សន្តិសុខ - ការពារប្រទេស ការពារប្រទេស

16/12/2024 - 09:18

កសាងសង្កាត់រឹងមាំ

ជាច្រើនឆ្នាំបន្តបន្ទាប់ សង្កាត់ទី៩ ក្រុងត្រាវិញ ខេត្តត្រាវិញ សម្រេចបានស្នាដៃរឹងមាំអំពីការពារជាតិ សន្តិសុខ និងស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមមានភាពលំនឹង។

គណៈបញ្ជាការយោធាសង្កាត់ទី ៩ កំពុងហ្វឹកហ្វឺនដល់កងប្រជាស្វ័យត្រាណត្រៀមប្រយុទ្ធ។

លោកលីកុងថាញ់ មេបញ្ជាការគណៈបញ្ជាការយោធាសង្កាត់ទី ៩ ឱ្យដឹង៖ “ដើម្បីកសាងសង្កាត់រឹងមាំអំពីការពារជាតិ សន្តិសុខ គណៈបញ្ជាការយោធារួមនឹងគណៈកម្មាធិការបក្ស គណៈកម្មាធិការប្រជាជនសង្កាត់ទី៩ រៀបចំបញ្ជ្រាបអនុវត្តសេចក្ដីសម្រេចចិត្ត បទបញ្ជាផែនការរបស់ថ្នាក់លើអំពីការងារយោធា ការពារជាតិនៅមូលដ្ឋាន ច្បាប់អប់រំការពារជាតិ សន្តិសុខ អនុក្រឹត្យរបស់រដ្ឋាភិបាល ឯកសារទាក់ទងនឹងការងារអប់រំការពារជាតិ សន្តិសុខ ផែនការរបស់ថ្នាក់លើដល់សាខាបក្ស ១០០%; រៀបចំអនុវត្តល្អនូវការងារយោធាការពារជាតិនៅមូលដ្ឋាន ធានាសម្រេចនូវភាគកម្រិតនៃសេចក្ដីសម្រេចចិត្តដែលបានដាក់ចេញ”។

កម្លាំងសម្ព័ន្ធយុវជន យុវជនកងប្រជាស្វ័យត្រាណ និងប្រជាជនសង្កាត់ទី ៩
កំពុងធ្វើរបាំងការពារបាក់ដីនៅតាមមាត់ព្រែក។

នៅឆ្នាំ២០២៤ គណៈបញ្ជាការយោធាសង្កាត់ រៀបចំត្រួតពិនិត្យនិងសហការដើរល្បាតយាម បាន ៣១០ លើក ដោយមានសមមិត្តចូលរួម១.៤៩៨នាក់ រួមចំណែករក្សាលំនឹងសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅលើភូមិសាស្រ្តសង្កាត់; រៀបចំហ្វឹកហ្វឺនគម្រោងត្រៀមប្រយុទ្ធរបស់អង្គភាពបានល្អ។ កសាងគ្រប់ជ្រុងជ្រោយផែនការត្រៀមប្រយុទ្ធការពារ ថ្ងៃបុណ្យទានព្រឹត្តិការណ៍នយោបាយសំខាន់ៗរបស់ប្រទេសជាតិនិងមូលដ្ឋាន; បន្តរក្សាកងសេនាជនចល័តចំនួន ៣ នាក់ប្រចាំការប្ដូរវេននៅ គណៈបញ្ជាការយោធាសង្កាត់តាមបទប្បញ្ញត្តិ។ បញ្ជូនកម្មាភិបាល៣នាក់ យុទ្ធជនកងសេនាជន ១៣២ លើកនាក់ទៅហ្វឹកហ្វឺន លទ្ធផលសម្រេច ១០០% តាមសំណូមពរ ក្នុងនោះជាង ៧៥% មានចំណាត់ថ្នាក់ល្អពូកែ។ លោកសើុងសារ៉េត កងប្រជាស្វ័យត្រាណនៃគណៈបញ្ជាការយោធា សង្កាត់៩ ឱ្យដឹង៖ “ខ្ញុំចូលរួមនឹងផ្នែកសមត្ថកិច្ច រដ្ឋអំណាចមូលដ្ឋានជារឿយៗ ដើម្បីផ្សព្វផ្សាយដល់ប្រជាជនអំពីគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ។ ឃោសនាអំពីការពារជាតិ សន្តិសុខសណ្តាប់ធ្នាប់ ដើម្បីជួយប្រជាជនយល់ដឹងកុំឱ្យមានការបំពានច្បាប់”។

លោកលីកុងថាញ់ ឱ្យដឹងបន្ថែម គណៈបញ្ជាការយោធាសង្កាត់ នឹងបន្តសហការដើរល្បាតដើម្បីការពារសន្តិសុខនយោបាយ-សណ្តាប់ធ្នាប់ សុវត្ថិភាពសង្គម និងអនុវត្តការងារយោធា និងការពារជាតិនៅមូលដ្ឋានឱ្យបានល្អ រួមចំណែកដល់ការអភិវឌ្ឍសេដ្ឋកិច្ច-សង្គមនៅមូលដ្ឋាន៕

សើុងម៉ាល័យ-ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ