ការ​ផ្លាស់​ប្តូរ​បុគ្គ​លិក​ជួយ​ឱ្យ​ក្រុម​កីឡា​វាយ​សី ប្រ​ទេស​កូរ៉េ​ខាង​ត្បូង​ មាន​ការ​ជឿន​លឿន​យ៉ាង​ឆាប់​រហ័ស។​ អត្ត​ពលិក​កូរ៉េ​ខាង​ត្បូង​កំ​ពុង​បង្កើន​ល្បឿន​ និង​កំ​ពុង​ឈរ​ចំ​ណាត់​ថ្នាក់​ខ្ពស់​នៅ​លើ​តា​រាង​រៀប​ចំ​ណាត់​ថ្នាក់​កីឡា​វាយ​សី​ពិភព​លោក។​

 គូ​បុរស​-នា​រីកូរ៉េ​ខាង​ត្បូង​ឈ្នះ​ពាន​ជើង​ឯក​នៃ​ពាន​រង្វាន់​សំ​ខាន់​ៗ​ទាំង​ពីរ​ជា​បន្ត​បន្ទាប់។

គណៈគ្រូ​បង្វឹក​របស់​ក្រុម​កូរ៉េ​ខាង​ត្បូង​ បាន​ផ្លាស់​ប្តូរ​ក្នុង​ការ​ចាប់​គូគ្នា​ប្រ​កួត​នៅ​ខ្លឹម​សារ​ទាំង​៣។​ ហើយ​ភ្លាមៗ​នោះ​ ការ​ផ្លាស់​ប្តូរ​នេះ​បាន​នាំ​មក​នូវ​វឌ្ឍន​ភាព​ជា​វិជ្ជ​មាន​។​ កាល​ពី​មុន​នេះ​ កីឡា​ករ​ដែល​ច្រើន​តែ​ចូល​រួម​ប្រ​កួត​នៅ​វគ្គ​ផ្តាច់​ព្រ័ត្រ​នៃ​ពាន​រង្វាន់​ធំ​ៗ​របស់​សហព័ន្ធ​កីឡា​វាយ​សី​ពិភព​លោក​ (BWF) ភាគ​ច្រើន​គឺកីឡា​ករ​ប្រ​ទេស​ចិន​និង​ជប៉ុន​ ប៉ុន្តែ​នៅ​ឆ្នាំ​នេះ​ កីឡា​ករ​ប្រ​ទេស​កូរ៉េ​ខាង​ត្បូង​ បែរ​ជា​មាន​ចំ​នួន​ច្រើន​វិញ។​ តួយ៉ាង​ដូច​នៅ​ពាន​រង្វាន់​សំ​ខាន់​ៗ​ចំ​នួន​ពី​រនៃ​ BWF ថ្មី​ៗ​នេះ​គឺ​ពាន​រង្វាន់​ជើង​ឯក​ពិភព​លោក​ឆ្នាំ​ ២០២៣ និង​ពាន​រង្វាន់​ Super ១.០០០ ChineOpen កីឡា​ករ​កូរ៉េ​ខាង​ត្បូង​ មាន​វត្ត​មាន​ក្នុង​៣/៥​ខ្លឹម​សារ។​ កីឡា​ករ​វាយ​សីកូរ៉េ​ខាង​ត្បូង​ប្រ​កួត​បាន​យ៉ាង​ល្អ​ ដោយ​ពួក​គេ​បាន​ឈ្នះ​គ្រប់​៣/៣ខ្លឹម​សារ​ ដែល​ប្រ​កួត​នៅ​វគ្គ​ផ្តាច់​ព្រ័ត្រ​ពិភព​លោក៖ វិញ្ញា​សា​ឯក​ត្ត​ជន​នារី គូ​បុរស​និង​គូបុរស​-នារី។​ ក្នុង​នោះ​ លេច​ធ្លោ​បំ​ផុត​គឺកីឡា​ករ​ប្រ​កួត​ គូ​បុរស​ Seo Seung Jae បាន​ឈ្នះ​ពាន​ជើង​ឯក​ទាំង​ពីរ​វិញ្ញា​សាគឺ គូបុរស​-នារី និង​វិញ្ញា​សាគូ​បុរស​។​ រួម​ជា​មួយ​នឹង​រៀម​ច្បង​កីឡា​ការិ​នី Chae Yu Jung ពួក​គេ​បន្ត​ឈ្នះ​ពាន​ជើង​ឯក​នៅ​ពាន​រង្វាន់​ ChineOpen មួយ​សប្តាហ៍​ក្រោយ​មក។​ អ្វី​ដែល​គួរ​ឲ្យ​ចាប់​អា​រម្មណ៍​នោះ​គឺក្នុង​ដំ​ណើរ​ទទួល​បាន​ពាន​ជើង​ឯក​នៃ​ពាន​រង្វាន់​ទាំង​ពីរ​ខាង​លើ​នេះ​ គឺគូកី​ឡា​ករ​កូរ៉េ​ខាង​ត្បូង​បាន​ឈ្នះ​គូលំ​ដាប់​លេខ​១​ពិភព​លោក​នា​បច្ចុប្បន្ន​ គឺ Zheng Si Wei និង​ Huang Ya Qiong។​ នេះ​គឺជា​គូដែល​បាន​ឈ្នះ​ពួក​គាត់​គ្រប់​ការ​ប្រ​កួត​ពេល​ជួប​គ្នា​តាំង​ពី​មុន​មក។​ ជ័យ​ជម្នះ​របស់​ Seo និង​មិត្ត​រួម​គូបាន​បញ្ចប់​ការ​ទន្ទឹង​រង់​ចាំ​ពាន​ជើង​ឯក​ពិភព​លោក​នៃ​វិញ្ញា​សាប្រ​កួត​គូរ​បស់កូរ៉េ​ខាង​ត្បួង​ជិត​៥០​ឆ្នាំ​មក​ហើយ។​ ដោយ​ការ​ប្រ​កួត​ទាំង​ពីរ​វិញ្ញា​សា​ក្នុង​ពេល​តែ​មួយ​ជា​មួយ​នឹង​កីឡា​ករ​លំ​ដាប់​កំ​ពូល​ បាន​ធ្វើ​ឱ្យ​ Seo ធ្លាក់​កម្លាំង​ ពេល​ឈាន​ចូល​ប្រ​កួត​វគ្គ​ពាក់​កណ្តាល​ផ្តាច់​ព្រ័ត្រ​នៃ​វិញ្ញា​សាប្រ​កួត​គូ​បុរស​ពាន​រង្វាន់​ Super ១.០០០​នៅ​ប្រ​ទេស​ចិន។​ ទោះ​ជា​យ៉ាង​នោះ​ តែ​គាត់​បាន​ប្រ​កួត​ល្អ​ឡើង​វិញ​ក្នុង​វគ្គ​ផ្តាច់​ព្រ័ត្រ​ វិញ្ញា​សា​គូបុរស​-នារី ពេល​ជួប​ជា​មួយ​គូបុរស​-នារី ជន​ជាតិ​បា​រាំង​ និង​បាន​ឈ្នះ​ផ្តាច់​មុខ​២សិត។​ ទទួល​បាន​ពាន​ជើង​ឯក​ដ៏​សំ​ខាន់​ៗ​ទាំង​បីនៃ​ BWF គឺ​ជា​ស្នា​ដៃ​ដ៏​អស្ចារ្យ​នៃ​កីឡា​ករ​វាយ​សី​ដៃ​ឆ្វេង​ Seo Seung Jae ។​

ប៉ុន្តែ​ចំ​ណាប់​អា​រម្មណ៍​បំ​ផុត​គឺ An Se Young។​  នៅ​ឆ្នាំ​២០២៣​នេះ​ នាង​ទើប​មាន​អា​យុ​២១ ឆ្នាំ​ នាង​បាន​ឈ្នះ​ពាន​ជើង​ឯក​សំ​ខាន់​ៗ​ជា​បន្ត​បន្ទាប់​ក្នុង​ប្រ​ព័ន្ធ​ Super ហើយ​គ្មាន​អ្វី​ភ្ញាក់​ផ្អើល​ឡើយ​នៅ​ពេល​ដែល​នាង​ដណ្តើម​បាន​ចំ​ណាត់​ថ្នាក់​លេខ​១​ពិភព​លោក​ នា​ដើម​ខែ​សីហា​ ឆ្នាំ​ ២០២៣ ក្លាយ​ជា​កីឡា​ការិនី​វាយ​សី​ប្រ​ទេស​កូរ៉េ​ខាង​ត្បូង​ ឈរ​ចំ​ណាត់​ថ្នាក់​លេខ​១​ពិភព​លោក​ ក្រោយ​ពី​រយៈ​កាល​២៧ឆ្នាំ​។​ ក្រោយ​ពី​នេះ​ នាង​បាន​ឈ្នះ​ពាន​ជើង​ឯក​ចំ​នួន​ពីរ​ទៀត​នៃ​ពាន​រង្វាន់​ BWF គឺពាន​ជើង​ឯក​ពិភព​លោក​និង​ពាន​ជើង​ឯក​ ChineOpen ដើម្បី​ពង្រឹង​ចំ​ណាត់​លេខ​១។​ ក្រៅ​ពី​នេះ​ កូរ៉េ​ខាង​ត្បូង​ក៏​កំ​ពុង​ឈរ​ចំ​ណាត់​ថ្នាក់​លេខ​២ និង​លេខ​៣ ពិភព​លោក​នៅ​វិញ្ញា​សាប្រ​កួត​គូនារី​ផង​ដែរ៕​

                       ហា​ថាញ - បកប្រែ៖ សុផន