សន្តិសុខ - ការពារប្រទេស សន្តិសុខ

18/09/2018 - 10:48

រួមចំណែកការពាររឹងមាំអធិបតេយ្យ សន្តិសុខព្រំដែនសមុទ្រ

ក្រោយរយៈពេល២០ឆ្នាំ អនុវត្តតាមបទបញ្ញត្តិរបស់កងទ័ពការពារព្រំដែន មកទល់បច្ចុប្បន្ន កងទ័ពការពារព្រំដែនខេត្តសុកត្រាំង បានឆ្លងកាត់ដំណាក់កាលកសាង ប្រយុទ្ធនិងវឌ្ឍនាការ។ ទោះបីស្ថិតក្នុងស្ថានភាពណាក៏ដោយ កម្មាភិបាល យុទ្ធជននៃកងទ័ពការពារព្រំដែន តែងជម្នះរាល់ការលំបាក ដើម្បីការពារអធិបតេយ្យ និងដែនដីព្រំដែនជាតិជាកម្លាំងស្នូលក្នុងការរក្សាសន្តិសុខ សណ្តាប់ធ្នាប់នៅតំបន់ព្រំដែនដីគោក និងកោះសមុទ្រ។

កម្មាភិបាល យុទ្ធជននៃប៉ុស្តិ៍ការពារព្រំដែនវិញហាយ ក្រុងវិញចូវ ខេត្តសុកត្រាំង

តែងចុះទៅសួរសុខទុក្ខគ្រួសារមាមីងលើភូមិសាស្រ្តដែលឈរជើង។

ច្រើនឆ្នាំមកនេះ កងទ័ពការពារព្រំដែនខេត្តសុកត្រាំង បានសហការជាមួយនឹងរដ្ឋអំណាចភូមិភាគ ស្ថាប័នសមត្ថកិច្ចនានា អនុវត្តល្អការងារឃោសនា ផ្សព្វផ្សាយអំពីបទបញ្ញត្តិកងទ័ពការពារព្រំដែននិយាយដោយឡែក និងក្រឹត្យច្បាប់និយាយរួម ដល់ប្រជាជន ស្ថាប័ន អង្គភាពនានាលើ ភូមិសាស្រ្តព្រំដែន និងឃុំនានានៅជាប់ព្រំដែនជាតិដោយរូបភាពផ្សេងៗជាច្រើន។ ជាក់ស្តែង៖ កងទ័ពការពារព្រំដែនខេត្តរៀបចំផ្សព្វផ្សាយប្រមូលផ្តុំបាន២១.៤៨៩លើក និងតាមរយៈប្រព័ន្ធឃោសនាបានចំនួន៦.៣៨២ លើកដល់ប្រជាជន អ្នកមានប្រជាប្រិយភាពក្នុងជនជាតិភាគតិច និងអ្នកមុខអ្នកការសាសនាចំនួន៩៩.៦៣៨គ្រួសារ។ល។ ព្រះឧបជ្ឈាយ៍ ថាច់ហូន អនុប្រធានសមាគមសាមគ្គីព្រះសង្ឃស្នេហាជាតិខេត្តសុកត្រាំង និងជាព្រះចៅអធិការវត្តព្រៃជាប់ ឃុំឡាយហ្វា ក្រុងវិញចូវ មានថេរដីកា៖ "ការបោះទ័ពនៅលើភូមិសាស្រ្ត កម្មាភិបាល យុទ្ធជនការពារព្រំដែន បានសហការយ៉ាង ជិតដិតជាមួយនឹងវត្តអារាម កសាងផែនមហាសាមគ្គីទូទាំងប្រជាជាតិ។ ពិសេស ក្នុងឱកាសបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ កងទ័ពការពារព្រំដែន តែងរៀបចំទៅសួរសុខទុក្ខ ប្រគេននិងជូនអំណោយដល់វត្ត គ្រួសារគោលនយោបាយ កម្មាភិបាលឆ្នើមជាជនជាតិភាគតិច គ្រួសារក្រីក្រ។ល។ ចូលរួមការពារសន្តិសុខ សណ្តាប់ធ្នាប់ក្នុងឱកាសបុណ្យទាន ដើម្បីពុទ្ធបរិស័ទខ្មែរទទួលអំណរបុណ្យប្រកប ដោយសុវត្ថិភាពម្ល៉ោះហើយ បង្កបានភាពជឿជាក់អំពីសំណាក់ប្រជាជន"។

ទន្ទឹមនឹងនោះ បញ្ជាការដ្ឋានកងទ័ពការពារព្រំដែនខេត្ត ផ្សព្វផ្សាយអនុវត្តប្រកបដោយប្រសិទ្ធភាពនូវបទបញ្ជាលេខ០១ របស់នាយករដ្ឋមន្រ្តីនៃរដ្ឋាភិបាល ស្តីពី "ចាត់តាំងចលនាទូទាំងប្រជាជនចូលរួមការពារអធិបតេយ្យ សន្តិសុខព្រំដែនជាតិក្នុងសម័យថ្មី" កៀកនឹងស្ថានភាពជាក់ស្តែង របស់ភូមិភាគ។ ជាពិសេស បានធ្វើសេនាធិការជូនភូមិភាគពង្រឹងនិងពង្រីកក្រុមសន្តិសុខប្រជាជនចំនួន១.០៥៣លើក បង្កើតក្រុមស្វ័យគ្រប់គ្រង១៤៥ក្រុម ទូក កប៉ាល់ កំពង់ផែសុវត្ថិភាព បង្កើតក្រុមប្រជាការពារ២២ក្រុម បង្កើតទម្រង់ជួយប្រជាជនលុបបំបាត់ភាពអត់ឃ្លាន កាត់បន្ថយភាពក្រីក្រ ៣៨ទម្រង់ ទទួលផ្ចុងផ្តើមសិស្សានុសិស្សមានស្ថានភាពលំបាកពិសេស៤០នាក់។ល។ លោកភុងថាញ់ម៉ី នៅភូមិម៉-អ ឃុំទ្រុងប៊ិញ ស្រុកត្រឹងដេ ឲ្យដឹង៖ "ពីមុននេះ ខ្ញុំទៅនេសាទឯកឯង មិនចូលរួមក្នុងក្រុម ម្ល៉ោះហើយបានទិន្នផលមិនខ្ពស់។ ឆ្នាំ២០០៥ បានបងប្អូនការពារព្រំដែនចលនាឲ្យខ្ញុំចូលរួមក្នុងក្រុមនេសាទជលផល ទូកកប៉ាល់ កំពង់ផែសុវត្ថិភាពរបស់ស្រុក។ ចាប់តាំង ពីនោះមក ឃើញថាការធ្វើនេសាទរបស់ខ្ញុំមានភាពងាយស្រួលជាង ជាពិសេស គឺបងប្អូនតែងសាមគ្គី ជួយគ្នានៅពេលមានគ្រោះថ្នាក់លើផ្ទៃសមុទ្រ ម្ល៉ោះហើយខ្ញុំនឹងនរចិត្តច្បាមរបរនេសាទ"។

តាមប្រសាសន៍វរៈសេនីយ៍ឯក ង្វៀនសុងហៅ អនុប្រធានបញ្ជាការវិជ្ជាជីវៈកងទ័ពការពារព្រំដែនសុកត្រាំង ការបង្កើតបទបញ្ញត្តិ កងទ័ពការពារព្រំដែន គឺមូលដ្ឋានគតិយុត្តិ ដ៏សំខាន់សម្រាប់កសាងកងទ័ពការពារព្រំដែនរៀបរយ ជាជំហានៗទាន់សម័យសំដៅការពាររឹងមាំអធិបតេយ្យ បូរណភាព ដែនដី សន្តិសុខព្រំដែនជាតិ ការពារសន្តិសុខនយោបាយ រក្សាខ្ជាប់សណ្តាប់ធ្នាប់ សុវត្ថិភាពសង្គមនៅតំបន់ព្រំដែន។ យោងលើមូលដ្ឋានភារកិច្ច៧យ៉ាង ដែលបានកំណត់ច្បាស់ក្នុងសេចក្តីសម្រេចលេខ១១ ត្រូវ បានចែងលំអិតក្នុងបទបញ្ញត្តិ កងទ័ពការពារព្រំដែនសុកត្រាំង បានខិតខំម្ចាស់ការ អនុវត្តប្រកបដោយប្រសិទ្ធភាព ការពាររឹងមាំអធិបតេយ្យសន្តិសុខព្រំដែនប្រទេសជាតិ៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ