សុខភាព - អប់រំ អប់រំ

15/01/2026 - 22:32

ចំណេះដឹងដើម្បីយុវវ័យមានទំនុកចិត្តក្នុងការធ្វើសមាហរណកម្ម

ក្នុងដំណើរការធ្វើសមាហរណកម្មអន្តរជាតិ មជ្ឈដ្ឋានយុវវ័យមានឱកាសបានបង្ខិតជិតខឿនវប្បធម៌ប្លែកៗជាច្រើន។ ទន្ទឹមនឹងតម្លៃវប្បធម៌វិជ្ជមាន ក៏មានយុវជនមួយចំនួនមាននិន្នាការ “និយមបរទេស” និង “ព្រងើយកន្តើយ” ចំពោះតម្លៃប្រវត្តិសាស្ត្រ វប្បធម៌ប្រពៃណីរបស់ប្រជាជាតិ។ ផ្តើមពីស្ថានភាពដូចពោលខាងលើ អង្គការសមាគមសម្ព័ន្ធយុវជនគ្រប់ថ្នាក់នៃទីក្រុងកឹងធើ បានផ្សព្វផ្សាយបង្កើនការអប់រំប្រពៃណីប្រវត្តិសាស្ត្រ វប្បធម៌ ទុកជាចំណេះដឹងដើម្បីយុវវ័យមានទំនុកចិត្តក្នុងការធ្វើសមាហរណកម្ម។

សិស្សានុសិស្សគូរគំនូរអំពីកេរដំណែលប្រវត្តិសាស្ត្រ វប្បធម៌របស់ទីក្រុងក្នុងក្របខ័ណ្ឌ "ដំណើរស្វែងយល់បេតិកភ័ណ្ឌតាមរយៈសិល្បៈ Collage Art" ចាត់តាំងដោយសម្ព័ន្ធយុវជនសង្កាត់និញកេវនិងសម្ព័ន្ធយុវជនអនុវិទ្យាល័យត្រឹងហឹងដាវ សហការជាមួយសារមន្ទីរទីក្រុងកឹងធើ និងប្រព័ន្ធបណ្តុះបណ្តាលវិចិត្រសិល្បៈពហុមធ្យោបាយ FPT Arena Multimedia។

ការប្រជុំជីវភាពលើកនេះ ក្រោមប្រធានបទ "លោកយាយលោកតានិទានរឿងចៅស្តាប់" បានសម្ព័ន្ធយុវជនក្រុងនិងសមាគមមិត្តរួមកងទីក្រុងកឹងធើ ផ្សព្វផ្សាយអនុវត្តចាប់ពីចុងខែតុលា ឆ្នាំ២០២៥ រហូតដល់ចុងខែធ្នូ ឆ្នាំ២០២៥ ទាក់ទាញ ៧៤៧ សហកងមកពីសាលាបឋមសិក្សា អនុវិទ្យាល័យលើភូមិឋានទីក្រុង។ សហកងនានាក៏បានផ្សព្វផ្សាយក្នុងកម្មវិធីលើកនេះ ដោយមានខ្លឹមសារនិងទម្រង់រូបភាពសម្បូរបែប ដូចជា៖ សន្ទនាជាមួយសាក្សីប្រវត្តិសាស្ត្រ បញ្ចាំងភាពយន្តឯកសារ មហោស្រពសិល្បៈនិងចាត់តាំងឱ្យសិស្សទៅសួរសុខទុក្ខវីរមាតាវៀតណាម អតីតយុទ្ធជន អតីតយុវជនស្ម័គ្រចិត្ត...។

តាមប្រសាសន៍លោក ត្រឹងវៀតត្វឹង អនុលេខាសម្ព័ន្ធយុវជនទីក្រុងកឹងធើ ការប្រជុំជីវភាពលើកនេះ រួមចំណែកអប់រំដល់សិស្សអំពីប្រវេណីស្នេហាជាតិ មោទនភាពជាតិនិងការដឹងគុណដ៏ធំធេងចំពោះបុព្វការីជន។ ទន្ទឹមនឹងនោះ បង្កលក្ខណៈដើម្បីឱ្យសិស្សបានស្វែងយល់និងស្តាប់នូវរឿងរ៉ាវប្រវត្តិសាស្ត្រ ផ្តើមពីនោះ ពូនជ្រំសេចក្តីស្រឡាញ់មាតុភូមិ លើកកម្ពស់ស្មារតីទទួលខុសត្រូវចំពោះសង្គម។

នៅសាលាអនុវិទ្យាល័យនិងវិទ្យាល័យត្រឹងង៉ុកហ្វាំង ឃុំថើយហឹង សហកងរបស់សាលាសហការជាមួយសមាគមអតីតយុទ្ធជនឃុំ ចាត់តាំងកិច្ចសន្ទនាក្រោមប្រធានបទ "លោកយាយលោកតានិទានរឿងចៅស្តាប់ - ស្នងបន្តប្រវេណី បោះជំហានរឹងមាំឆ្ពោះទៅអនាគត"។ មានសិស្សានុសិស្សជាង ១០០ នាក់ បានជួបសន្ទនាជាមួយសាក្សីប្រវត្តិ សាស្ត្រដែលធ្លាប់បានចូលរួមដោយផ្ទាល់ក្នុងយុទ្ធនាការហូជីមិញ ឆ្នាំ១៩៧៥ និងកម្មា ភិបាល យុទ្ធជននៅគណៈបញ្ជាការការពារតំបន់១ - ថើយឡាយ។ ឆ្លងតាមរយៈរឿងរ៉ាវនៃសាក្សីប្រវត្តិសាស្ត្រទាំងនេះ ជួយឱ្យប្អូនៗកាន់តែយល់ច្បាស់ពីតម្លៃសន្តិភាព ផ្តើមពីនោះ ខិតខំរៀនសូត្រ លត់ដំ ដើម្បីក្លាយជាពលរដ្ឋមានប្រយោជន៍។

សហកងសាលាអនុវិទ្យាល័យនិងវិទ្យាល័យត្រឹងង៉ុកហ្វាំង នៅទាំងសហការជាមួយក្រុមមុខវិជ្ជា ផ្សព្វផ្សាយអប់រំពីប្រពៃណីវប្បធម៌ក្នុងសកម្មភាពក្រៅម៉ោងសិក្សា។ លេចធ្លោបំផុត គឺការតាំងបង្ហាញផលិតផលរៀនសូត្រ ក្រោមប្រធានបទ "តន្ត្រីក្នុងទម្រង់សិល្បៈប្រពៃណីនៅកឹងធើ" ចាត់តាំងពិធីប្រឡង "រាត្រីចន្ទពេញវង់ថ្ងៃអកអំបុក - ភ្ជាប់សេចក្តីស្រឡាញ់" ស្វែងយល់ពីវប្បធម៌របស់ជនរួមជាតិខ្មែរ។

សហកងសាលាអនុវិទ្យាល័យត្រឹងហឹងដាវ សង្កាត់និញកេវផ្សព្វផ្សាយកេរដំណែលប្រវត្តិសាស្ត្រ-វប្បធម៌តាមរយៈទម្រង់សិក្សានៅសារមន្ទីរ ឬក៏សហការជាមួយអាជីវកម្មរៀបចំដំណើរស្វែងយល់បេតិកភ័ណ្ឌតាមរយៈសិល្បៈ Collage Art (សិល្បៈគំនូរបិទភ្ជាប់ក្រដាស) គូរគំនូរពីកេរដំណែលប្រវត្តិសាស្ត្រ-វប្បធម៌និងភូមិសាស្ត្រល្បីឈ្មោះរបស់ទីក្រុង។

ក្រៅពីនោះ អង្គការសមាគមសម្ព័ន្ធយុវជនគ្រប់លំដាប់ថ្នាក់នៃទីក្រុងកឹងធើ ក៏ បានផ្សព្វផ្សាយនូវទម្រង់អប់រំជាច្រើនអំពីប្រពៃណីប្រវត្តិសាស្ត្រ វប្បធម៌ ដល់សិស្សា នុសិស្ស មានដូច៖ "ដំណើរសិស្ស និស្សិត ឆ្ពោះទៅអាសយដ្ឋានក្រហម" "ទិវាកុមារសប្បាយរីករាយសុខភាពល្អ - ឈានឡើងសម្ព័ន្ធយុវជន" "ប្អូនស្រឡាញ់ប្រវត្តិសាស្ត្រវៀតណាម" "សមោសរឃោសនាពន្លកថ្មី"។ល។ តាមរយៈសកម្មភាពទាំងនេះ ជួយ យុវវ័យយល់ច្បាស់ពីដើមកំណើត បំផុសស្មារតីមោទនភាពជាតិ។

តាមប្រសាសន៍ លោក ស៊ើងភុកង្វៀង លេខាសម្ព័ន្ធយុវជនសាលាវិទ្យាល័យជនជាតិអន្តេវាសិកហ្វិញកឿង សម្ព័ន្ធយុវជនសាលាបានបង្កើតក្លឹបជាច្រើន ដូចជា៖ សិល្បៈ កីឡា វប្បធម៌ជនជាតិ ស្រឡាញ់មុខវិជ្ជាសិក្សា ឧបករណ៍ភ្លេងប្រពៃណី។ រៀងរាល់ឆ្នាំ សម្ព័ន្ធយុវជនសាលាតែងចាត់តាំងសមយុទ្ធកីឡាប្រពៃណី មហោស្រពសិល្បៈ ពិធី បោះជំរំប្រពៃណី ជួយឱ្យសិស្សមានទីលានលេងកម្សាន្តដ៏មានប្រយោជន៍ ពង្រីកទេពកោសល្យនិងលត់ដំសុខភាព ដោយបញ្ចូលល្បែងប្រជាប្រិយ របាំប្រជាប្រិយ ដើម្បីសិស្សបានលេងកម្សាន្តផង និងអភិរក្សអត្តសញ្ញាណវប្បធម៌ បញ្ជាក់ពីមោទនភាពជាតិ។ ទន្ទឹមនឹងនោះ តែងចាត់តាំងសកម្មភាពផ្សារភ្ជាប់នឹងពិធីបុណ្យប្រពៃណីដ៍ផូរផង់របស់ជនរួមជាតិខ្មែរ បង្កើនការអប់រំបំណិនផ្នែកទន់ ដើម្បីសិស្សមានទំនុកចិត្តក្នុងការធ្វើសមាហរណកម្ម។

សម្ព័ន្ធយុវជនគ្រប់ថ្នាក់ ម្ចាស់ការផ្លាស់ថ្មី ផ្គួបបញ្ចូលការផ្សព្វផ្សាយពីវប្បធម៌ជនជាតិនិងវប្បធម៌របស់ជាតិសាសន៍នានាលើពិភពលោក បំផុតគឺសហគមន៍ (ASEAN) ដល់សិស្ស និស្សិត។ សមាគមនិស្សិតទីក្រុងបានចុះហត្ថលេខាលើកម្មវិធីសហការជាមួយសមាគមយុវជននិស្សិតវៀតណាមនៅប្រទេសបារាំង ដើម្បីបង្កើនការទំនាក់ទំនងនិងភ្ជាប់ព័ត៌មានអំពីឱកាសសិក្សា វប្បធម៌នៅប្រទេសនោះដល់សិស្ស និស្សិតទីក្រុង។ ជារៀងរាល់ឆ្នាំ សមាគមនិស្សិតទីក្រុងកឹងធើសហការជាមួយសមាគមនិស្សិតវៀតណាមនៅប្រទេសហុងហ្គារីនិងហូឡង់ ដើម្បីរៀបចំវេទិកាពិគ្រោះយោបល់ការសិក្សានៅបរទេសនិងសកម្មភាពផ្លាស់ប្តូរវប្បធម៌...។

យុវវ័យនៅតាមសាលាមហាវិទ្យាល័យ អនុមហាវិទ្យាស័យ ក៏បានផ្គួបបញ្ចូលការផ្សព្វផ្សាយពីសហគមន៍ ASEAN ស្ថានភាពព័ត៌មានជាតិនិងអន្តរជាតិ សមិទ្ធផលនៃការអភិវឌ្ឍប្រទេសជាតិ ជាពិសេសគឺការងារកិច្ចការបរទេស។ តាមរយៈនោះ បង្កើតបានមូលដ្ឋានគ្រឹះនៃចំណេះដឹងនិងជំនាញដ៏រឹងមាំ ផ្តល់ជាចំណេះដឹងមានប្រយោជន៍ ដើម្បីសិស្ស និស្សិតមានទំនុកចិត្តក្នុងការធ្វើសមាហរណកម្មអន្តរជាតិ៕

យោង៖ baocantho.com.vn- មុនី

ចែករំលែកអត្ថបទ

ពាក្យគន្លឹះ