កីឡា - ទេសចរណ៍ ទេសចរណ៍

30/10/2018 - 09:03

ប្រ​សិទ្ធ​ភាព​សេ​វា​កម្ម​ទេស​ចរណ៍​​ Homestay (សំ​ណាក់​នៅ​ផ្ទះ​ភូមិ​ភាគ​)

សេ​វា​កម្ម​ទេស​ចរណ៍ Suon​Sia Homestay នៅ​ភូមិ​សំ​ណឹង​ ឃុំ​ហ្វា​អឹង​ ស្រុក​កូវ​កែ ខេត្ត​ត្រា​វិញ​ របស់​គ្រួ​សារ​បង​ស្រី​ថាច់​ធី​វី​រ៉ា​ បាន​ទាក់​ទាញ​ភ្ញៀវ​ទេស​ចរ​មក​កំ​សាន្ត​យ៉ាង​ច្រើន​កុះ​ករ​។

ភ្ញៀវ​ទេសច​រប​រទេ​ស មក​សាកល្បង​បទ​ពិ​សោធន៍​នៅ​កន្លែង​ទេស​ចរណ៍
Homestay របស់​គ្រួសារ​បង​ស្រី​ថាច់​ធី​វី​រ៉ា​។

គោល​ដៅ​ទេស​ចរណ៍​ SuonSia Homestay នៅ​ភូមិ​សំ​ណឹង​ទាក់​ទាញ​ភ្ញៀវ​ក្នុង​ប្រ​ទេស​និង​ភ្ញៀវ​បរ​ទេស​មក​កម្សាន្ត​យ៉ាង​ច្រើន​កុះ​ក​រ​។ Suonsia Homestay ត្រូវ​បាន​ស្ថាប​នា​តាម​បែប​បុ​រាណ​ បង្ក​បាន​ភាព​ទាក់​ទាញ​ ស្និទ្ធ​ស្នាល​​ដោយ​មាន​ចម្ការ​ដូង​១,៥​ហិក​តា​ព័ទ្ធ​ជុំ​វិញ​។​ នៅ​ទី​នេះ គ្រួ​សារ​បង​ស្រី​វិ​និ​យោគ​ទុន​ក​សាង​៦​បន្ទប់​ដោយ​បំ​ពាក់​មធ្យោ​បា​​យ​ប្រើ​ប្រាស់​សា​មញ្ញ​ៗ​។ អ​គារ​ស្នាក់​នៅ​ (homestay) អាច​បម្រើ​ភ្ញៀវ​ពី​៤០​-៥០​នាក់​។ លក្ខណៈ​ពិ​សេស​នៃ​គោល​ដៅ​ទេស​ចរណ៍​ SuonSia Homestay ជួយ​ឲ្យ​ភ្ញៀវ​ទេស​ចរ​បាន​សា​ក​ល្បង​នឹង​បទ​ពិ​សោធន៍ ស្វែង​យល់​ពី​វប្ប​ធម៌​លាយ​បញ្ចូល​គ្នា​រ​វាង​ជន​ជាតិ​ទាំង​៣​គឺ​កិញ ខ្មែរ ចិន។ នៅ​ទី​នេះ ភ្ញៀវ​ទេស​ចរ​អាច​នឹង​ចូល​រួម​ស​កម្ម​ភាព​លេង​កម្សាន្ត​ទំ​នាក់​ទំ​នង​ភា​សា​និង​រាំ​រ​បាំ​ប្រ​ជា​ប្រិយ​ខ្មែរ​ ព្រម​ទាំង​ទស្សនា​វត្ត​ខ្មែរ​និង​វត្ត​ចិន​ ផ្ទះ​បុ​រាណ​ហ្វិញ​កី រួម​ជា​មួយ​​ប្រ​ជា​ជន​ច្រូត​ស្រូវ​ ប្រ​មូល​ផល​ក​សិ​ផល​ ចាប់​ត្រី​ ចាប់​កណ្តុរ​។ល។

 បង​ស្រី​ថាច់​ធី​វី​រ៉ា រៀប​រាប់​៖ “បន្ទាប់​ពី​ប្រ​ឡង​ជាប់​សញ្ញា​ប័ត្រ​អនុ​ម​ហា​វិ​ទ្យា​ល័យ​​ទេស​ចរណ៍​ (ក្រុង​ហូ​ជី​មិញ​) ខ្ញុំ​ធ្វើ​មគ្គុ​ទេស​ក៍​ទេស​ចរណ៍​ឲ្យ​ក្រុម​ហ៊ុន​ទេស​ចរណ៍​ នាំ​ភ្ញៀវ​ពី​ក្រុង​ហូ​ជី​មិញ​ទៅ​កម្ពុជា​ ពី​កម្ពុ​ជា​មក​ក្រុង​ហូ​ជី​មិញ​។ ចាប់​ពី​ឆ្នាំ​២០០៧​ដល់​២០១៤ ខ្ញុំ​ប្តូរ​មក​ធ្វើ​ការ​ងារ​គ្រប់​គ្រង​ឲ្យ​អា​ជីវ​កម្ម​មួយ​ ស​កម្ម​ភាព​ខាង​ភោជ​នីយ​ដ្ឋាន​-សណ្ឋា​គារនៅ​ក្រុង​ហូ​ជី​មិញ​។ ផ្តើម​ពី​ចំ​ណេះ​ដឹង​និង​បទ​ពិ​សោធន៍​ដែល​ខ្លួន​មាន​ ខ្ញុំ​វិល​មក​ស្រុក​កំ​ណើត​ បង្កើត​កន្លែង​ទេស​ចរណ៍​ SuonSia Homestay នេះ”​។ បង​ប្រុស​ទី​២ របស់​បងស្រី​វី​រ៉ា​ ក៏​មាន​ក្រុម​ហ៊ុន​នាំ​ភ្ញៀវ​ទេស​ចរណ៍​ដោយ​​ឡែក​​​នៅ​​ក្រុង​​ហូ​​​ជី​មិញ ម្ល៉ោះ​ហើយមាន​ការ​ចង​សម្ព័ន្ធ​នឹង​ Suonsia Homestay ក្នុង​ការ​នាំ​ភ្ញៀវ​ទេស​ចរ​បរ​ទេស​មក​ស្នាក់​នៅ​។ ក្រោយ​ពី​រយៈ​កាល​ជិត​៤​ឆ្នាំ​ដំ​ណើរ​ការ​ Suonsia Homestay ទ​ទួល​ភ្ញៀវ​ទេស​ចរ​បាន​ជាង​៤០​ប្រ​ទេស​ ដូច​នៅ​អឺ​រ៉ុប​ អា​មេ​រិក​ខាង​ត្បូង​​និង​អា​ស៊ី។​ បច្ចុ​ប្បន្ន ជា​រៀង​រាល់​ខែ​ Suo​nsia Homestay ទ​ទួល​ភ្ញៀវ​ទេស​ចរ​​​ពី​២-​៣ក្រុ​ម (មធ្យម​ភាគ​ក្នុង​មួយ​ក្រុម​ៗ​មាន​​ភ្ញៀវ​ពី​៥​ដល់​២០​នាក់​) ក្នុង​នោះ មាន​ភ្ញៀវ​បរ​ទេស​ជាង​៩៥​%)។

លោក​ម៉ាយ​វ៉ាន់​បែ​ ប្រធា​ន​គណៈ​កម្មា​ធិ​ការ​ប្រ​ជា​ជន​ឃុំ​ហ្វា​អឹង​ បញ្ជាក់​៖ ផ្តើម​ពី​ប្រ​សិទ្ធ​ភាព​នៃ​សេ​វា​កម្ម​ទេស​ចរ​ SuonSia Homestay បច្ចុប្បន្ន​ទម្រង់​ទេស​ចរ​របៀប​នេះ​កំ​ពុង​តែ​បាន​ផ្សព្វ​ផ្សាយ​ពង្រីក​នៅ​ភូមិ​ភាគ​៕

                     ស៊ឺន​ម៉ា​ល័យ​-មុ​នី

 

 

 

 

ចែករំលែកអត្ថបទ
ពាក្យគន្លឹះ
SuonSia Homestay