សន្តិសុខ - ការពារប្រទេស ការពារប្រទេស

19/10/2023 - 17:29

រួមជាមួយអ្នកនេសាទបំភ្លឺភ្លើងនៅលើផ្ទៃសមុទ្រ

កម្មវិធី “រួមជាមួយអ្នកនេសាទបំភ្លឺភ្លើងនៅលើផ្ទៃសមុទ្រ” អាស្រ័យកាសែតច្បាប់ក្រុងហូជីមិញ រួមជាមួយគណៈកម្មាធិការប្រជាជនខេត្តបាកលីវ រៀបចំឡើងដោយមានសកម្មភាពជាច្រើនជួយឱ្យអ្នកនេសាទស្ងប់អារម្មណ៍ច្បាមសមុទ្រ។ ទន្ទឹមនឹងនោះ រួមចំណែកលើកកម្ពស់ការយល់ដឹងក្នុងការគោរពច្បាប់របស់អ្នកនេសាទពេលធ្វើនេសាទនៅសមុទ្រ ព្រួតដៃដោះ “កាតលឿង” របស់ IUU សម្រាប់ផលសមុទ្រវៀតណាម។

គណៈកម្មការរៀបចំកម្មវិធីទៅសួរសុខទុក្ខ និងជូនអំណោយគ្រួសារបងយ័ញតង។

អតីតឧបនាយករដ្ឋមន្រ្តីប្រចាំការ ត្រឿងហ្វាប៊ិញ និងគណៈកម្មការរៀបចំកម្មវិធីអញ្ជើញទៅសួរសុខទុក្ខនិងជូនអំណោយដល់អ្នកនេសាទដែលមានជីវភាពខ្វះខាត។

តាមប្រសាន៍លោក ផាមវ៉ាន់ទេវ ប្រធានគណៈកម្មាធិការប្រជាជនខេត្តបាកលីវ ខេត្តមានឆ្នេរសមុទ្រប្រវែង៥៦គីឡូម៉ែត្រ ដោយមានដៃសមុទ្រចំនួន៤ ម្ល៉ោះហើយ របរធ្វើនេសាទផលសមុទ្រ ជាវិស័យមួយក្នុងចំណោមវិស័យសំខាន់ៗក្នុងការអភិវឌ្ឍសេដ្ឋកិច្ចរបស់ខេត្ត។ កម្មវិធី “រួមជាមួយអ្នកនេសាទ បំភ្លឺភ្លើងនៅលើផ្ទៃសមុទ្រ” បានជំរុញទឹកចិត្ត បង្កទំនុកចិត្ត ជួយឱ្យអ្នកនេសាទច្បាមសមុទ្រ ធ្វើសេដ្ឋកិច្ច; ផ្សព្វផ្សាយដល់អ្នកនេសាទនិងសហគមន៍ទាំងមូលអំពីទឹកចិត្តស្នេហាជាតិ ស្រឡាញ់សមុទ្រ កោះ។ បំផុសមនោសញ្ចេតនានិងស្មារតីទទួលខុសត្រូវ ការពារអធិបតេយ្យ សមុទ្រ កោះរបស់មាតុភូមិ។ ទន្ទឹមនឹងនោះ រួមចំណែកលើកកម្ពស់ការយល់ដឹងរបស់អ្នកនេសាទអំពីការការពារបរិស្ថាន អភិវឌ្ឍប្រកបដោយចីរភាពប្រភពផលពីសមុទ្រ និងលើកកម្ពស់ជីវភាពរបស់អ្នកនេសាទ។

កម្មវិធីនេះ ក៏បានជូនអាហារូបករណ៍៣០ចំណែកដល់កូនចៅអ្នកនេសាទដែលមានស្ថានភាពលំបាក ឆ្លងកាត់លំបាករៀនពូកែរបស់ខេត្ត។ អាហារូបករណ៍មួយចំណែកៗតម្លៃ២លានដុង និងសិក្ខូបករណ៍ កាបូបស្ពាយសិស្ស។ល។ ជូនអំណោយ២០០ចំណែក (មួយចំណែកៗតម្លៃ ជាង៤លានដុង) ដល់អ្នកនេសាទ អំណោយមួយចំណែកៗ រួមមាន៖ អាគុយ១ + អំពូលភ្លើង LED សៀវភៅ”ប្រការគប្បីដឹងអំពីការធ្វើនេសាទផលសមុទ្រ” ១ក្បាល ថ្នាំមួយថង់ ថ្មពិលម៉ាកឥន្ទ្រីមួយប្រអប់ និងគ្រឿងបរិភោគ មួយចំនួនទៀត។ បងយ័ញតង អ្នកនេសាទនៅសង្កាត់ញ៉ាម៉ាក ក្រុងបាកលីវ ឱ្យដឹង៖ “ខ្ញុំទៅតាមកប៉ាល់ធ្វើនេសាទត្រីជាង៤០ឆ្នាំហើយ ហេតុនេះបានយល់ច្រើនពីបទប្បញ្ញត្តិច្បាប់ក្នុងការធ្វើនេសាទនៅសមុទ្រ។ ច្រើនឆ្នាំមកនេះ កប៉ាល់ដែលខ្ញុំទៅធ្វើនេសាទតែងនេសាទត្រឹមត្រូវតាមច្បាប់ ដើម្បីរួមជាមួយនឹងរដ្ឋអំណាច ដោះ “កាតលឿង”។ អ្នកនេសាទ ហ្វិញតែវអែម នៅសង្កាត់ញ៉ាម៉ាក ឱ្យដឹង៖ “គ្រួសារខ្ញុំ មានសមាជិក៤រូប ប៉ុន្តែប្រាក់ចំណូលតែងពឹងលើខ្ញុំម្នាក់ឯងទៅធ្វើនេសាទ។ ខ្ញុំបានទៅតាម កប៉ាល់ធ្វើនេសាទនៅសមុទ្រជិត៣០ឆ្នាំហើយ រកបានប្រាក់ចំណូលសម្រាប់ផ្គត់ផ្គង់ជីវភាពគ្រួសារ និងសង់បានផ្ទះឥដ្ឋមួយខ្នង។ កប៉ាល់ធ្វើនេ សាទនៅលម្ហសមុទ្រតែងគោរពតាមច្បាប់ ម្ល៉ោះហើយ ខ្ញុំនឹងនរចិត្តពេលចេញទៅនេសាទច្បាមសមុទ្រ”។

បាកលីវ ជាខេត្ត ក្រុងទី៦ក្នុងទូទាំងប្រទេស បានរៀបចំនូវកម្មវិធីនេះឡើង ដោយមានសកម្មភាពដ៏មានអត្ថន័យ ជាក់ស្តែងជាច្រើន។ គណៈកម្មការបានជូនអាហារូបករណ៍៩០០ចំណែកដល់កូនចៅអ្នកនេសាទដែលមានស្ថានភាពលំបាកឈានឡើងរៀនពូកែ។ លោកម៉ាយង៉ុកភឿក អគ្គនិពន្ធនាយកកាសែតច្បាប់ក្រុងហូជីមិញ ឱ្យដឹង៖ “តាមការគ្រោងទុកដល់ឆ្នាំ២០២៥ កម្មវិធីនឹងរៀបចំនៅតាមខេត្ត ក្រុងចំនួន២៨ ដែលមានសមុទ្រក្នុងទូទាំងប្រទេស និងមានអ្នកនេសាទ៥៦០០រូប ទទួលបានអំណោយពីកម្មវិធី។ កម្មវិធីនេះសំដៅផ្សព្វផ្សាយ លើកកម្ពស់ការយល់ដឹងក្នុងការគោរពច្បាប់សម្រាប់មាមីងអ្នកនេសាទ ពេលធ្វើនេសាទទាញយកផលនៅលម្ហសមុទ្រ អនុវត្តផែនការសកម្មភាពដោះកាតលឿងរបស់ IUU ដែលនាយករដ្ឋមន្ត្រីនៃរដ្ឋាភិបាល បានប្រកាសឱ្យប្រើ រួមចំណែកអភិវឌ្ឍផ្នែកជលផលរបស់វៀតណាមប្រកបដោយចីរភាពពីមួយថ្ងៃទៅមួយថ្ងៃ”៕

យ្វីអាញ - វិមាន

ចែករំលែកអត្ថបទ

ពាក្យគន្លឹះ