សុខភាព - អប់រំ អប់រំ

19/12/2022 - 15:16

មោទនភាពពេលសាលាសម្រេចបទដ្ឋានជាតិ

ដោយការយកចិត្តទុកដាក់របស់រដ្ឋអំណាចមូលដ្ឋាន និងការចង្អុលការបានទាន់ពេលរបស់ផ្នែកអប់រំ ទើបអនុវិទ្យាល័យលឿងហ្វា ស្រុកចូវថាញ់ ខេត្តត្រាវិញ បានទទួលស្គាល់សម្រេចបទដ្ឋានជាតិ។

លោកគ្រូឡេកិញល្វឹង កំពុងបង្រៀនសិស្សថ្នាក់ទី ៦ លើមុខវិជ្ជាអប់រំពលរដ្ឋ។

លោកគ្រូឡេកិញល្វឹង នាយកអនុវិទ្យាល័យលឿងហ្វា ឱ្យដឹង៖ “កាលពីមុន សាលាខ្វះបន្ទប់រៀន បន្ទប់មុខងារ។ល។ ក្រោយពីទទួលបានការវិនិយោគរបស់គ្រប់ថ្នាក់ គ្រប់ផ្នែក តាមផែនការកសាងសាលាសម្រេចបទដ្ឋានជាតិ មូលដ្ឋានសម្ភារៈ បន្ទប់រៀនរបស់សាលាកាន់តែមានភាពល្អប្រសើរ ទើបសាលាបានទទួលស្គាល់សម្រេចបទដ្ឋានជាតិ”។

អនុវិទ្យាល័យលឿងហ្វា មានផ្ទៃដីសរុប ៧.៨០០ម២។ មានបន្ទប់រៀនចំនួន ២២ និងបន្ទប់មុខងារចំនួន ១០។ សាលាមានក្រុមជំនាញលើមុខវិជ្ជាចំនួន ៧ រួមមាន៖ ក្រុមគណិតវិទ្យា-ព័ត៌មានវិទ្យា; អក្សរសាស្ត្រ; រូបវិទ្យា; គីមីវិទ្យា-ជីវវិទ្យា; ប្រវត្តិវិទ្យា-ភូមិវិទ្យា; ភាសាអង់គ្លេស; លំហាត់ប្រាណ។ សាលាមានកម្មាភិបាល បុគ្គលិកមានកម្រិតវិជ្ជាសម្រេចបទដ្ឋាននិងសម្រេចលើសបទដ្ឋាន ៥៩ នាក់បម្រើការងារ។ ឆ្នាំសិក្សា ២០២២-២០២៣ សាលាមានសិស្សរៀន ២២ បន្ទប់ ដោយមានចំនួនសិស្សរួមទាំងអស់ ៧៩៧ នាក់ ក្នុងនោះសិស្សជនជាតិខ្មែរស្រូបអត្រា ៧០%។ លោកគ្រូត្រឹងឌិញហ្វី ប្រធានក្រុមមុខវិជ្ជារូបវិទ្យា ឱ្យដឹង៖ “ពេលខ្ញុំទើបមកបម្រើការងារនៅសាលា គឺសាលាមានការលំបាកខ្លាំងអំពីមូលដ្ឋានសម្ភារៈ។ ប៉ុន្មានឆ្នាំមកនេះ សាលាត្រូវបានវិនិយោគ ជួសជុលនិងកសាងថ្មីយ៉ាងធំទូលាយ និងបំពាក់គ្រឿងបរិក្ខារគ្រប់គ្រាន់។ បច្ចុប្បន្ន សាលាត្រូវបានទទួលស្គាល់សម្រេចបទដ្ឋានជាតិ នោះហើយជាមោទនភាពរបស់ក្រុមគ្រូបង្រៀនសាលា”។

មិនត្រឹមតែធានាបាននូវមូលដ្ឋានសម្ភារៈប៉ុណ្ណោះទេ អនុវិទ្យាល័យលឿងហ្វា នៅទាំងបានចាត់ទុកជាកន្លែងផ្ញើក្តីជំនឿទុកចិត្តរបស់អាណាព្យាបាលសិស្ស។ ដំបូងគឺក្រុមគ្រូបង្រៀនមានកម្រិតវិជ្ជាសម្រេចបទដ្ឋាននិងសម្រេចលើសបទដ្ឋាន។ រៀងរាល់ឆ្នាំ សាលាបានបង្កើតលក្ខន្តិកៈសហការជាមួយអាណាព្យាបាលសិស្ស និងគណៈ ផ្នែកនានារបស់ឃុំលឿងហ្វា ដើម្បីក្ដោបក្ដាប់និងផ្តល់ព័ត៌មានទៅវិញទៅមក សំដៅអប់រំដល់ប្អូនៗបានទាន់ពេល។ លើសពីនេះ តាមរយៈកិច្ចប្រជុំតំណាងអាណាព្យាបាលសិស្ស គណៈផ្នែកនានារបស់ឃុំ ការប្រជុំជីវកិច្ចដើមសប្តាហ៍ តាមរយៈសៀវភៅទំនាក់ទំនង ឬទំនាក់ទំនងផ្ទាល់។ល។ សាលាបង្កើតបានបរិយាកាសអប់រំវិជ្ជមាន បង្ការលុបបំបាត់បាតុភូតអវិជ្ជមាន ប្រព្រឹត្តល្មើសច្បាប់ និងបាបគ្រោះសង្គមជ្រៀតចូលសាលារៀន។

លោកគ្រូឡេកិញល្វឹង ឱ្យដឹង៖ “ពង្រីកនូវសមិទ្ធផលដែលសម្រេចបានក្នុងដំណើរការកសាងសាលាសម្រេចបទដ្ឋានជាតិ យើងខ្ញុំនឹងបន្តដឹកនាំក្រុមជំនាញមុខវិជ្ជារបស់សាលា ដំណើរការកាន់តែមានប្រសិទ្ធភាព និងកាន់តែស៊ីជម្រៅថែមទៀត។ សាខាបក្សរបស់សាលា ដើរតួនាទីស្នូលនៅរាល់សកម្មភាពរបស់សាលា ក៏ដូចជាពង្រឹងការងារសង្គមភាវូបនីយកម្មអប់រំ ដើម្បីរួមនឹងសាលាលើកកម្ពស់គុណភាពបង្រៀននិងរៀន៕

សឺនម៉ាល័យ-ទីទុយ

ចែករំលែកអត្ថបទ

ពាក្យគន្លឹះ