21/03/2022 - 14:20

វិនិច្ឆ័យ​ម៉ឺង​ម៉ាត់​ទង្វើ​កេង​ចំ​ណេញ​”ស៊ី​តាម​”តម្លៃ​ប្រេង​ឥន្ធនៈ​

តម្លៃ​ប្រេង​ឥន្ធនៈ​ពិភព​លោក​កើន​ឡើង​ជាលំ​ដាប់​ក្នុង​រយៈ​ពេល​កន្លង​ ព្រម​ជា​មួយ​នឹង​កង្វះ​ប្រ​ភព​ផ្គត់​ផ្គង់​ក្នុង​ប្រ​ទេស​ បាន​បង្ក​កម្លាំង​សម្ពាធ​ទៅ​លើ​តម្លៃ​ទំ​និញ​ ពិសេស​គឺ​វិស័យ​ដឹក​ជញ្ជូន​និង​សម្ភារៈ​ប្រើ​ប្រាស់​ចាំ​បាច់​ បម្រើ​ជីវ​ភាព​ប្រ​ចាំ​ថ្ងៃ​របស់​ប្រ​ជា​ជន​។​

 រយៈ​ពេល​ជិត​ៗ​នេះ​ តម្លៃ​ប្រេង​ឥន្ធនៈ​កើន​ឡើង​ជាលំ​ដាប់​។​

តាម​ការ​លើក​ឡើង​របស់​ដេប៉ូលក់​ប្រេង​ឥន្ធនៈ​ ទន្ទឹម​នឹង​ការ​លំ​បាក​អំ​ពី​ប្រ​ភព​ផ្គត់​ផ្គង់​ សព្វ​ថ្ងៃ​បណ្តា​ដេប៉ូ ”ក៏​ឈរ​អង្គុយ​មិន​ស្រ​ណុក” ដោយ​សារ​តម្លៃ​ប្រេង​ឥន្ធនៈ​កើន​ឡើង​ជាលំ​ដាប់​។​ ស្ថាន​ភាព​នេះ​ បើ​មិន​បាន​ស្ដារ​ឡើង​វិញ​ នឹង​ញុាំង​ឱ្យ​ដេប៉ូ​ប្រេង​ឥន្ធនៈ​ធ្លាក់​ក្នុង​ស្ថាន​ភាព​កាន់​តែ​លក់​កាន់​តែខាត​។​ រីឯ​អា​ជីវ​កម្ម​ដឹក​ជញ្ជូន​នានា​កំ​ពុង​មាន​ភ្ញៀវ​ថយ​ចុះ​ដោយ​សារ​រង​ផលប៉ះ​ពាល់​នៃ​ជំងឺ​ COVID – ១៩ ហើយ​បន្ត​ប្រ​ឈម​នឹង​ការ​លំ​បាក​ខណៈ​ពេល​តម្លៃ​ប្រេង​ឥន្ធនៈ​កើន​ឡើង​ជាលំ​ដាប់​។​ល។​ ប្រ​សិន​បើ​តម្លៃ​ប្រេង​ឥន្ធនៈ​បន្ត​កើន​ខ្ពស់​ បណ្ដាក្រុម​ហ៊ុន​យាន​យន្ត​បង្កើន​តម្លៃ​ព្រម​ៗ​គ្នា​គឺ​ជាប្រ​ការ​ដែល​មិន​អាច​ជៀស​ផុត​ ហើយ​ខណៈ​ពេល​នោះ​ ទំ​និញ​ផ្សេង​ៗ​ទៀត​ច្បាស់​ជាកើន​តម្លៃ​តាម​។​ ហើយ​ផល​វិបាក​គឺ​ប្រ​ជា​ជន​ អា​ជីវ​កម្ម​ពាក់​ព័ន្ធ​ ត្រូវ​ទទួល​រង​ការ​បង់​ខាត​។​

ក្នុង​កិច្ច​ប្រ​ជុំ​គណៈ​ចង្អុល​ការ​គ្រប់​គ្រង​តម្លៃ​ប្រ​ព្រឹត្ត​ឡើង​ថ្មី​ៗ​នេះ​ ឧប​នាយក​រដ្ឋ​មន្រ្តី​ ឡេ​មិញ​ខាយ បាន​សំ​ណូម​ពរក្រ​សួង​ឧស្សាហ-ពាណិជ្ជ​កម្ម​ បន្ត​ដាក់​ចេញ​វិធាន​ការ​ធានា​គ្រប់​គ្រាន់​ ប្រេង​ឥន្ធនៈ​បម្រើ​ការ​ផលិត​ អា​ជីវ​កម្ម​និង​ជីវ​ភាព​ប្រ​ជា​ជន​; ព្រម​ជា​មួយ​នោះ​ ស្នើ​ស្ថាប័ន​មាន​សមត្ថ​កិច្ច​បង្កើន​ការ​ត្រួត​ពិនិត្យ​ វិនិច្ឆ័យ​បន្ទាន់​រាល់​ទង្វើ​ខុស​ឆ្គង​តាម​សេចក្ដី​កំណត់​នៃ​ច្បាប់​។​ ទន្ទឹម​នឹង​នោះ​ ក្រសួង​គប្បី​តាម​ដាន​ការ​ប្រែប្រួល​នៃ​ស្ថាន​ភាព​ប្រេង​ឥន្ធនៈ​ដើម្បី​មាន​គោល​នយោ​បាយ​ជំនួយ​សម​ស្រប​នឹង​តម្លៃ​ធានា​តុល្យ​ភាព​ផ្គត់​ផ្គង់​-តម្រូវ​ការ​ មិន​ទុក​ឱ្យ​ខ្វះ​ប្រ​ភព​ទំ​និញ​; ដឹក​នាំ​ចង្អុល​ការ​សម្ព័ន្ធ​ប្រេង​ឥន្ធនៈ​វៀត​ណាម​ និង​ដើម​ទង​នាំ​ចូល​នានា​ ដើម្បី​នាំ​ចូល​សម​ស្រប​ ប្រិត​សំ​ចៃ​រូបិយ​ប័ណ្ណ​ ធានា​តម្រូវ​ការ​ក្នុង​ប្រ​ទេស​។​ ក្រសួង​ឧស្សា​ហ- ពាណិ​ជ្ជកម្ម​ គប្បី​គិត​គូរ​ហ្មត់​ចត់​ កើន​តម្លៃ​ប្រេង​ឥន្ធនៈ​ត្រូវ​ជិត​ដិតជា​មួយ​ទីផ្សារ ត្រូវ​ប្រិត​សំ​ចៃ​ខ្ពស់​បំ​ផុត​ដែល​អាច​ធ្វើ​បាន​ តាម​លក្ខខ័ណ្ឌ​ ប្រើ​ប្រាស់​មូល​និធិលំ​នឹង​តម្លៃ​ប្រិត​សំ​ចៃ​ការ​ចំ​ណាយ​ ក្នុង​អា​ជីវ​កម្ម​ប្រេង​ឥន្ធនៈ​ដើម្បី​ជំនួយ​ប្រ​ជា​ជន​ ជំនួយ​ខឿន​សេដ្ឋ​កិច្ច​។​

ប្រេង​ឥន្ធនៈ​គឺ​ជាមុខ​ទំ​និញ​យុទ្ធ​សាស្រ្ត​ មាន​តួនាទី​សំ​ខាន់​ក្នុង​ការ​ការ​ពារ​សន្ដិសុខ​ឋាម​ពល​ជាតិ​។​ ការ​ម្ចាស់​ការ​ប្រ​ភព​ផ្គត់​ផ្គង់​ ជៀស​វាង​ការ​ជះ​ឥទ្ធិពល​អវិជ្ជ​មាន​ដល់​ខឿន​សេដ្ឋ​កិច្ច​ ខណៈ​ពេល​តម្លៃ​បន្ត​ ”កើន​ឡើង​”គឺ​មាន​អត្ថ​ន័យ​ដ៏​សំ​ខាន់​ខ្លាំង​ណាស់​។​ ដើម្បី​ទប់ស្កាត់​ស្ថាន​ភាព​ ”សាច​ទឹក​តាម​ភ្លៀង​” មុខ​ទំ​និញ​ឯទៀត​ ស្រុះ​គ្នា​កើន​តម្លៃ​ក្នុង​រយៈ​ពេល​ខាង​មុខ​ កម្លាំង​សមត្ថ​កិច្ច​គប្បី​បង្កើន​ការ​ត្រួត​ពិនិត្យ​ការ​ចុះ​បញ្ជី​ឈ្មោះ​ បង្កើន​តម្លៃ​លក់​ទំ​និញ​។​ ជាពិ​សេស​ ដាច់​ខាត​មិន​អនុញ្ញាត​ចុះ​បញ្ជី​ឈ្មោះ​កើន​តម្លៃ​ ខណៈ​ពេល​មិន​គ្រប់​មូល​ដ្ឋាន​ មិន​សម​ស្រប​ជាមួយ​នឹង​អត្រា​កើន​តម្លៃ​វត្ថុ​ធាតុ​ដើម​។​ល។​ រដ្ឋ​អំ​ណាច​មូល​ដ្ឋាន​និង​កម្លាំង​គ្រប់​គ្រង​ទីផ្សា​រ គប្បី​បង្កើន​ការ​ត្រួត​ពិនិត្យ​ទីផ្សារ សំ​ដៅ​ប្រះទះ​ឃើញ​ទាន់​ពេល​និង​វិនិច្ឆ័យ​ម៉ឺង​ម៉ាត់​រាល់​ករណី​ ចេតនា​ប្រ​ព្រឹត្ត​ល្មើស​បង្កើន​តម្លៃ​ទំ​និញ​គ្មាន​ ហេតុ​ផល ”ប្រេង​ឥន្ធនៈ​កើន​តម្លៃ​”សំ​ដៅ​កេង​ចំ​ណេញ​។​ រដ្ឋ​និង​ក្រសួង​ ផ្នែក​នានា​គប្បី​សិក្សា​ស្រាវ​ជ្រាវ​ កែ​តម្រូវ​តាម​ទិស​ដៅ​កាត់​បន្ថយ​ពន្ធ​ ដាពាក់​ព័ន្ធ​ដល់​ប្រេង​ឥន្ធនៈ​៕​

                             តាម​កាសែត​ប្រ​ជា​ជន​- ប្រែសម្រួល​៖ ថា​ច់​ធី

     ​

ចែករំលែកអត្ថបទ