គោលនយោបាយ -ការរស់នៅ គោលនយោបាយ

03/11/2026 - 09:44

ឃុំកូវកែគិតគូរដល់សិស្សដែលមានស្ថានភាពលំបាក

អនុវត្តគោលនយោបាយអប់រំ និងចលនាប្រភពកម្លាំងក្នុងសង្គម ឃុំកូវកែ ខេត្តវិញឡុង បានជួយឧបត្ថម្ភសិស្សដែលមានស្ថានភាពលំបាកមានលក្ខណៈទៅសាលារៀននិងលំនឹងចិត្តរៀនសូត្រ។

ជូនកង់ ២៥ គ្រឿងដល់សិស្សដែលមានស្ថានភាពលំបាកនៅឃុំកូវកែ។

ឆ្នាំ២០២៦ គណៈកម្មាធិការប្រជាជនឃុំកូវកែ សហការជាមួយសមាគមអ្នករងគ្រោះជាតិ ពុលឌីអូស៊ីន គាំពារអ្នកពិការ និងការពារសិទ្ធិកុមារ ខេត្តវិញឡុង បានចាត់តាំងជូនកង់ ២៥ គ្រឿងដល់សិស្សមានស្ថានភាពលំបាកនៅលើភូមិឋាន។ កម្មវិធីនេះ ឧបត្ថម្ភដោយអង្គការ SAP-VN ដើម្បីជួយឱ្យប្អូនៗមានមធ្យោបាយទៅរៀនក្នុងឆ្នាំសិក្សា ២០២៦ – ២០២៧។ កង់ទាំងនេះរួមចំណែកសម្រាលបន្ទុក ដល់គ្រួសារ ព្រមទាំងលើកទឹកចិត្តដល់សិស្សជម្នះលំបាក និងបន្តខិតខំរៀនសូត្រ។ សកម្មភាពនេះសំដៅជួយដល់កុមារកំព្រា សិស្សស្ថិតក្នុងគ្រួសារក្រីក្រ ក្បែរក្រ និងគ្រួសារមានស្ថានភាពលំបាក។ ការព្រួតដៃឧបត្ថម្ភរបស់អង្គការ អង្គភាពនិងរដ្ឋអំណាចភូមិភាគ បង្ហាញពីការយកចិត្តទុកដាក់ចំពោះការរៀនសូត្ររបស់ប្អូនៗ។ នេះក៏ជាប្រភពលើកទឹកចិត្តដើម្បីសិស្សកាន់តែមានទំនុកចិត្ត និងខិតខំក្នុងឆ្នាំសិក្សាថ្មី។

ទន្ទឹមនឹងការចលនាឧបត្ថម្ភមធ្យោបាយទៅសាលារៀន ឃុំនៅទាំងយកចិត្តទុកដាក់អនុវត្តរបប និងគោលនយោបាយអប់រំទៀតផង។ ក្នុងឆ្នាំសិក្សា ២០២៥-២០២៦ និងឆ្នាំសិក្សា ២០២៦-២០២៧ ភូមិភាគអនុវត្តការលើកលែងកាត់បន្ថយប្រាក់សិក្សា ព្រមទាំងឧបត្ថម្ភបង់កម្រៃសិក្សាដល់សិស្ស ៤៤ នាក់ ស្ថិតក្នុងក្របខណ្ឌគ្រួសារក្រីក្រ ក្បែរក្រដែលជាជនជាតិខ្មែរ គិតជាទឹកប្រាក់សរុប ៤៣,២៥ លានដុង។ ការឧបត្ថម្ភទាំងនេះជួយឪពុកម្តាយសម្រាលបន្ទុកសេដ្ឋកិច្ច មានលក្ខណៈបន្ថែមដើម្បីរក្សាការរៀនសូត្ររបស់កូនចៅ។ ឃុំកូវកែ មានប្រជាជន៣៥.៣៣៣ នាក់ ក្នុងនោះជនរួមជាតិខ្មែរស្រូបអត្រា ៦២,៥៣%។ ទូទាំងឃុំនៅមានគ្រួសារក្រីក្រ ១៣ គ្រួសារ និងគ្រួសារក្បែរក្រ ៨៦ គ្រួសារ។ គ្រួសារមួយចំនួនខ្វះដីផលិតដើមទុន និងគ្មានការងារធ្វើលំនឹង ហេតុនោះការចាយវាយក្នុងជីវភាព និងគិតគូរការរៀនសូត្រដល់កូននៅមានការលំបាក។ ហេតុនោះ ការក្តាប់ស្ថានភាពសិស្សម្នាក់ៗ និងឧបត្ថម្ភទាន់ពេល គឺជាភារកិច្ចដែលភូមិភាគយកចិត្តទុកដាក់។

លោកទ្រឿងថាញឌេ អនុលេខាប្រចាំការនៃគណៈកម្មាធិការបក្សឃុំកូវកែ ឱ្យដឹង ភូមិភាគនឹងបន្តត្រួតពិនិត្យ ដើម្បីមិនឱ្យសិស្សឈប់រៀនដោយសារខ្វះអង្ករ ខ្វះសៀវភៅ ឬមិនទាន់ទទួលបានរបបឧបត្ថម្ភ។ ស្ថាប័នជំនាញសហការជាមួយសាលារៀនពិនិត្យផ្ទៀងផ្ទាត់មុខសញ្ញា ណែនាំធ្វើបែបបទ ដើម្បីអនុវត្តគោលនយោបាយឱ្យបានត្រឹមត្រូវ និងទាន់ពេលតាមសេចក្តីកំណត់។ នៅពេលខាងមុខ ឃុំនឹងបន្តចលនាអង្គការ អាជីវកម្ម និងបុគ្គលឧបត្ថម្ភ អាហារូបករណ៍ជូនអំណោយនិងបង្កលក្ខណៈក្នុងការសិក្សារៀនសូត្រ; យកចិត្តទុកដាក់ដល់សិស្សដែលអាចឈប់រៀនដោយសារសេដ្ឋកិច្ចគ្រួសារ ជួយឱ្យប្អូនៗទាំងនោះបានទៅរៀនជាបន្ត៕

ទីទុយ - វិមាន

ចែករំលែកអត្ថបទ

ពាក្យគន្លឹះ