ក្រុម​កីឡា​ករ​ជម្រើស​ជាតិ​វាយ​សីឥណ្ដូន​េស៊ី​ បាន​បង្ហាញ​សមត្ថ​ភាព​ក្នុង​ការ​ប្រ​កួត​ដណ្ដើម​ពាន​រង្វាន់​ជើង​ឯក​ទ្វីប​អា​ស៊ី​២​០​២​០​ ចំ​ណែក​ក្រុម​កីឡា​ការិនី​ជម្រើស​ជាតិ​កូរ៉េ​ខាង​ត្បូង​វិញ បែរ​ជា​មិន​អាច​រំលំ​ក្រុម​កីឡា​ការិនី​ជប៉ុន​ សម​ដូច​បំ​ណង​របស់​អ្នក​គាំ​ទ្រ​នោះ​ឡើយ​។​ 

ក្រុម​កីឡា​ការិ​នី​ប្រ​ទេស​ជប៉ុន​ ការ​ពារ​ជោគ​ជ័យ​តំ​ណែង​ជើង​ឯក​វាយ​សីទ្វីប​អា​ស៊ី​។​  

"ផ្កា​យព្រឹក​" កូរ៉េ​ខាង​ត្បូង​ An Se Young ប្រ​កួត​ទោល​លើក​ដំ​បូង​ប៉ះ​ជា​មួយ​នឹង​"ឆ្មា​យន្ដ"ជប៉ុន​ Yamaguchi ក្នុង​វគ្គ​ប្រ​កួតកាលពី​ផ្ដាច់​ព្រ័ត្រ​ ។​ ឆ្នាំ​២​០​១​៩​ កីឡា​ការិនី​កូរ៉េ​ខាង​ត្បូង​ ធ្លាប់​បង្កើត​ភាព​ល្បី​ល្បាញ​ ដោយ​ប្រ​កួត​ឈ្នះ​អតីត​កីឡា​ការិនី​ចំ​ណាត់​ថ្នាក់​លេខ​១​ពិភព​លោក​Yamaguchi ចំ​នួន​២​លើក ប៉ុន្តែ​ក្នុង​ការ​ប្រ​កួត​ផ្ដាច់​ព្រ័ត្រ​ Thailand Masters ដើម​ឆ្នាំ​២​០​២​០ កីឡា​ការិនី​ Yamaguchi មាន​ឈុត​ប្រ​កួត​សង​សឹក​យ៉ាង​ស្អាត​ដើម្បី​គ្រង​តំ​ណែង​ជើង​ឯក​។​ ការ​ប្រ​កួត​ជួប​គ្នា​លើក​ទី​៤​ កីឡា​ការិនី​ទាំង​ពីរ​ប្រឹង​បញ្ចេញ​សមត្ថ​ភាព​រៀង​ៗ​ខ្លួន​រហូត​ដល់​អូស​គ្នា​ឈាន​ចូល​ការ​ប្រ​កួត​សិត​ទី​៣​យក​ឈ្នះ​ចាញ់​ "ផ្កាយ​ព្រឹក​"កូរ៉េ​ខាង​ត្បូង​នាំ​មុខ​ដោយ​ពិន្ទុ​២​០​-១៧​ ប៉ុន្តែ​បែរ​ជា​បណ្តោយ​ឱ្យ​"ឆ្មាយន្ដ"វាយ​បក​យក​ឈ្នះ​ដោយ​ពិន្ទុ​២​៣​-២​១​។​ ការ​ប្រ​កួត​ឈ្នះ​លើក​នេះ​ ជា​ឈ្នាន់​សម្រាប់​កីឡា​ការិ​នី​ Yuki Fukushima- Sayaka Hirota ឈ្នះ​លើ​កីឡា​ការិ​នី​ Lee So Hee-Shin Seung Chan និង​ Sayaka Takahashi រួចប្រ​កួត​ឈ្នះ​កីឡា​ការិនី​វាយ​សី​ជើង​ចាស់​កូរ៉េ​ខាង​ត្បូង​ Sung Ji Hyun ដើម្បី​ក្រុម​កីឡា​ការិ​នី​ជប៉ុន​យក​ជ័យ​ជម្នះ​ទាំង​ស្រុង​ទៅ​លើ​ក្រុម​កីឡា​ការិនី​កូរ៉េ​ខាង​ត្បូង​ ដោយ​លទ្ធ​ផល​៣​-០​ ការ​ពារ​ជោគ​ជ័យ​នូវ​ខ្លឹម​សារប្រកួតក្រុម​ពាន​រង្វាន់​ជើង​ឯក​ទ្វីប​អា​ស៊ី​ឆ្នាំ​២​០​២​០​។​ 

ក្នុង​ការ​ប្រ​កួត​ផ្ដាច់​ព្រ័ត្រ​ខ្លឹម​សារ​បុរស​ បាន​បង្ហាញ​ឱ្យឃើញ​សមត្ថ​ភាព​ពិត​រវាង​ក្រុម​កីឡា​ករ​ជម្រើស​ជាតិ​ទាំង​ពីរ​គឺ​ឥណ្ដូន​េស៊ី​និង​ម៉ា​ឡេស៊ី​។​ កីឡា​ករ​ Anthony Sinisuka Ginting (ចំ​ណាត់​ថ្នាក់​លេខ​៥​ ពិភព​លោក​) របស់​ឥណ្ដូន​េស៊ី​ បាន​យក​ឈ្នះ​ដោយ​ងាយ​ទៅ​លើ​កីឡា​ករ​ Lee Zii Jia (ចំ​ណាត់​ថ្នាក់​លេខ​១​៤​ ពិភព​លោក​) របស់​ម៉ា​ឡេស៊ី​នៅ​វគ្គ​ដំបូង​។​ វគ្គ​ប្រ​កួត​បន្ទាប់​ គូកីឡា​ករ​ចំ​ណាក​់ថ្នាក់​លេខ​១​ពិភព​លោក​ Marcus Fernaldi Gideon – Kevin Sanjaya Sukamuljo ក៏​ប្រ​កួត​ឈ្នះ​ដោយ​ងាយ​ៗ​ចំ​ពោះ​គូកីឡា​ករ​ Aaron Chia - Soh Wool Yik។​ ក្រុម​កីឡា​ករ​ម៉ា​ឡេស៊ី​ បន្ត​ក្ដី​សង្ឃឹម​ ខណៈ​ពេល​កីឡា​ករ​Cheam June Wei (ចំ​ណាត់​ថ្នាក់​លេខ​៧​២​ពិភព​លោក​) ចៃដន្យ​ប្រ​កួត​ឈ្នះ​លើ​កីឡា​ករ​ចំ​ណាត់​ថ្នាក់​លេខ​៧​ពិភព​លោក​ Jonatan Christie របស់​ឥណ្ដូន​េស៊ី​។​ ថ្វី​បើ​ក​ីឡាករ​Hendra Setiawan មិន​អាច​រួមប្រកួត​ជា​មួយ​កីឡា​ករ​Mohammad Ashan (ចំ​ណាត់​ថ្នាក់​លេខ​២​ពិភព​លោក​) ប៉ុន្តែ​កីឡា​ករ​ Fajar Alfian បាន​បង្ហាញ​វត្ត​មាន​របស់​ខ្លួន​រួម​ជា​មួយ​កីឡា​ករ​ Mohammad Ashan ដណ្ដើម​យក​ជ័យ​ជម្នះ​ជូន​ក្រុម​កីឡា​ករ​ឥណ្ដូន​េស៊ី​។​ ការ​ឈ្នះ​ម៉ា​ឡេស៊ី​ដោយ​លទ្ធ​ផល​៣​-១​ ក្រុម​កីឡា​ករ​ឥណ្ដូន​េស៊ី​ឡើង​គ្រង​តំ​ណែង​ជើង​ឯក​កីឡា​វាយ​សីទ្វីប​អា​ស៊ី​ឆ្នាំ​២​០​២​០​។​ 

ពាន​រង្វាន់​អា​ស៊ី​ឆ្នាំ​២​០​២​០​ខ្វះ​ភាព​ស្វា​ហាប់​បន្តិច​ ព្រោះ​ហេតុ​តែ​ក្រុម​កីឡា​ការិ​នី​ប្រ​ទេស​ចិន​មិន​បាន​ចូល​រួម​ ប៉ុន្តែ​ក៏​មាន​វគ្គ​ប្រ​កួត​ល្អ​ៗ​ជា​ច្រើន​ផង​ដែរ​ ដោយ​សារ​ក្រុម​ជម្រើស​ជាតិ​នីមួយ​ៗ​បាន​ជ្រើស​យក​តែ​កីឡា​ករ​ពូកែ​ៗ​ ហើយ​នេះ​ក៏​ជា​រយៈ​ពេល​រត់ប្រ​ណាំង​សម្រាប់​ការ​ចូល​រួម​ប្រ​កួត​នៅ​អូឡាំ​ពិក២​០​២​០​ នៅ​ពេល​ខាង​មុខ​៕

                                                           ហាថាញ - ថាច់​ធី