សន្តិសុខ - ការពារប្រទេស ការពារប្រទេស

31/08/2026 - 22:43

ប៉ុស្តិ៍ការពារព្រំដែនឡាយហ្វា ចាត់តាំង "ល្វែងទំនិញសូន្យដុង " គិតគូរដល់អ្នកក្រីក្រ ក្នុងឱកាសបុណ្យជាតិ ថ្ងៃ២ កញ្ញា

ព្រឹកថ្ងៃទី៣១ ខែសីហា ប៉ុស្តិ៍ការពារព្រំដែនឡាយហ្វា ចំណុះកងទ័ពការពារព្រំដែនទីក្រុងកឹងធើ បានចាត់តាំងកម្មវិធី "ល្វែងទំនិញសូន្យដុង" ជូនអំណោយដល់គ្រួសារដែលមានស្ថានភាពលំបាកលើភូមិឋាន ក្នុងឱកាសអនុស្សាវរីយ៍ ៨១ ឆ្នាំ ទិវាបុណ្យជាតិនៃសាធារណរដ្ឋសង្គមនិយមវៀតណាម (០២/០៩/១៩៤៥ - ០២/០៩/២០២៦)។

ប៉ុស្តិ៍ការពារព្រំដែនឡាយហ្វា ជូនអំណោយដល់ប្រជាជនក្រីក្រ។

នៅក្នុងកម្មវិធី ប៉ុស្តិ៍ការពារព្រំដែនឡាយហ្វា បានចាត់តាំងជូនអំណោយចំនួន ១៣០ ចំណែក ដល់គ្រួសារដែលមានស្ថានភាពលំបាកខ្លាំងនៅលើភូមិឋាន។ អំណោយក្នុងមួយចំណែក មានតម្លៃ ៣៥០.០០០ ដុង រួមចំណែកជួយដល់គ្រួសារទាំងនោះ កាត់បន្ថយការលំបាកក្នុងជីវភាព និងអំណរបុណ្យជាតិក្នុងបរិយាកាសសប្បាយរីករាយ និងមានភាពកក់ក្តៅ។ ទន្ទឹមនឹងនោះ អង្គភាពក៏បានចាត់តាំងទៅសួរសុខទុក្ខ លើកទឹកចិត្ត និងជូនអំណោយដល់អ្នកវ័យចាស់គ្មានទីពឹង ៣ នាក់ នៅភូមិស៊ាវកុក ឃុំឡាយហ្វា និងតំបន់សង្កាត់វិញភឿក។

កម្មាភិបាល យុទ្ធជនការពារព្រំដែន រួមជាមួយសប្បុរសជន បានចុះទៅដល់ផ្ទះ ជូនអំណោយដល់អ្នកវ័យចាស់គ្មានអ្នកទីពឹងនៅឃុំឡាយហ្វា។

កម្មវិធី "ល្វែងទំនិញសូន្យដុង" គឺជាសកម្មភាពជាក់ស្តែងរបស់កម្មាភិបាល និងយុទ្ធជនប៉ុស្តិ៍ការពារព្រំដែនឡាយហ្វា ក្នុងគោលបំណងធ្វើឱ្យជាក់ស្តែងនូវគោលនយោបាយសុខុមាលភាពសង្គម ពង្រឹងការងារចលនាមហាជន និងពង្រឹងទំនាក់ទំនងសាមគ្គីភាពរវាងកងទ័ពនិងប្រជាជន។ តាមរយៈនោះ រួមចំណែកធ្វើឱ្យរីកសាយភាយរូបភាព "កងទ័ពអ៊ំហូ" នៅក្នុងចិត្តប្រជាជន ជាពិសេសគឺជនរួមជាតិខ្មែរ និងកសាងតំបន់ព្រំដែនសមុទ្រឱ្យមានភាពរឹងមាំ រក្សា និងពង្រីកស្មារតីសាមគ្គីភាពរវាងកងទ័ពនិងប្រជាជន។

យ្វីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ