សន្តិសុខ - ការពារប្រទេស ការពារប្រទេស

28/08/2026 - 05:59

រក្សាសន្តិសុខសណ្តាប់ធ្នាប់នៅភូមិភាគ

បន្ទាប់ពីរួមបញ្ចូលភូមិប្រាសាទA និងភូមិប្រាសាទ B ទៅជាអនុសង្កាត់ប្រាសាទ នៅលើភូមិឋានមានចំនួន ៧០៦ គ្រួសារ និងមានប្រជាជនប្រមាណ ២.៩១៧ នាក់។ ដោយសារភូមិឋានធំទូលាយ មានប្រជាជនរស់នៅកុះករ ការងាររក្សាសន្តិសុខសណ្តាប់ធ្នាប់ ប្រឈមនឹងការលំបាកច្រើន។ ហេតុនេះ ក្រុមការពារសន្តិសុខសណ្តាប់ធ្នាប់អនុសង្កាត់ប្រាសាទ បានសហការជាមួយកងកម្លាំងពាក់ព័ន្ធ បង្កើនការដើរល្បាត តាមដានស្ថានភាព រួមចំណែកបង្ការនិងទប់ស្កាត់បទល្មើស ការពារទ្រព្យសម្បត្តិនិងជីវភាពសុខសាន្តជូនប្រជាជន។

ក្រុមការពារសន្តិសុខ សណ្តាប់ធ្នាប់អនុសង្កាត់ប្រាសាទ សហការជាមួយកងប្រជាស្វ័យត្រាណ និងនគរបាលសង្កាត់ង្វៀកហ្វា ត្រៀមដើរល្បាតក្នុងភូមិឋាន។ (រូបថត៖ ក្រុមការងារផ្តល់ជូន)

លោកថាច់សោភ័ណ ប្រធានក្រុមការពារសន្តិសុខ សណ្តាប់ធ្នាប់អនុសង្កាត់ប្រាសាទ សង្កាត់ង្វៀកហ្វា ខេត្តវិញឡុង ឱ្យដឹងថា ក្រុមតែងតែសហការជាមួយកងប្រជាស្វ័យត្រាណ ចាត់តាំងដើរល្បាតនៅលើភូមិឋាន។ ក្រៅពីនេះ ក្រុមសហការជាមួយនគរបាលសង្កាត់ ង្វៀកហ្វាដើរល្បាត ពិសេសនៅពេលយប់ដើម្បីរកឃើញទាន់ពេលហើយទប់ស្កាត់បទល្មើស។ កាលពីមុន ករណីលួចឆ្កែនិងមាន់របស់ប្រជាជនធ្លាប់កើតមានធ្វើឱ្យប្រជាជនព្រួយបារម្ភ។ ចាប់តាំងពីក្រុមបានបង្កើនការដើរល្បាត សហការជាមួយកងកម្លាំងមានសមត្ថកិច្ច ស្ថានភាពលួចប្លន់បានថយចុះ ប្រជាជនស្ងប់អារម្មណ៍ជាង។

តាមអ្នកស្រី ថាច់ធីឡង ប្រធានគណៈប្រជាជន អនុសង្កាត់ប្រាសាទ ឱ្យដឹងថា បន្ទាប់ពីការរៀបចំអង្គភាពរដ្ឋបាលឡើងវិញ ជនខិលខូចមួយចំនួនបានឆ្លៀតឱកាសពេលប្រជាជននៅប្រហែស ដើម្បីលួចទ្រព្យសម្បត្តិរបស់ប្រជាជន។ មិនត្រឹមតែប៉ុណ្ណោះ ទីស្នាក់ការឃុំង្វៀកហ្វាចាស់មិនប្រើប្រាស់ជនខិលខូចឆ្លៀតឱកាសចូលលួចយកទ្វារអាលុយមីញ៉ូម។ ចំពោះស្ថានភាពនេះ កងកម្លាំងការពារសន្តិសុខ សណ្តាប់ធ្នាប់នៅមូលដ្ឋាន បានសហការជាមួយនគរបាលសង្កាត់ង្វៀកហ្វា បង្កើនការដើរល្បាត តាមដានស្ថានការណ៍និងស្វែងរកមុខសញ្ញា។ តាមរយៈនោះ កងកម្លាំងសមត្ថកិច្ចបានរកឃើញនិងឃាត់ខ្លួនមុខសញ្ញាចំនួន ៣ នាក់ ក្នុងករណីលួចទ្រព្យសម្បត្តិនៅទីស្នាក់ការចាស់។ ក្នុងនោះ មុខសញ្ញាម្នាក់ត្រូវបានពិន័យរដ្ឋបាល ខណៈមុខសញ្ញា ២ នាក់ទៀតមិនទាន់គ្រប់អាយុ បានប្រ គល់ឱ្យគ្រួសារដើម្បីសហការអប់រំនិងគ្រប់គ្រង។

ដោយសារម្ចាស់ការក្ដាប់ភូមិឋាន ដើរល្បាតជាប្រចាំនិងសហការដោះស្រាយទាន់ពេលវេលានូវហេតុការណ៍ដែលកើតមាន ក្រុមការពារសន្តិសុខ សណ្តាប់ធ្នាប់អនុសង្កាត់ប្រាសាទ រួមចំណែកយ៉ាងសកម្មក្នុងការបង្ការ ប្រឆាំងបទល្មើស។ សមាជិកក្នុងក្រុមក៏បានផ្សព្វផ្សាយ ណែនាំប្រជាជនឱ្យបង្កើនការយល់ដឹងក្នុងការការពារទ្រព្យសម្បត្តិ ម្ចាស់ការផ្តល់ព័ត៌មានពេលឃើញសញ្ញាមិនប្រក្រតី។ “នាពេលខាងមុខ អនុសង្កាត់ប្រាសាទនឹងបន្តសហការជាមួយនគរបាលសង្កាត់ង្វៀកហ្វានិងកងកម្លាំងពាក់ព័ន្ធ បន្តរក្សាដើរល្បាត ជាពិសេសពេលយប់; ទន្ទឹមនោះ នឹងបន្តផ្សព្វផ្សាយឱ្យប្រជាជនចូលរួមរក្សាសន្តិសុខ សណ្តាប់ធ្នាប់ រួមចំណែកកសាងភូមិឋានសុវត្ថិភាព លំនឹង” អ្នកស្រី ថាច់ធីឡង បានឱ្យដឹងបន្ថែមដូច្នេះ៕

ទីទុយ

ចែករំលែកអត្ថបទ

ពាក្យគន្លឹះ