សុខភាព - អប់រំ សុខភាព

08/08/2022 - 16:04

ផ្តល់អនុសាសន៍ចំពោះជំងឺអុតស្វា

វីរុសអុតស្វា អាចនឹងឆ្លងពីមនុស្សទៅមនុស្ស តាមរយៈ ៖

+ ប៉ះពាល់ទៅលើស្នាមអុជក្រហម ពងទឹកបែក ឬសារធាតុរាវចេញពីខ្លួនអ្នកកើតជំងឺអុតស្វា។

+ តាមការដកដង្ហើមចូលក្នុងរយៈពេលនិយាយប្រាស្រ័យជិតគ្នាយូរពេក ឬប៉ះពាល់ជិតស្និទ្ធដូចការឱបថើប ឬរួមសង្វាសជាដើម។

ពងជំងឺអុតស្វាលើដៃកុមារម្នាក់។ (រូប៖ Reuters/TTXVN)

+ រាល់សម្ភារៈប្រើប្រាស់ ដូច៖ សម្លៀកបំពាក់ ខ្នើយ ភួយ ពូក។ល។ ដែលជ្រុលប៉ះជាមួយពងទឹកបែកឬសារធាតុរាវចេញពីខ្លួនរបស់អ្នកជំងឺ។

+ ស្រ្តីមានផ្ទៃពោះអាចនឹងចម្លងវីរុសទៅទារកតាមរយៈទងសុក។

- មនុស្សក៏អាចនឹងឆ្លងជំងឺអុតស្វាពីសត្វដែលកើតជំងឺ ដូចត្រូវសត្វក្រញៅខាំ។ល។ ខណៈធ្វើមុខម្ហូប ឬទទួលទានសាច់សត្វដែលកើតជំងឺ។

- ជំងឺអុតស្វាអាចនឹងឆ្លងនៅពេលចាប់ផ្តើមមានរោគសញ្ញារហូតដល់ពេលពងកន្ទួល ឬពងទឹកបែកជាសះស្បើយនិងស្បែកថ្មីត្រូវបានដុះឡើង។ វដ្ដជំងឺជាទូទៅអូសបន្លាយចាប់ពី ២-៤ សប្តាហ៍។

- អ្នកដែលមិនមានរោគសញ្ញានៃជំងឺអុតស្វា មិនអាចនឹងឆ្លងវីរុសទៅអ្នកផ្សេងបានឡើយ។

- នៅពេលបច្ចុប្បន្ននេះ គេមិនទាន់ច្បាស់ថាតើជំងឺអុតស្វាអាចនឹងឆ្លងតាមរយៈមេជីវិតញី ឬមេជីវិតឈ្មោលនៅឡើយទេ។

វិធីបង្ការជំងឺអុតស្វា៖

- ចៀសវាងការនិយាយទាក់ទងជិតដិត ប៉ះទៅលើស្បែកអ្នកដែលមានពងកន្ទួល មើលទៅហាក់ដូចជំងឺអុតស្វា៖

+ កុំប៉ះទៅលើពងទឹកបែក ឬស្នាមរបួសអ្នកកើតជំងឺអុតស្វា។

+ មិនត្រូវឱបថើប ស្ទាបអង្អែល ឬរួមសង្វាសជាមួយនឹងអ្នកដែលកើតជំងឺអុតស្វា។

+ មិនត្រូវប្រើប្រាស់សម្ភារៈហូបចុករួមគ្នា ឬប្រើពែងកែវទឹកជាមួយនឹងអ្នកកើតជំងឺអុតស្វា។

- មិនត្រូវប៉ះឬចាប់កាន់ដោយដៃទទេទៅលើភួយ ពូក ខ្នើយ សម្លៀកបំពាក់ឬកន្សែងងូត ទឹក។ល។ របស់អ្នកដែលកើតជំងឺអុតស្វា។

- គប្បីលាងជម្រះដៃឱ្យបានញឹកញាប់ដោយសាប៊ូនិងទឹកស្អាត ឬចែលអាល់កុល។

- ប្រសិនបើទៅកាន់តំបន់ភូមិភាគកណ្តាល និងខាងលិចអាហ្វ្រិក គប្បីចៀសវាងទៅជិតសត្វដែលអាចនឹងចម្លងវីរុសអុតស្វា ភាគច្រើនជាប្រភេទថនិកសត្វ។ ទន្ទឹមនឹងនោះ ត្រូវចៀសវាងសត្វដែលឈឺស្គម ឬសត្វងាប់ ក៏ដូចជាចៀសវាងប៉ះភួយ កម្រាល ខ្នើយ ពូក ឬវត្ថុដែលសត្វកើតជំងឺបានប៉ះ។

ប្រសិនបើលោកអ្នកកើតជំងឺអុតស្វា

- ធ្វើចត្តាឡីស័កនៅផ្ទះ។

- ប្រសិនបើលោកអ្នកឡើងពងកន្ទួល ឬមានរោគសញ្ញាផ្សេងៗនោះ គប្បីធ្វើចត្តាឡីស័កក្នុងបន្ទប់ដាច់ដោយឡែក ឬតំបន់ឆ្ងាយដាច់ដោយឡែកពីមនុស្ស ឬសត្វចិញ្ចឹមក្នុងផ្ទះ។

- ទំនាក់ទំនងភ្លាមៗទៅនឹងបុគ្គលិកពេទ្យដើម្បីទទួលបានការពិគ្រោះ ណែនាំនិងពិនិត្យព្យាបាលជំងឺ៕

យោង៖ TTXVN-លីសៀ

ចែករំលែកអត្ថបទ

ពាក្យគន្លឹះ