សន្តិសុខ - ការពារប្រទេស សន្តិសុខ

26/01/2021 - 10:37

កងកម្លាំងយោធាឃុំអាងត្រឿង ចូលរួមរក្សាសន្តិសុខសណ្តាប់ធ្នាប់

គណៈបញ្ជាការយោធាឃុំអាងត្រឿង ស្រុកកាងឡុង ខេត្តត្រាវិញ តែងសហការជិតដិតជាមួយកងកម្លាំងសមត្ថកិច្ច ពិសេសគឺនគរបាលឃុំ ក្នុងការអនុវត្តភារកិច្ចធានាសន្តិសុខសណ្តាប់ធ្នាប់ ធ្វើជាស្នូលក្នុងចលនាទូទាំងប្រជាជនការពារសន្តិសុខមាតុភូមិនៅមូលដ្ឋាន។

កម្មាភិបាល យុទ្ធជននៃគណៈបញ្ជាការយោធាឃុំអាងត្រឿង ស្វែងយល់ពីប្រវត្តិសាស្រ្តឃុំវីរភាពអាងត្រឿងនៅអគារប្រពៃណីស្រុកកាងឡុង ។

លោកផាមវ៉ាន់មើុយ មេបញ្ជាការគណៈយោធាឃុំអាងត្រឿង ឱ្យដឹង ៖ “ ក្រោមកិច្ចចង្អុលការរបស់គណៈកម្មាធិការបក្ស គណៈកម្មាធិការប្រជាជនឃុំ កិច្ចសហការរវាងគណៈបញ្ជាការយោធា និងនគរបាលឃុំរយៈពេលកន្លងសម្រេចបានលទ្ធផលសំខាន់ៗ ជាច្រើន ដោះស្រាយទាន់ពេលនូវករណីដែលពាក់ព័ន្ធនឹងសន្តិសុខសណ្តាប់ធ្នាប់” ។ គណៈបញ្ជាការយោធានិងនគរបាលឃុំ ថែមទាំងម្ចាស់ការសហការក្តាប់ស្ថានភាព និងទទួលប្រភពព័ត៌មានផ្សេងៗដែលពាក់ព័ន្ធនឹងសន្តិសុខសណ្តាប់ធ្នាប់ ដើម្បីចាត់វិធានការ កំណត់មុខសញ្ញារាយការណ៍ ជូនស្ថាប័នសមត្ថកិច្ច និងម្ចាស់ការសើុបអង្កេតរាល់ប្រភពព័ត៌មានតាមតួនាទីរបស់ខ្លួន សហការដោះស្រាយបញ្ហាសន្តិសុខសណ្តាប់ធ្នាប់កើតឡើងលើភូមិសាស្រ្ត បង្កើនកិច្ចការងារធានាសណ្តាប់ធ្នាប់សុវត្ថិភាពសង្គម ពិសេសគឺការងារគ្រប់គ្រងការស្នាក់នៅ គ្រប់គ្រងមុខរបរអាជីវកម្ម ដែលមានលក្ខណៈត្រូវធានាសន្តិសុខសណ្តាប់ធ្នាប់ រក្សាសណ្តាប់ធ្នាប់សុវត្ថិភាពចរាចរណ៍ ។ល។ ពូថាច់ថាញប៊ិញ ស្នាក់នៅភូមិ ៧ A ឱ្យដឹង៖ “ក្នុងឱកាសថ្ងៃបុណ្យធំៗ ឬថ្ងៃបុណ្យចូលឆ្នាំថ្មី យុទ្ធជនកងប្រជាស្វ័យត្រាណឃុំតែងចូលរួមរក្សាសន្តិសុខសណ្តាប់ធ្នាប់ ម្ល៉ោះហើយបាបគ្រោះសង្គមត្រូវបានកាត់បន្ថយ ។ ផ្តើមពីនោះ ប្រជាជនសប្បាយរីករាយ ស្ងប់ចិត្តអភិវឌ្ឍផលិតកម្ម ធ្វើមានបាន” ។

អតីតយុទ្ធជនង្វៀងវ៉ាន់អុក ស្នាក់នៅភូមិ ៥ A ឱ្យដឹង៖ “ពង្រីកប្រវេណីឃុំវីរភាព គណៈបញ្ជាការយោធាឃុំ បានអនុវត្តល្អនូវភារកិច្ចនយោបាយ ពិសេសគឺការចូលរួមរក្សាសន្តិសុខសណ្តាប់ធ្នាប់ ។ ប៉ុន្មានឆ្នាំជិតៗនេះ ក្រៅពីការចូលរួមជាមួយនគរបាលឃុំដើរល្បាត ការពារសន្តិសុខសណ្តាប់ធ្នាប់ គណៈបញ្ជាការយោធាឃុំនៅទាំងសហការជាប្រចាំជាមួយអង្គការមហាជននយោបាយសង្គមក្នុងឃុំនិងរដ្ឋអំណាចភូមិភាគ បង្កើនការងារផ្សព្វផ្សាយគោលការណ៍របស់បក្សគោលនយោបាយ និងច្បាប់របស់រដ្ឋដល់ប្រជាជនគ្រប់ជាន់ថ្នាក់ ពិសេសគឺជនរួមជាតិខ្មែរដែលរស់នៅលើភូមិសាស្រ្តស្រុកកាងឡុង” ៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ