សន្តិសុខ - ការពារប្រទេស ការពារប្រទេស

10/07/2026 - 18:43

ផ្សព្វផ្សាយអំពីការការពារសន្តិសុខ សុវត្ថិភាពសំណង់ឧស្ម័ន និងការការពារអធិបតេយ្យភាព សន្តិសុខ សណ្តាប់ធ្នាប់នៅតំបន់ព្រំដែនសមុទ្រ

ព្រឹកថ្ងៃទី ១០ កក្កដា នៅប៉ុស្តិ៍ការពារព្រំដែនទ្រុងប៊ិញ គណៈបញ្ជាការកងទ័ពការពារព្រំដែនទីក្រុងកឹងធើ បានសហការជាមួយសាខាឧស្ម័នតីណាមបូចាត់តាំងកិច្ចប្រជុំផ្សព្វផ្សាយដល់ប្រជានេសាទ អំពីការការពារសន្តិសុខ សុវត្ថិភាពសំណង់ឧស្ម័ន និងការការពារអធិបតេយ្យភាព សន្តិសុខ សណ្តាប់ធ្នាប់ សុវត្ថិភាពសង្គម នៅតំបន់ព្រំដែនសមុទ្រនៃឃុំត្រឹងដេ។

ទិដ្ឋភាពក្នុងពិធីផ្សព្វផ្សាយ។

នៅក្នុងកិច្ចប្រជុំនេះ អ្នកតំណាងជាង ១០០ នាក់ជាប្រជានេសាទនៅឃុំត្រឹងដេ បានអ្នកធ្វើរបាយការណ៍ណែនាំអំពីប្រព័ន្ធបំពង់បង្ហូរឧស្ម័ន PM3–កាម៉ាវ តួនាទីនៃសំណង់ឧស្ម័នចំពោះសន្តិសុខថាមពលជាតិ បទប្បញ្ញត្តិនៃច្បាប់ស្តីពីការការពារសន្តិសុខ សុវត្ថិភាពសំណង់ប្រេងឥន្ធនៈ តំបន់ហាមឃាត់ តំបន់រឹតបន្តឹងសកម្មភាព ហានិភ័យនិងផលវិបាកនៅពេលទូកនេសាទបំពានលើច្រករបៀងសុវត្ថិភាពនៃសំណង់ឧស្ម័ននៅលើសមុទ្រ និងការទទួលខុសត្រូវរបស់ប្រជានេសាទក្នុងការប្រទះឃើញ និងជូនដំណឹងទាន់ពេលនូវរាល់សកម្មភាពដែលមានសញ្ញាគំរាមកំហែងដល់សន្តិសុខ និងសុវត្ថិភាពនៃសំណង់ឧស្ម័ន។

ទន្ទឹមនឹងនោះ កម្មាភិបាលប៉ុស្តិ៍ការពារព្រំដែនទ្រុងប៊ិញ នៅទាំងផ្សព្វផ្សាយបទប្បញ្ញត្តិនៃច្បាប់ការពារព្រំដែនវៀតណាម ច្បាប់ជលផល បណ្តាបទប្បញ្ញត្តិស្តីពីការគ្រប់គ្រងសកម្មភាពរបស់មនុស្ស និងមធ្យោបាយធ្វើដំណើរនៅក្នុងតំបន់ព្រំដែនសមុទ្រ ផ្សព្វផ្សាយខ្លឹមសារនានាដែលពាក់ព័ន្ធនឹងការប្រឆាំងការនេសាទខុសច្បាប់ គ្មានរាយការណ៍ និងគ្មានការអនុវត្តតាមបទប្បញ្ញត្តិ (IUU) វិភាគពីផលប៉ះពាល់នៃ "កាតលឿង" របស់គណៈកម្មការអឺរ៉ុប (EC) ទៅលើសកម្មភាពនាំចេញជលផលរបស់វៀតណាម ព្រមទាំងណែនាំប្រជានេសាទឱ្យអនុវត្តបានម៉ឺងម៉ាត់នូវបទប្បញ្ញត្តិនានានៅពេលនេសាទលើផ្ទៃសមុទ្រផងដែរ...។ រួមជាមួយគ្នានោះ កម្មាភិបាលការពារព្រំដែនក៏បានណែនាំប្រជាជនឱ្យប្រើប្រាស់ប្រព័ន្ធឌីជីថល ដើម្បីបម្រើដល់ការទទួលបានព័ត៌មាន ការអនុវត្តសេវាសាធារណៈតាមប្រព័ន្ធអនឡាញ និងរាយការណ៍អំពីករណីផ្សេងៗដែលពាក់ព័ន្ធនឹងសន្តិសុខ និងសណ្តាប់ធ្នាប់នៅក្នុងភូមិសាស្រ្ត។

តាមរយៈសន្និបាតនេះ ដើម្បីជំរុញការផ្សព្វផ្សាយ និងបំផុសចលនាប្រជាជននៅតំបន់ព្រំដែនសមុទ្រ ឱ្យចូលរួមយ៉ាងសកម្មក្នុងការការពារអធិបតេយ្យភាពទឹកដី រក្សាសន្តិសុខ សណ្តាប់ធ្នាប់ ការពារសុវត្ថិភាពសំណង់ឧស្ម័ននានា បង្ការ និងទប់ស្កាត់ប្រភេទបទល្មើសគ្រប់ប្រភេទ ការរត់គយ គៃបន្លំ និងការនេសាទខុសច្បាប់ រួមចំណែកកសាងជំហរយុទ្ធសាស្រ្តការពារព្រំដែនទូទាំងប្រជាជនឱ្យកាន់តែរឹងមាំ ធានាសន្តិសុខថាមពល និងការអភិវឌ្ឍសេដ្ឋកិច្ចសមុទ្រប្រកបដោយចីរភាព៕

លីធាន-ដាលីន

ចែករំលែកអត្ថបទ

ពាក្យគន្លឹះ