កីឡា - ទេសចរណ៍ កីឡា

29/01/2024 - 17:29

ចលនាកីឡាមហាជនរីកចម្រើនយ៉ាងខ្លាំងក្លា

ចលនាកីឡាមហាជននៅខេត្តសុកត្រាំង មានការរីកចម្រើនយ៉ាងខ្លាំងក្លា បង្កើតជាបរិយាកាសដ៏សប្បាយរីករាយក្នុងឱកាសបុណ្យចូលឆ្នាំថ្មី និងថ្ងៃបុណ្យទានផ្សេងៗរបស់ជនរួមជាតិខ្មែរ។

ចលនាកីឡាប៉េតង់ មានការរីកចម្រើនយ៉ាងខ្លាំងក្លានៅតំបន់ជនបទស្រុកឡុងភូ
ខេត្តសុកត្រាំង។

បច្ចុប្បន្ន សកម្មភាពកីឡាអប់រំកាយ មហាជនមានការរីកសាយភាយដល់តំបន់ដាច់ស្រយាល តំបន់ដែលមានជនរួមជាតិខ្មែររស់នៅកុះករ ហើយទទួលបានការចូលរួមគាំទ្រយ៉ាងពេញទំហឹងពីសំណាក់ប្រជាជន។ វិញ្ញាសាកីឡាទាំងនោះ មានដូចជា៖ ប៉េតង់ បាល់ទាត់ បាល់ទះ ប្រណាំងទូក-ងប្រពៃណី និងទូក-ងខ្នាតតូច។ល។ យោងតាមន្ទីរវប្បធម៌ កីឡានិងទេសចរណ៍ខេត្តសុកត្រាំង ទូទាំងខេត្តមានទីលានបាល់ទះចំនួន១៩៣ ទីលានបាល់ទាត់ចំនួន៣៤និងទីលានកីឡាផ្សេងៗចំនួន២១៤នៅគ្រប់ឃុំ។ ជារៀងរាល់ឆ្នាំ នៅលើភូមិសាស្ត្រខេត្ត គឺមន្ទីរ គណៈ ផ្នែកនិងភូមិភាគនានា បានរៀបចំជោគជ័យសមយុទ្ធកីឡា និងការប្រកួតដណ្តើមពានរង្វាន់ជាច្រើន ដើម្បីបង្កើតជាសួនកម្សាន្តដ៏មានប្រយោជន៍ដល់សិស្ស យុវជន កម្មាភិបាល បុគ្គលិក អ្នករដ្ឋការ កម្មករនិយោជិតនិងប្រជាជន។

លោកឡឹមថាញយុង នាយករងមន្ទីរវប្បធម៌ កីឡានិងទេសចរណ៍ខេត្តសុកត្រាំង ឱ្យដឹង៖ “បច្ចុប្បន្ន ក្នុងសហគមន៍ជនរួមជាតិខ្មែរ ចលនាកីឡាមហាជនមានការរីកចម្រើនយ៉ាងខ្លាំងក្លា ទាក់ទាញប្រជាជនចូលរួមច្រើនកុះករ។ លេចធ្លោបំផុតគឺវិញ្ញាសាកីឡាប្រណាំងទូក-ង ក៏ផ្តើមចេញពីចលនាមហាជន ថវិកាបានពីប្រភពសង្គមូបនីយម្ម។ ចលនាទាំងនេះភាគច្រើន គឺប្រជាជនចូលរួមដោយស្ម័គ្រចិត្ត តួយ៉ាងដូច៖ វិញ្ញាសាកីឡាប៉េតង់ ប្រជាជនវិនិយោគដោយខ្លួនឯង តាំងពីទីលានរហូតដល់ការហាត់សម និងប្រកួត។ បច្ចុប្បន្ន អត្តពលិកភាគច្រើនរបស់ក្រុមជម្រើសខេត្ត ចូលរួមប្រកួតវិញ្ញាសាកីឡាប៉េតង់ឱ្យក្រុមជម្រើសជាតិ សម្រេចបានស្នាដៃខ្ពស់សុទ្ធតែជាអត្តពលិកខ្មែរ”។ រៀងរាល់ឆ្នាំ តាមរយៈការរៀបចំសមយុទ្ធកីឡានិងការប្រកួតដណ្តើមពានរង្វាន់ មជ្ឈដ្ឋានអ្នកជំនាញបានជ្រើសរើសអត្តពលិកមានទេពកោសល្យដើម្បីចូលរួមហ្វឹកហាត់ទៅប្រកួតឱ្យក្រុមជម្រើសថ្នាក់ស្រុកនិងខេត្ត។ បងថាច់ថាញលី សមាជិកក្លឹបកីឡាប៉េតង់ភូមិភូឌឹក ឃុំឡុងភូ ស្រុកឡុងភូ ឱ្យដឹង៖ “ពីមុន ខ្ញុំឃើញក្នុងភូមិលេងកីឡាប៉េតង់ប្រកួតដោះដូរកម្សាន្តនៅក្នុងឱកាសបុណ្យចូលឆ្នាំថ្មី ថ្ងៃបុណ្យទានផ្សេងៗ បង្កឱ្យមានបរិយាកាសសប្បាយរីករាយ ម៉្លោះហើយ ទើបខ្ញុំទៅទិញគ្រាប់ប៉េតង់មកលេងតាម។ វិញ្ញាសាកីឡាប៉េតង់ងាយស្រួលលេង កាន់តែលេងកាន់តែចូលចិត្ត ជួយលើកកម្ពស់សុខភាព ឥឡូវនេះបានមជ្ឈមណ្ឌលវប្បធម៌ កីឡានិងស្ថានីយផ្សាយសំឡេងស្រុក ជ្រើសចូលក្រុមជម្រើសស្រុក ដើម្បីចូលរួមប្រកួតដណ្តើមពានជើងឯកសម្រាប់ក្លឹបកីឡាប៉េតង់ថ្នាក់ខេត្ត សមយុទ្ធកីឡាជនជាតិខ្មែរ។ល។ ពេលចូលរួមប្រកួតម្តងៗ ខ្ញុំសុទ្ធតែទទួលបានរង្វាន់ដូច្នេះ ហើយខ្ញុំរឹតតែសប្បាយចិត្តនិងកាន់តែស្រឡាញ់ចូលចិត្តកីឡានេះ”។

ឆ្នាំ២០២៣ មន្ទីរវប្បធម៌ កីឡានិងទេសចរណ៍ខេត្តសុកត្រាំង រៀបចំជោគជ័យព្រឹត្តិការណ៍មហោស្រព និងពានរង្វាន់កីឡាថ្នាក់ខេត្តចំនួន ១០លើក ចូលរួមប្រកួតដណ្តើមពានរង្វាន់ថ្នាក់ជាតិ មហាសន្និបាតកីឡាទូទាំងប្រទេស មហាសន្និបាតកីឡាអប់រំកាយតំបន់វាលរាបទន្លេគឺវឡុងចំនួន២៣លើក។ លទ្ធផលខេត្តឈ្នះមេដាយចំនួន៣០០ ក្នុងនោះ មេដាយមាស១ គ្រឿង មេដាយសំរឹទ្ធ១គ្រឿង នៅព្រឹត្តិការណ៍កីឡាអាស៊ីអាគ្នេយ៍លើកទី៣២ នៅប្រទេសកម្ពុជា។

លោកឡឹមថាញយុង ឱ្យដឹងបន្ថែម៖ “អនុវត្តការចលនា “ទូទាំងប្រជាជនលត់ដំកាយសម្បទាតាមគំរូអ៊ំហូដ៏មហិមា” ខេត្តបានចង្អុលការដល់អង្គភាពនិងភូមិភាគនានា បន្តអភិវឌ្ឍចលនាកីឡាអប់រំកាយមហាជន រួមចំណែកលើកកម្ពស់កាយសម្បទាសុខភាព មាឌកម្ពស់ ព្រមទាំងធ្វើឱ្យសម្បូរបែបជីវភាពវប្បធម៌ស្មារតីរបស់ប្រជាជន។ ពិសេស គឺស្វែងរកអត្តពលិក ដែលមានទេពកោសល្យដើម្បីបំពេញបន្ថែមឱ្យក្រុមជម្រើសខេត្ត”៕

យ្វីអាញ-មុនី

ចែករំលែកអត្ថបទ

ពាក្យគន្លឹះ