​ធ្វី​លិញ មាន​ពិន្ទុ​ប្រ​ដំ​ប្រ​សង​គ្នា នាំ​មុខ​គូ​ប្រ​កួត​២០-១៩ មុន​ពេល​ខូច​៣​ពិន្ទុ​ចុង​ក្រោយ​ហើយ​ចាញ់​នៅ​សិត​ទី​១ដោយ​ពិន្ទុ​២២-២០។ ប៉ុន្តែ​ក្នុង​សិត​ទី​២​នៃ​ការ​ប្រ​កួត​នៅ​ប្រ​ទេស​អាល្លឺ​ម៉ង់ លិញ​បាន​យក​ឈ្នះ​វិញ​ដោយ​ពិន្ទុ២១ - ៨ អូស​ដៃ​គូ​ចូល​ប្រ​កួត​សិត​ទី​៣ ហើយ​ផ្ដួល​ដៃគូ​ក្នុង​ពិន្ទុ​២១-១៦។ ការ​ប្រ​កួត​ដ៏​អស្ចារ្យ​នេះ គឺ​ធ្វី​លិញ ចលនា​រហ័ស​រហួន វិនិច្ឆ័យ​គ្រាប់​សី​បាន​ល្អ​និង​គ្រប់​គ្រង​គ្រាប់​សី​កម្រិត​ខ្ពស់ បាន​ធ្វើ​ឱ្យ​កម្លាំង​គូ​ប្រ​កួត​ចុះ​ខ្សោយ ដែល​ជា​ប្រៀប​ខ្លាំង​របស់ Kim។

គូប្រ​ជែង​របស់​ធ្វី​លិញ ក្នុង​វគ្គ​ផ្ដាច់​ព្រ័ត្រ​ពាន​រង្វាន់ Super ៣០០ ដំ​បូង​ក្នុង​អា​ជីព​របស់​នាង​គឺ​កីឡា​ការិនី​វាយ​កូន​បាល់​ជន​ជាតិ​ដា​ណឺ​ម៉ាក Mia Blichfelt (ចំ​ណាត់​ថ្នាក់​២២ពិភព​លោក) កំ​ពុង​មាន​ចំ​ណាត់​ថ្នាក់​ខ្ពស់​ជាង​នាង​១​ថ្នាក់​នៅ​លើ​តា​រាង​រៀប​ចំ​ចំ​ណាត់​ថ្នាក់ BWF។ ប្រ​ហែល​ជា​ធ្វី​លិញ ខិត​ខំ​អស់​ពី​កម្លាំង​កាយ​ចិត្ត​សម្រាប់​ការ​ប្រ​កួត​វគ្គ​ពាក់​កណ្ដាល​ផ្ដាច់​ព្រ័ត្រ ដូច្នោះ​ពេល​ជួប​នឹង​គូ​ប្រ​កួត​មក​ពី​ប្រ​ទេស​ដា​ណឺ​ម៉ាក់ ធ្វី​លិញ មាន​ភាព​ទន់​ខ្សោយ​ក្នុង​ការ​បញ្ជា​គ្រាប់​សី​ឆ្ងាយ។ ជា​លើក​ដំ​បូង​ដែល​នាង​ឈាន​ទៅ​ដល់​វគ្គ​ផ្ដាច់​ព្រ័ត្រ​នៃ​ការ​ប្រ​កួត​ដ៏​ធំ ហើយ​ថែម​ទាំង​ទៅ​ប្រ​កួត​ម្នាក់​ឯង គ្មាន​អ្នក​លើក​ទឹក​ចិត្ត ខណៈ​ពេល​គូប្រ​កួត​របស់​នាង​នាំ​មុខ​ពិន្ទុ​យ៉ាង​ជ្រៅ ម្ល៉ោះ​ហើយ​ធ្វី​លិញ​មាន​បញ្ហា​ផ្លូវ​ចិត្ត លេង​មិន​បាន​ល្អ​និង​ចាញ់​ការ​ប្រ​កួត។

សង្ឃឹម​ថា សមិទ្ធ​ផល​បាន​ចូល​ប្រ​កួត​ក្នុង​វគ្គ​ផ្ដាច់​ព្រ័ត្រ​នៃ​ពាន​រង្វាន់ Super ៣០០ លើកដំ​បូង​ក្នុង​អា​ជីព នឹង​ក្លាយ​ជា​បុព្វ​បទ​សម្រាប់​ធ្វី​លិញ អភិវឌ្ឍ​ថែម​ទៀត​ក្នុង​អនា​គត៕

                                    ហា​ថាញ-ថាច់​ធី