កីឡា - ទេសចរណ៍ ទេសចរណ៍

21/03/2026 - 06:00

បង្កភាពទាក់ទាញសម្រាប់វិស័យទេសចរណ៍វប្បធម៌-ប្រវត្តិសាស្ត្រ ដើម្បីទាក់ទាញភ្ញៀវ

ទេសចរណ៍វប្បធម៌-ប្រវត្តិសាស្ត្រ គឺជាចរន្តផលិតផលមួយក្នុងចំណោមផលិតផលដែលក្រុងកឹងធើ បានកំណត់ទិសដៅអភិវឌ្ឍ ប៉ុន្តែ ត្រូវការដំណោះស្រាយជាច្រើន ដើម្បីធ្វើឱ្យទីតាំងទេសចរណ៍កាន់តែទាក់ទាញភ្ញៀវ។

ភ្ញៀវទេសចរអន្តរជាតិ មកទស្សនាកម្សាន្តនៅវត្តមុនីរង្សី។ រូបថត៖កេវម៉ាយ

ភ្ញៀវទេសចរស្វែងរកដោយខ្លួនឯង

អ្នកនាំភ្ញៀវទេសចរណ៍អន្តរជាតិជាច្រើនបានចែករំលែក ក្រៅពីការស្វែងយល់អំពីវប្បធម៌ មនុស្សនិងម្ហូបអាហារ គឺខ្លឹមសារអំពីប្រវត្តិសាស្ត្រនិងជំនឿសាសនា ក៏បានភ្ញៀវទេសចរចាប់អារម្មណ៍យ៉ាងខ្លាំង។ ភ្ញៀវទេសចរជាច្រើន ពិសេសគឺភ្ញៀវអន្តរជាតិ តែងជ្រើសយកជើងទេសចរណ៍ទៅកាន់ទីតាំងដែលផ្សារភ្ជាប់នឹងវប្បធម៌ជំនឿរបស់ប្រជាជនក្នុងតំបន់។ តាមរយៈនោះ នៅទីក្រុងកឹងធើ មានរមណីយដ្ឋានជាច្រើនដូចជា៖ រមណីយដ្ឋានវត្តអ៊ុង វត្តមុនីរង្សី វិទ្យាស្ថានសមាធិទ្រុកឡឹមភឿងណាម តែងទាក់ទាញភ្ញៀវអន្តរជាតិយ៉ាងច្រើន។ លោក Andre ភ្ញៀវទេសចរជនជាតិបារាំង ឱ្យដឹង៖ “ពេលមកដល់ប្រទេសវៀតណាម ខ្ញុំចង់ស្វែងយល់ពីវប្បធម៌និងការរស់នៅរបស់មនុស្សនៅទីនេះ។ ខ្ញុំមិនទៅតាមកម្មវិធីនៃជើងទេសចរណ៍ទេ គឺទៅតាមអាសយដ្ឋានដែលអ្នកស្រុកណែនាំ ដើម្បីទៅរកទីតាំងទាំងនោះ។ ពួកគាត់បានណែនាំខ្ញុំឱ្យទៅកម្សាន្តនៅវត្តអារាម។ អ្វីដែលធ្វើឱ្យខ្ញុំភ្ញាក់ផ្អើលនិងចាប់អារម្មណ៍បំផុតនោះគឺ នៅតាមវត្តទាំងនោះមានស្ថាបត្យកម្មប្រកបដោយលក្ខណៈពិសេស ភ្ជាប់នឹងប្រវត្តិគួរឱ្យទាក់ទាញ”។

ចំណែកនៅមណ្ឌលកេរដំណែលប្រវត្តិសាស្ត្រយ៉ាងរឿ (ឃុំញ៉ើងអាយ) ជារមណីយដ្ឋានដ៏ពេញនិយមក្នុងដំណើរជិះកង់កម្សាន្តរបស់ភ្ញៀវអន្តរជាតិ។ លោក Daniel ភ្ញៀវទេសចរជនជាតិអង់គ្លេស ឱ្យដឹង៖ “ខ្ញុំមិននឹកស្មាន នៅទីនេះមានដើមជ្រៃដ៏ធំប្ញសចាក់ស្រែះមានរូបសណ្ឋានប្លែកៗល្អមើល។ ប៉ុន្តែ ប្រវត្តិផ្សារភ្ជាប់នឹងកេរដំណែលរឹតតែធ្វើឱ្យខ្ញុំចាប់អារម្មណ៍។ ខ្ញុំយល់ឃើញថានេះគឺជារមណីយដ្ឋានទេសចរណ៍ គួរតែផ្សព្វផ្សាយឱ្យបានទូលំទូលាយ”។ លោក Daniel ឱ្យដឹង៖ ប្រសិនបើគ្មានអ្នកនាំភ្ញៀវទេសចរណ៍ទេ គាត់នឹងមិនអាចរកឃើញរមណីយដ្ឋាននេះ ហើយក៏មិនបានយល់ដឹងពីប្រវត្តិដ៏ទាក់ទាញយ៉ាងដូច្នេះដែរ។

អ្នកស្រី Shopie Mercery ភ្ញៀវទេសចរជនជាតិបារាំង មានដំណើរកម្សាន្តស្វែងយល់រយៈពេល២ថ្ងៃនៅទីក្រុងកឹងធើ ចែករំលែក៖ “នាងខ្ញុំចាប់អារម្មណ៍ចំពោះស្ថាបត្យកម្មនៃសំណង់វប្បធម៌ ជំនឿសាសនា លក្ខណៈទំនៀមទម្លាប់ក្នុងតំបន់និងរឿងរ៉ាវទាក់ទងនឹងប្រវត្តិនៃការរានទឹករានដីកសាងតំបន់នេះ។ ប៉ុន្តែ ប្រសិនបើមិនបានមិត្តភក្តិជួយណែនាំ នាងខ្ញុំក៏មិនស្គាល់ពីរមណីយដ្ឋានទាំងនេះដែរ”។ តាមសម្តីអ្នកស្រី Shopie Mercery កឹងធើនៅមានរមណីយដ្ឋានទេសចរណ៍ជាច្រើន គួរផ្តល់ព័ត៌មាននិងផ្សព្វផ្សាយឱ្យបានទូលំទូលាយជាង។

សារមន្ទីរកឹងធើ សារមន្ទីរយោធភូមិភាគ៩ ឬមណ្ឌលកេរដំណែលប្រវត្តិសាស្ត្រខាំលើងកឹងធើ ។ល។ សុទ្ធតែជាទីតាំងទេសចរណ៍ដ៏ទាក់ទាញ ជាមួយនឹងរឿងរ៉ាវ ទិន្នន័យភ្ជាប់នឹងដំណើរការកកើតនិងប្រវត្តិកឹងធើ។ ប៉ុន្តែ រមណីយដ្ឋានទេសចរណ៍ទាំងនេះ មិនសូវបានដាក់បញ្ចូលក្នុងជើងទេសចរណ៍របស់អង្គភាពទេសចរណ៍ ផ្ទុយមកវិញគឺជាដំណើរស្វែងយល់ប្រធានបទសម្រាប់សិស្ស និស្សិតឬអង្គភាពនានាសុទ្ធតែបានចុះឈ្មោះជាមុន។

ភ្ញៀវទេសចរអន្តរជាតិ មកទស្សនាកម្សាន្តនៅមណ្ឌលកេរដំណែលប្រវត្តិសាស្ត្រយ៉ាងរឿ។ រូបថត៖កេវម៉ាយ

ទិសដៅអភិវឌ្ឍទេសចរណ៍វប្បធម៌-ប្រវត្តិសាស្ត្រ

អ្នកស្រី ង្វៀងធីង៉ុកសឿង អគ្គនាយិកាក្រុមហ៊ុនទទួលខុសត្រូវមានកម្រិតនៃភោជនីយដ្ឋានសណ្ឋាគារនិងទេសចរណ៍ហាយអូវកឹងធើ ឱ្យដឹង៖ “ការដាក់បញ្ចូលកម្មវិធីដំណើរទេសចរណ៍ស្វែងយល់ទៅកាន់រមណីយដ្ឋានដូចជាសារមន្ទីរ ត្រូវការបត់បែនដោយលក្ខណៈពិសេសដោយឡែក។ ឧទាហរណ៍តូចមួយគឺកន្លែងទាំងនេះ សុទ្ធតែបានកំណត់ម៉ោងបើកទ្វារតាមរដ្ឋបាល”។ ហេតុដូច្នេះ អ្នកស្រីង្វៀងធីង៉ុកសឿង លើកសំណើរដល់អ្នកគ្រប់គ្រង អាចបត់បែនពីពេលវេលាទទួលភ្ញៀវ ក៏ដូចជាបង្កលក្ខណៈដល់អង្គភាពទេសចរណ៍កសាងកម្មវិធីឆ្លងបទពិសោធន៍។ ដូចជាអង្គភាពរបស់អ្នកស្រីង៉ុកសឿង ជំនាញពីចរន្តផលិតផលទេសចរណ៍អប់រំ ក្នុងនោះ លេចធ្លោបំផុតគឺការអនុវត្តបច្ចេកវិទ្យាឌីជីថលក្នុងការឆ្លងបទពិសោធន៍តភ្ជាប់និងផ្សព្វផ្សាយពីបេតិកភណ្ឌក្នុងតំបន់។ ហេតុដូច្នេះ ភូមិភាគគប្បីយកចិត្តទុកដាក់កសាងប្រព័ន្ធទិន្នន័យឌីជីថលសម្រេចបទដ្ឋាន និងបង្កើនការអនុវត្តបច្ចេកវិទ្យានៅតាមរមណីយដ្ឋានទេសចរណ៍។ “នេះគឺជាប្រការមួយមានសារៈសំខាន់ ពីព្រោះទិន្នន័យទាំងនេះ ផ្តល់ព័ត៌មានជាផ្លូវការ មានប្រភពច្បាស់លាស់និងការងារអត្ថាធិប្បាយនឹងមានប្រសិទ្ធភាព ពេលអង្គភាពទេសចរណ៍ផ្តល់ព័ត៌មានដល់ភ្ញៀវ”អ្នកស្រីង៉ុកសឿង បានឱ្យដឹងបន្ថែមដូច្នេះ។

លោកត្រឹងថាញងី នាយកក្រុមហ៊ុន Benthanh Tourist កឹងធើ បានលើកឡើង៖“ចំពោះរមណីដ្ឋានទេសចរណ៍អំពីវប្បធម៌ ប្រវត្តិសាស្ត្រ និងជំនឿសាសនា ក្នុងនោះ ទីសក្ការបូជាក្សត្រហ៊ុង និងទីសក្ការបូជាប៊ិញធ្វី មានភាពទាក់ទាញខ្លាំងណាស់។ នៅទីតាំងទាំងនេះ ចាំបាច់ត្រូវមានសកម្មភាពឆ្លងបទពិសោធន៍និងអ្នកអត្ថាធិប្បាយនៅប្រចាំការ”។ ខណៈនោះ លោកទ្រឿងវ៉ាំងវិញ នាយកក្រុមហ៊ុន Ido Travel កឹងធើ ឱ្យដឹង៖ “ពេលរួមបញ្ចូលកឹងធើមានឧត្តមភាពខាងវិស័យទេសចរណ៍វប្បធម៌ និងពិធីបុណ្យផ្សេងៗជាច្រើនប្រកបដោយអត្តសញ្ញាណវប្បធម៌ ក្នុងនោះ មានពិធីបុណ្យអកអំបុក-ប្រណាំងទូកងជាដើម។ ហេតុដូច្នេះ គប្បីយកចិត្តទុកដាក់កសាងចរន្តផលិតផលទេសចរណ៍ពីព្រឹត្តិការណ៍វប្បធម៌នៃពិធីបុណ្យ”។ ភូមិភាគគួរតែរៀបចំរចនាសម្ព័ន្ធឡើងវិញ ហើយផ្តល់ជូនអង្គភាពទេសចរណ៍ ដើម្បីយើងខ្ញុំច្បាមតាមទិន្នន័យទាំងនោះកសាងផលិតផលទេសចរណ៍ឱ្យបានសមស្រប បង្កលក្ខណៈឆ្លងបទពិសោធន៍ដល់ភ្ញៀវទេសចរ រួមចំណែកផ្សព្វផ្សាយពីវិស័យទេសចរណ៍កឹងធើ”។

រមណីយដ្ឋានទេសចរណ៍វប្បធម៌-ប្រវត្តិសាស្ត្រមានភាពសម្បូរបែបនិងបានវាយតម្លៃខ្ពស់មានភាពទាក់ទាញចំពោះភ្ញៀវទេសចរ ប៉ុន្តែ ដើម្បីទាក់ទាញភ្ញៀវនៅតែជាដំណើរការមួយដ៏វែងឆ្ងាយ។ ពីព្រោះ ផលិតផលនៅទីនេះ គឺត្រូវការវិនិយោគបន្ថែមលើសកម្មភាពឆ្លងបទពិសោធន៍។ បើចង់ធ្វើបានប្រការទាំងនេះ ត្រូវធ្វើការពិនិត្យច្បាស់លាស់និងកំណត់ទិសដៅសម្រាប់ជើងទេសចរណ៍និងទីតាំងទេសចរណ៍សំខាន់ៗ ទន្ទឹមនឹងនោះ ត្រូវមានយន្តការសហការឧបត្ថម្ភដល់អាជីវកម្មក្រុមហ៊ុនទេសចរណ៍អភិវឌ្ឍចរន្តផលិតផលប្រធានបទទេសចរណ៍វប្បធម៌-ប្រវត្តិសាស្ត្រក្នុងតំបន់ឱ្យកាន់ល្អប្រសើរ៕

អាយឡាម-មុនី

ចែករំលែកអត្ថបទ

ពាក្យគន្លឹះ