សន្តិសុខ - ការពារប្រទេស ការពារប្រទេស

28/07/2025 - 10:02

ប្រសិទ្ធភាពនៃទម្រង់ "ស្វ័យឆ្លុះបញ្ចាំង ស្វ័យកែប្រែកំហុស"

ដើម្បីពង្រីកល្អនូវតួនាទីក្នុងការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ គណៈបញ្ជាការយោធាសង្កាត់ត្រាវិញ ខេត្តវិញឡុង បានផ្តុំកម្លាំងអនុវត្តទម្រង់ "ស្វ័យឆ្លុះបញ្ចាំងស្វ័យ កែប្រែកំហុស"។ ទម្រង់នេះ កំពុងពង្រីកប្រសិទ្ធភាព។

គណៈបញ្ជាការយោធាសង្កាត់ត្រាវិញ ខេត្តវិញឡុង ជួយប្រជាជនធ្វើផ្លូវ។

លោកលីកុងថាញ់ មេបញ្ជាការរងនៃគណៈបញ្ជាការយោធាសង្កាត់ត្រាវិញ ឱ្យដឹង៖ “ឆ្នាំ ២០២៤ សាខាបក្សនៃគណៈបញ្ជាការយោធា បានកសាងផែនការអនុវត្តជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ ជាមួយនឹងខ្លឹមសារទម្រង់ “ស្វ័យឆ្លុះបញ្ចាំង ស្វ័យកែប្រែកំហុស”។ សាខាបក្សផ្តុំកម្លាំងអនុវត្តត្រឹមត្រូវតាមស្មារតីខ្លឹមសារនៃកិច្ចចង្អុលការរបស់គណៈកម្មាធិការបក្សសង្កាត់ ដើម្បីផ្សព្វផ្សាយអនុវត្តមានប្រសិទ្ធភាពក្នុងការដឹកនាំ ចង្អុលការនិងរៀបចំអនុវត្ត។ ចាប់ពីឆ្នាំ ២០២៤ មកសាខាបក្សក៏បានបញ្ជ្រាបផ្សព្វផ្សាយផែនការរៀនសូត្រនិងធ្វើតាមគំរូអ៊ំហូបាន ៤ លើក ដោយមានបក្ខជនចូលរួម ៦៤ លើកនាក់។ តាមរយៈការផ្សព្វផ្សាយ រៀនសូត្រ កម្មាភិបាល បក្ខជនកាន់តែជ្រាបច្បាស់អំពីគោលដៅ តម្រូវការ អត្ថន័យនិងខ្លឹមសារសំខាន់ៗដែលត្រូវអនុវត្តសម្រាប់ជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ។ ដើម្បីអនុវត្តមានប្រសិទ្ធភាពទម្រង់ “ស្វ័យឆ្លុះបញ្ចាំង ស្វ័យកែប្រែកំហុស” គណៈបញ្ជាការយោធាសង្កាត់ បានជ្រើសរើសបញ្ហាដែលកំពុងកើតមានចំណុចខ្សោយ និងបញ្ហានៅក្នុងសាខាបក្សដែលកម្មាភិបាល បក្ខជនបានលើកឡើងពិនិត្យវាយតម្លៃតាមកាលកំណត់ក្នុងកិច្ចប្រជុំប្រចាំខែ ដើម្បីសាខាបក្សវាយតម្លៃនិងធ្វើការពិនិត្យសម្រាប់ខែបន្តបន្ទាប់។ល។ រៀងរាល់ត្រៃមាស សាខាបក្សក៏បានធ្វើការពិនិត្យនិងវាយតម្លៃនិងលើកគំរូបក្ខជនក្នុងសាខាបក្ស ពី ១-២ នាក់ អំពីការអនុវត្តភារកិច្ច និងគំរូក្នុងការអនុវត្តជំរុញការរៀនសូត្រនិងធ្វើតាមគំរូ”។

លោកកៀងផាលី ប្រធានកងយោធាអនុសង្កាត់ ៦ ឱ្យដឹង៖ “តាមរយៈការអនុវត្តទម្រង់ “ស្វ័យឆ្លុះបញ្ចាំង ស្វ័យកែប្រែកំហុស” របស់សាខាបក្ស លទ្ធផលបក្ខជនបានជ្រាបច្បាស់អំពីមូលដ្ឋានគ្រឹះនៃការរៀនសូត្រនិងធ្វើតាមគំរូអ៊ំ ផ្តើមពីនោះ បំប៉នចំណេះដឹងបន្ថែមក្នុងការទទួលកំហុសដែលនៅខ្វះខាតនិងចំណុចខ្សោយរបស់ខ្លួន ដើម្បីស្វែងរកវិធានការ ទិសដៅជម្នះ រួមចំណែកយ៉ាងសកម្មក្នុងការកសាងសាខាបក្សស្អាតស្អំ រឹងមាំ កសាងអង្គភាពរឹងមាំលើគ្រប់វិស័យ”។

តាមរយៈការរៀនសូត្រនិងអនុវត្តទម្រង់កម្មាភិបាល បក្ខជនភាគច្រើន បានផ្លាស់ប្តូរការយល់ដឹងនិងសកម្មភាព ស្មារតីទទួលខុសត្រូវ កែប្រែរបៀបរបបធ្វើការ ស្មារតីនិងអាកប្បកិរិយា លើកកម្ពស់ស្មារតីទទួលខុសត្រូវក្នុងការអនុវត្តតួនាទីភារកិច្ចដែលបានប្រគល់ឱ្យក្នុងការហាត់ពត់លត់ដំនិងរក្សាគុណសម្បត្តិសីលធម៌ ផ្នត់រស់នៅរបស់កម្មាភិបាល បក្ខជន រួមចំណែកជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ បានជ្រួតជ្រាបស៊ីជម្រៅនិងនាំមកប្រសិទ្ធភាពជាក់ស្តែង៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ