កីឡា - ទេសចរណ៍ កីឡា

05/02/2024 - 12:51

ឆ្នាំអស្ចារ្យសម្រាប់បាល់ទះនារីវៀតណាម

ជាលើកដំបូងក្នុងប្រវត្តិសាស្រ្តកីឡាវៀតណាម ក្រុមជម្រើសជាតិបាល់ទះនារីវៀតណាម ត្រូវបានស្ងើចសរសើរក្នុងព្រឹត្តិការណ៍ Victory Cup។ ក្រៅពីរង្វាន់សមូហភាពក្រុមជម្រើសជាតិបាល់ទះនារីវៀតណាមនៅទាំងឈ្នះរង្វាន់ឯកត្តជនចំនួន ៣បន្ថែមទៀតផង។ ការទទួលបានជ័យលាភីទាំង ៤ក្នុង ពិធីស្ងើចសរសើរ គឺជារង្វាន់ដ៏សក្ដិសមសម្រាប់សិស្សនិងគ្រូបង្វឹក ង្វៀងត្វឹងកៀក ពីព្រោះក្នុងឆ្នាំ២០២៣ ក្រុមសម្រេចបានស្នាដៃលេចធ្លោ ជាច្រើន។

រូបថតថាញធ្វី ទទួលរង្វាន់ឯកត្តជន ពេលប្រកួត ឱ្យក្លិប Blue Cats របស់ជប៉ុន។

មិនខុសពីការរំពឹងទុកកីឡាការិនីត្រឹងធីថាញធ្វី ក្រុមជម្រើសបាល់ទះនារីវៀតណាម បានឈ្នះរង្វាន់២ក្នុងព្រឹត្តិការណ៍ Victory Cup៖ កីឡាការិនីទទួលបានការស្រឡាញ់ពេញចិត្តបំផុតប្រចាំឆ្នាំ និងកីឡាការិនីឆ្នើមបំផុតប្រចាំឆ្នាំ។ ដើម្បីសម្រេចបានស្នាដៃខាងលើ ត្រឹងធីថាញធ្វី (រហស្សនាម ៤T) មានស្នាដៃលេចធ្លោជាច្រើន ខណៈពេលដែលនាងទទួលបានកិត្តិនាមជាកីឡាការិនីឆ្នើមជាបន្តបន្ទាប់ក្នុងព្រឹត្តិ រណ៍ Asian Club Cup, VTV Cup, Seagame ។ល។ ថាញធ្វី ជាកីឡាការិនីត្រូវបានអ្នកគាំទ្រស្រឡាញ់ពេញចិត្តបំផុត ដោយទទួលបានសារគាំទ្រលើសលុបបើប្រៀបនឹងកីឡាការិនីឯទៀត។ នេះក៏ជាប្រការងាយយល់ដែរ ដ្បិតអីភាពរាក់ទាក់រួសរាយគួរឱ្យស្រឡាញ់រាប់អានរបស់នាង ខណៈពេលប្រកួតនៅលើទីលាននិងភាពជិតស្និទ្ធ ស្មោះត្រង់ ខណៈពេលទំនាក់ទំនងជាមួយអ្នកគាំទ្រ។ ពិសេសគឺស្នាដៃរបស់ថាញធ្វីជូនក្រុមជម្រើសជាតិ។ ដូចជាការវាយបាល់មានទម្ងន់ ការខាំមាត់អត់ទ្រាំនឹងការឈឺចាប់ដោយសាររបួស និងកាលបរិច្ឆេទប្រកួតដ៏មមាញឹករបស់នាង ត្រូវបានអ្នកគាំទ្រកត់ចំណាំនិងទទួលស្គាល់។ ថាញធ្វី បច្ចុប្បន្នជាកីឡាការិនីជោគជ័យម្នាក់ដែលប្រកួតនៅក្រៅប្រទេស ទទួលបានប្រាក់ខែខ្ពស់ ហើយនាងក៏ជាអ្នករួមចំណែកដ៏ច្រើន ដឹកនាំក្រុមជម្រើសបាល់ទះនារីវៀតណាម ប្រកួតនៅទីលានពិភពលោកជាលើកដំបូងក្នុងនាមជាប្រធានក្រុម។

យើងក៏មិនបំភ្លេចពីសារៈសំខាន់នៃគណៈគ្រូបង្វឹកក្នុងភាពជោគជ័យរបស់ក្រុមជម្រើសបាល់ទះនារីវៀតណាមនោះឡើយ។ អ្នកគាំទ្រតែងនិយាយលេងសើចថា គណៈគ្រូបង្វឹកក្រុមបាល់ទះនារី “ក្នុងស្រុក” ដ្បិតអី គ្រូបង្វឹកទាំងអស់សុទ្ធតែនៅក្នុងប្រទេស។ ហើយអ្នកដឹកនាំនោះគឺគ្រូបង្វឹក ង្វៀងត្វឹងកៀក គាត់បានដឹកនាំក្រុមជម្រើសបាល់ទះនារីវៀតណាមចេញដំណើរទៅប្រកួតក្នុងឆ្នាំ២០២៣ ដោយទទួលបានជោគជ័យហួសពីការរំពឹងទុក ដូច្នោះ គាត់សមនឹងទទួលបានរង្វាន់គ្រូបង្វឹកប្រចាំឆ្នាំ។

ហើយជាការពិតណាស់ ប្រសិនបើមានតែគ្រូបង្វឹក ង្វៀងត្វឹងកៀក និងប្រធានក្រុម៤T គឺមិនអាចក្លាយជាក្រុមជម្រើសបាល់ទះបានទេ។ ដូច្នោះ រង្វាន់ក្រុមបាល់ទះប្រចាំឆ្នាំ មិនអាច “របូត” ពីដៃក្រុមបាល់ទះនារីបានឡើយ។ ក្រៅពីថាញធ្វី គឺមានកីឡាការិនីជាច្រើនទៀតដូច៖ ឡឹមហ្វាញ់ កេវត្រិញ ធីត្រិញ ទូលិញ ប៊ិចធ្វី ញឺហ្វិញ ត្រាយ៉ាង ខាញ់ដាង គីមថ្វ ។ល។ តែងបានអ្នកគាំទ្រស្រឡាញ់ចូលចិត្តផងដែរ។ សង្ឃឹមថា ជោគជ័យរបស់ក្រុមបាល់ទះនារីកាលពីឆ្នាំកន្លង នឹងជួយឱ្យពួកគេកាន់តែទទួលបានភាពជោគជ័យជាងទៀតក្នុងឆ្នាំ២០២៤៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ