កីឡា - ទេសចរណ៍ ទេសចរណ៍

14/12/2020 - 15:41

សម្រស់និញកេវ

គណៈកម្មាធិការប្រជាជនខណ្ឌនិញកេវ ក្រុងកឹងធើ ទើបសហការជាមួយនឹងមន្ទីរវប្បធម៌ កីឡានិងទេសចរណ៍ក្រុង ចាត់តាំង “ទិវាបុណ្យទេសចរណ៍-រាត្រីបណ្តែតប្រទីបនិញកេវ ” ឆ្នាំ ២០២០ នៅរមណីយដ្ឋានកំពង់ផែនិញកេវ។ នៅក្នុងពិធីនេះ មានរៀបចំសកម្មភាពគួរជាទីទាក់ទាញជាច្រើន ពិសេសគឺឈុតសម្តែងពន្លឺភ្លើងពណ៌ “រាត្រីតីដូក្នុងក្ដីស្រមៃ”។

សម្រស់និញកេវ ក្នុងរាត្រីបុណ្យទេសចរណ៍-បណ្តែតប្រទីប។

ទិវាបុណ្យទេសចរណ៍-រាត្រីបណ្តែតប្រទីបនិញកេវ ជាសកម្មភាពប្រព្រឹត្តឡើងប្រចាំឆ្នាំ ដើម្បីឧទ្ទេសនាម ផ្សព្វផ្សាយអំពីទេសចរណ៍កឹងធើនិយាយដោយឡែក និងលក្ខណៈវប្បធម៌ដ៏ពិសេសនៃតំបន់ដែនដីសណ្តគឺវឡុង។ ទិវាបុណ្យទេសចរណ៍ មានចាត់តាំងកម្មវិធីសម្បូរបែប រួមមាន៖ ពិធីបុណ្យពន្លឺភ្លើងពណ៌ ពិធីប្រឡងបណ្តែតប្រទីប ល្បែងប្រជាប្រិយ ប្រគុំតន្រ្តីដងផ្លូវ សិល្បៈចម្រៀងតាយតឺ កម្មវិធីសិល្បៈ “ដិតដាមដោយមនោសញ្ចេតនាភូមិស្រុក”។ ដើម្បីបង្កលក្ខណៈឱ្យអ្នកចម្ការធ្វើទេសចរណ៍ ទិវាបុណ្យនៅមានល្វែងតាំងពិព័រណ៍ផ្សព្វផ្សាយពីរូបភាពទេសចរណ៍ទូទាំងប្រទេស អេកូទេសចរណ៍ ទេសចរណ៍តំបន់ចម្ការក្រុងកឹងធើ និងល្វែងដាក់តាំងសាកល្បងជាច្រើនទៀត។ល។

បងដាវវ៉ាន់ថៀង នៅទីប្រជុំជនកើ-ដ ស្រុកកើ-ដ ចូលរួមកម្សាន្តទិវាបុណ្យទេសចរណ៍។ បងថៀង ឱ្យដឹង៖ “ខ្ញុំប្រញាប់មកជ្រើសកន្លែងអង្គុយ ដើម្បីងាយទស្សនាការបណ្តែតប្រទីប។ នេះគឺជាឆ្នាំទី ៣ ខ្ញុំមកកម្សាន្តទិវាបុណ្យទេសចរណ៍ជាមួយគ្រួសារ ពិសេសបំផុតគឺការបណ្តែតប្រទីបញាុំងឱ្យកំពង់ផែនិញកេវស្រស់ស្អាតមែនទែន”។ ទិវាបុណ្យទេសចរណ៍ប្រព្រឹត្តឡើងនូវសកម្មភាពសម្បូរបែប ម៉្លោះហើយ ភ្ញៀវទេសចរអាចជ្រើសរើសតាមចំណង់ចំណូលចិត្តនូវទម្រង់សមស្របដើម្បីចូលរួមកម្សាន្ត។ បងស្រីហូធីធ្វីវឹង នៅខណ្ឌទី ១ ក្រុងហូជីមិញ បានកក់បន្ទប់ទុកមុននៅសណ្ឋាគារនិញកេវ ១ ។ ពីបង្អួចសណ្ឋាគារ បងស្រីអាចទស្សនាទិដ្ឋភាព “រាត្រីតីដូក្នុងក្ដីស្រមៃ”។ ព្រឹកឡើង បងស្រីដើរទស្សនាល្វែងដាក់តាំងពិព័រណ៍ និងធ្វើដំណើរទៅកម្សាន្តចម្ការផ្លែឈើនៅផុងដៀង រួចឆៀងចូលមណ្ឌលសមាធិត្រុកឡឹម។ បងស្រីវឹង ឱ្យដឹង៖ “ខ្ញុំជ្រើសទៅកម្សាន្តចម្ការផ្លែឈើជិនហុង ពីព្រោះ ខ្ញុំឮថាមានមុខម្ហូប “មាន់ស្រុកចំហុយជាមួយផ្លែផ្ញៀវ”។ ផុងដៀង គឺជាតំបន់ផ្លែផ្ញៀវហាចូវ ទើបខ្ញុំចង់នាំគ្រួសារទៅភ្លក់មុខម្ហូបនេះ។ ពេលទទួលទានមុខម្ហូបនេះ ពិតជាឆ្ងាញ់មែន!”។

តាមប្រសាសន៍លោកង្វៀងង៉ុកអាញ់ អនុប្រធានគណៈកម្មាធិការប្រជាជនខណ្ឌនិញកេវ មានភ្ញៀវទេសចររាប់ពាន់លើកនាក់មកទស្សនាកម្សាន្ត”ទិវាបុណ្យទេសចរណ៍-រាត្រីបណ្តែតប្រទីបនិញកេវ” ប្រការនេះបានបញ្ជាក់ច្បាស់ពីភាពជោគជ័យនៃទិវាបុណ្យ។ នេះគឺជាកម្លាំងចលករដើម្បីខណ្ឌនិញកេវ បន្តផ្សព្វផ្សាយអំពីនិញកេវនិយាយដោយឡែក និងក្រុងកឹងធើ និយាយរួម៕

ហាថាញ់-មុនី

ចែករំលែកអត្ថបទ

ពាក្យគន្លឹះ