កីឡា​ការិនី​ Sofia Kenin បាន​ឈ្នះ​ជើង​ឯកពាន​រង្វាន់ Grand Slams លើក​ដំបូង​ក្នុង​ឆ្នាំ​-Australian Open ២០២០​ (អូស្រ្តាលី​បើក​ទូលាយ​) នៅ​លើក​ដំបូង​ដែល​ចូល​ប្រ​កួត​នៅ​វគ្គ​ផ្តាច់​ព្រ័ត្រ​។​ នេះ​ជា​ស្នា​ដៃ​ដ៏​អស្ចារ្យ​របស់​កីឡា​ការិនី​ អា​យុ​២១ឆ្នាំ​ ជន​ជាតិ​អា​មេរិក​ដើម​កំ​ណើត​រុស្ស៊ី​។​

កីឡា​ការិ​នី ​Kenin លើក​ពាន​រង្វាន់​ជើង​ឯក Grand Slam លើក​ដំ​បូង​ រូប៖  AP

កីឡា​ការិ​នី​ Kenin គឺ​ជា​ពន្លកទី​១​៤​ក្នុង​ការ​ប្រកួត​ដ៏​ធំ​លើក​ដំ​បូង​ក្នុង​ឆ្នាំ​២​០​២​០​។​ កាល​ពី​ឆ្នាំ​២០១៩​ នាង​ត្រូវ​បាន​ពិនិត្យ​ជម្រើស​ជា​កីឡា​ការិនី​ជឿ​ន​លឿន​បំ​ផុត​ ដោយ​ឈាន​ឡើង​ពីចំ​ណាត់​ថ្នាក់​លេខ​៥​២​ ឡើង​លេខ​១​២​នៃ​ពិភព​លោក​ ។​  ថ្វី​ត្បិត​ដូច្នោះ​ក្តី​ នាង​ហាក់​មិន​ទទួល​បាន​ការ​គាំ​ទ្រ​ពី​មជ្ឈដ្ឋាន​មហា​ជន​ ថា​នឹង​ឈ្នះ​ពាន​រង្វាន់​អូស្រ្តាលី​បើក​ទូលាយ​ក្នុង​ឆ្នាំ​នេះ​ឡើយ​ ខណៈ​ពេល​កីឡា​ការិនី​ម្ចាស់​ផ្ទះ​ កំ​ពុង​គ្រង​តំ​ណែង​លេខ​១​នៃ​ពិភព​លោក​ គឺ​កីឡា​ការិ​នី​ Ashleigh Barty នាងមាន​ថ្វី​ដៃ​ប្រ​កួត​យ៉ាង​ល្អ​។​ ក្នុង​ពេល​នោះ​ ម្ចាស់​ជើង​ឯកអូស្រ្តាលី​បើក​ទូលាយ​២​០​១​៩​  នោះ​គឺ​កីឡា​ការិ​នី​ Naomi Osaka និង​កីឡា​ការិ​នី​ឆ្នើម​ Serene Williams កំ​ពុង​វិល​មក​កាន់​ការ​ប្រ​កួត​ឡើង​វិញ។​

ដោយ​មិន​ទទួល​បាន​ការ​ឱ្យ​តម្លៃ​ខ្ពស់​ ម្ល៉ោះ​ហើយ​កីឡា​ការិ​នី​ Kenin មិន​រង​សម្ពាធ​អំ​ពី​ស្នា​ដៃ​ ហើយ​ប្រ​កួត​ដោយ​សម្រួល​ទៅ​តាម​សមត្ថ​ភាព​របស់​ខ្លួន​។​ គឺ​ប្រ​កួត​អស់​ពី​ចិត្ត​ រហ័ស​រហួន ពិសេស​គឺ​ការ​វាយ​ខ្វែង​ដៃ​ដ៏​មាន​ទម្ងន់​ និង​បាន​ឆ្ងាយ​ ដៃ​គូ​ពីបាក​ក្នុង​ការ​ស្មាន​ ពេល​ខ្លះ​វាយ​គប់ ខ្លះ​វាយ​បញ្ឆិត​ប្រ​កិត​ខ្សែ​សំ​ណាញ់​។​ ភាព​ទំ​នុក​ចិត្ត​បាន​ញ៉ាំង​ឱ្យ​កីឡា​ការិនី​ Kenin ផ្តួល​កីឡា​ការិនី​កំ​ពូល​ៗ​ជា​បន្ត​បន្ទាប់​ មាន​ដូច​៖ កីឡា​ការិនី​ Trevisan Ann Li Zhang Shuai Cori Gauff ឬ​ក៏​កីឡា​ការិនី​ Ons Jabeur។ល។​ រហូត​ដល់​រូប​នាងប្រ​កួត​បាន​៤​សិត ក្នុង​វគ្គ​ពាក់​កណ្តាល​ផ្តាច់​ព្រ័ត្រ​ជា​មួយ​កីឡា​ការិ​នី​ Barty, រួច​ផុត​ពី​សម្ពាធ​អ្នក​គាំ​ទ្រ​ម្ចាស់​ផ្ទះ​ ពេល​នោះ​ទើប​អ្នក​គាំ​ទ្រ​បាន​ឃើញ​មុខ​មាត់​ម្ចាស់​ជើង​ឯក​ពិត​។​ នៅ​ពេល​ប្រ​កួត​ជា​មួយ​កីឡា​ការិនី​អេស្ប៉ាញ-អ្នក​ដែល​ឈ្នះ​រង្វាន់​ Grand Slam ២​លើក ក្នុង​ព្រឹត្តិ​ការណ៍​ Garbine Muguruza ក្នុង​វគ្គ​ផ្តាច់​ព្រ័ត្រ​ កីឡា​ការិ​នី​ Kenin នៅ​តែ​បន្ត​ការ​ប្រ​កួត​បាន​យ៉ាង​ល្អ​។​  ជា​ពិសេស​នាងបាន​ក្រឡា​ស់ស្ថាន​ភាព​គួរ​ឱ្យ​ភ្ញាក់​ផ្អើល​ ដោយ​លទ្ធ​ផល​៤-៦  ៦​-២  ៦​-២​ ដើម្បី​ក្លាយ​ជា​"រាជិនីថ្មី​"នៃ​ Australian Open តែ​ម្តង​។​ 

ដណ្តើ​មបាន​កិត្តិ​នាម​ជើង​ឯក​លើក​ដំបូង​ឈាន​ចូល​ប្រ​កួត​វគ្គ​ផ្តាច់​ព្រ័ត្រ​ពាន​រង្វាន់​ Grand Slam គឺ​ជា​ស្នា​ដៃ​ដ៏​អស្ចារ្យ​សម្រាប់​កីឡា​ការិនី​ដែល​មាន​អាយុ​២​១​ឆ្នាំ​។​ មិន​តែ​ប៉ុណ្ណោះ​ ចំ​ពោះ​ពាន​រង្វាន់​Grand Slams លើក​ដំបូង​ក្នុង​អា​ជីព​ កីឡា​ការិ​នី​Kenin ក៏​បង្កើត​បាន​ឯតទគ្គកម្ម​ជា​ច្រើន​ដូច​៖ ក្លាយ​ជា​ម្ចាស់​ជើង​ឯក​វ័យ​ក្មេង​បំ​ផុត​នៃ​ពាន​រង្វាន់​អូស្រ្តាលី​បើក​ទូលាយ​ ចាប​ពីឆ្នាំ​២០០៨​មក​។​ ក្លាយ​ជា​កីឡា​ការិនី​វ័យ​ក្មេង​បំ​ផុត​ឈាន​ចូល​លំ​ដាប់​កីឡា​ករ​កំ​ពូល​ទាំង​១​០​រូប​ ហើយ​ជា​កីឡា​ការិនី​ទី​៤​របស់​អា​មេរិក​ បាន​គ្រង​តំ​ណែង​ជើង​ឯក​ពាន​រង្វាន់​ Grand Slams បន្ទាប់​ពីបង​ប្អូន​កីឡា​ការិ​នី​ Williams និង​ Sloane Stephens៕

                                                                                  ហា​ថាញ់-លីសៀ