សុខភាព - អប់រំ សុខភាព

17/07/2026 - 21:13

អាងយ៉ាងគិតគូរថែទាំសុខភាពប្រជាជនតំបន់ជនជាតិភាគតិច

អនុវត្តគោលការណ៍របស់បក្ស រដ្ឋ អំពីការបង្កើនការការពារ ថែទាំនិងលើកកម្ពស់សុខភាពប្រជាជន រយៈពេលកន្លង ខេត្តអាងយ៉ាងបានផ្សព្វផ្សាយនូវដំណោះស្រាយជាច្រើនក្នុងការថែទាំសុខភាពជូនប្រជាជន បំផុតគឺនៅតំបន់ជនជាតិភាគតិច។ ចាប់ពីការថែទាំសុខភាពកុមាររហូតដល់អ្នកវ័យចាស់ ភូមិភាគបានធ្វើឱ្យជាក់ច្បាស់ដោយសកម្មភាពជាក់ស្តែងជាច្រើន រួមចំណែកលើកកម្ពស់គុណភាពជីវភាពប្រជាជន។

ដំណាក់សុខាភិបាលឃុំអាងប៊ិញ រក្សាសកម្មភាពចាក់ថ្នាំបង្ការឱ្យកុមារជារៀងរាល់ខែ។

នៅឃុំអាងប៊ិញ ការងារថែទាំសុខភាពកុមារបានផ្សព្វផ្សាយព្រមៗគ្នានិងសម្រេចបានលទ្ធផលវិជ្ជមានជាច្រើន។ ទូទាំងឃុំ បច្ចុប្បន្ន មានកុមារជាង៣.៥០០នាក់ អាយុក្រោម៥ឆ្នាំ ក្នុងនោះ មានជាង ៩២% កុមារបានវាស់ថ្លឹងតាមកាលកំណត់ តាមរយៈនោះ បានប្រទះឃើញទាន់ពេលនិងធ្វើអន្តរគមន៍បណ្តាករណីខ្វះអាហារូបត្ថម្ភ។ កម្មវិធីចាក់ថ្នាំបង្ការបើកទូលាយបានអនុវត្តជារៀងរាល់ខែ រួមចំណែកបង្ការជំងឺឆ្លងដ៏គ្រោះថ្នាក់មានប្រសិទ្ធភាព។ ប្រការគួរឱ្យចាប់អារម្មណ៍ គឺយុទ្ធនាការផឹកវីតាមីនA លើកទី១សម្រាប់កុមារអាយុពី៦ដល់៣៥ខែ សម្រេចអត្រាខ្ពស់បង្គួរ រួមចំណែកបង្ការទប់ស្កាត់ការខ្វះសារធាតុចិញ្ចឹមនិងលើកកម្ពស់សុខភាពដល់កុមារ។

លោកត្រឹងថាញទុង នាយកដំណាក់សុខាភិបាលឃុំអាងប៊ិញ ឱ្យដឹង៖ "ភូមិភាគតែងកំណត់ច្បាស់ការងារថែទាំសុខភាពកុមារ ជាភារកិច្ចសំខាន់។ ផ្នែកសុខាភិបាលឃុំបន្តជំរុញការផ្សព្វផ្សាយ ចលនាប្រជាជន នាំកុមារទៅចាក់វ៉ាក់ស៊ាំងគ្រប់ដូស រួមចំណែកការពារសុខភាពកុមារតាំងពីអាយុដំបូង"។

ប្រជាជនមកពិនិត្យសុខភាពនៅដំណាក់សុខាភិបាលណូយតូ ឃុំទ្រីតូង។

មិនត្រឹមតែផ្តោតការយកចិត្តទុកដាក់ ថែទាំសុខភាពកុមារប៉ុណ្ណោះទេ ការងារថែទាំសុខភាពអ្នកវ័យចាស់នៅឃុំទ្រីតូងក៏បានយកចិត្តទុកដាក់ផ្សព្វផ្សាយព្រមៗគ្នា។ ដំណាក់សុខាភិបាលឃុំបានសហការជាមួយសមាគមអ្នកវ័យចាស់ ចាត់តាំងពិនិត្យសុខភាពតាមកាលកំណត់ដល់អ្នកដែលមានអាយុចាប់ពី៦០ឆ្នាំឡើងទៅប្រមាណ ៣០០នាក់ នៅទីតាំងដំណាក់សុខាភិបាលឃុំណុយតូ។ ខ្លឹមសារពិនិត្យរួមមាន៖ ការពិនិត្យជំងឺទូទៅ ពិគ្រោះយោបល់ពីការថែទាំសុខភាព និងពិនិត្យរកជំងឺច្រើនជួបប្រទះលើអ្នកវ័យចាស់៖ ជំងឺសរសៃឈាមបេះដូង សម្ពាធឈាមខ្ពស់ ទឹកនោមផ្អែម ផ្លូវដង្ហើម សន្លាក់ឆ្អឹង វិបត្តិផ្លូវរំលាយអាហារ ជំងឺភ្នែក ត្រចៀក ច្រមុះ បំពង់កនិងជំងឺរ៉ាំរ៉ៃផ្សេងៗមួយចំនួនទៀត។ តាមរយៈការពិនិត្យសុខភាព មានជំងឺជាច្រើនឆាប់បានប្រទះឃើញ គ្រប់គ្រងនិងព្យាបាលទាន់ពេល រួមចំណែកលើកកម្ពស់គុណភាពជីវភាពប្រជាជន។ ទន្ទឹមនឹងនោះ កងជួរសហការីសុខាភិបាលបានពង្រីកល្អនូវតួនាទីក្នុងការងារឧបត្ថម្ភ ណែនាំ រួមចំណែកធានាសកម្មភាពពិនិត្យព្យាលជំងឺប្រព្រឹត្តិទៅដោយរលូន មានប្រសិទ្ធភាព។

លោកចៅវ៉ាំងនី អ្នកមានប្រិយភាពនៅឃុំទ្រីតូង ចែករំលែក៖"មាមីងសប្បាយចិត្តខ្លាំងណាស់ ពេលបានភូមិភាគយកចិត្តទុដាក់ ចាត់តាំងការពិនិត្យសុខភាពតាមកាលកំណត់។ ប្រជាជនជាច្រើន ពីមុនតិចមានលក្ខណៈបានទៅពិនិត្យសុខភាព ឥឡូវនេះ បានកងជួរគ្រូពេទ្យ វេជ្ជបណ្ឌិតមកដល់កន្លែងពិនិត្យនិងពិគ្រោះយោបល់ ដូច្នេះ មាមីងស្ងប់ចិត្តណាស់"។

ជាពិសេសក្នុងឆ្នាំ២០២៦នេះ គណៈកម្មាធិការប្រជាជនខេត្តអាងយ៉ាង បានចេញផែនការលេខ ២៧៩/KH-UBND ចុះថ្ងៃទី៣១ ខែឧសភា ឆ្នាំ២០២៦ អំពីការចាត់តាំងពិនិត្យសុខភាពតាមកាលកំណត់ឬពិនិត្យរកជំងឺដោយឥតគិតថ្លៃជូនប្រជាជន ខិតខំឱ្យប្រជាជនគ្រប់រូបបានពិនិត្យសុខភាពតាមកាលកំណត់យ៉ាងតិចបំផុតម្តងក្នុងមួយឆ្នាំ។ នេះជាគោលការណ៍មានអត្ថន័យដ៏សំខាន់ រួមចំណែកលើកកម្ពស់គុណភាពថែទាំសុខភាពទូទាំងប្រជាជន។

លទ្ធផលដែលសម្រេចបានទាំងនេះ បានបញ្ជាក់ពីការយកចិត្តទុកដាក់របស់ថ្នាក់ដឹកនាំ និងកិច្ចចង្អុលការដិតដល់ពីគណៈកម្មាធិការបក្ស រដ្ឋអំណាចភូមិភាគគ្រប់លំដាប់ថ្នាក់ក្នុងការការពារ ថែទាំសុខភាពប្រជាជន ពិសសនៅតំបន់ជនជាតិភាគតិច។ តាមរយៈនោះ ជាជំហានៗលើកកម្ពស់គុណភាពចំនួនប្រជាជន កសាងសហគមន៍មានសុខភាពមាំមួន បង្កជាមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ច-សង្គម ដោយចីរភាពរបស់ខេត្តអាងយ៉ាងនាពេលខាងមុខ៕

ហុងទើ-មុនី

ចែករំលែកអត្ថបទ

ពាក្យគន្លឹះ