សុខភាព - អប់រំ អប់រំ

11/03/2026 - 08:45

ខិតខំកសាងសាលារៀនស្និទ្ធស្នាល សិស្សសកម្ម

ដោយមានបំណងចង់លត់ដំបំណិនជីវិតដល់សិស្សសាលាអន្តេវាសិក ជួយប្អូនៗពង្រីកភាពម្ចាស់ការនិងគំនិតច្នៃប្រតិដ្ឋ។ រយៈពេលកន្លង សាលាជនជាតិអន្តេវាសិកលើភូមិឋានទីក្រុងកឹងធើ បានបង្កើតនិងរក្សាក្លឹបសិល្បៈ កីឡាអប់រំកាយ និងក្លឹប STEM។ រួមចំណែកបង្កបរិស្ថានរៀនសូត្រស្និទ្ធស្នាល សិស្សសកម្ម។

សិស្សអនុវិទ្យាល័យជនជាតិអន្តេវាសិកថាញ់ទ្រី ហាត់សមភ្លេងពិណពាទ្យ។ រូប៖ ថាញវ៉ាង

ដើម្បីបង្កជាសួនកម្សាន្តមានប្រយោជន៍ផង អភិរក្សអត្តសញ្ញាណវប្បធម៌ប្រពៃណីរបស់ជនជាតិដល់ប្អូនៗសិស្សានុសិស្សផង នៅរាត្រីថ្ងៃសុក្ររៀងរាល់សប្តាហ៍ សូរប្រគំភ្លេងពិណពាទ្យនៃអនុវិទ្យាល័យជនជាតិអន្តេវាសិកថាញ់ទ្រី ឮរងំរណ្តំ បង្កជាលក្ខណៈដោយឡែកភាពរំជើបរំជួលនៃបទភ្លេងប្រពៃណី បំពេរអារម្មណ៍ដល់អ្នកស្តាប់ អ្នកគ្រូលីវធីប៊ិតវ៉ឹង ប្រធានផ្នែកសិល្បៈរបស់សាលា ឱ្យដឹង៖ “ក្រៅពីទេពកោសល្យច្រៀងរាំ សាលាឃើញមានប្អូនៗជាច្រើនជក់ចិត្តដិតអារម្មណ៍នឹងភ្លេងពិណពាទ្យរបស់ជនរួមជាតិខ្មែរណាស់។ ដូច្នេះ ប៉ុន្មានឆ្នាំមកនេះ សាលាបានរកគ្រូដើម្បីបង្ហាត់បង្រៀនភ្លេងដល់ប្អូនៗ។ មកទល់ពេលនេះ ប្អូនៗសិស្សានុសិស្សចេះប្រគំស្ទាត់បទភ្លេងជាច្រើននិងបានសម្តែងក្នុងឱកាសពិធីសិល្បៈរបស់សាលាពិធីបុណ្យប្រពៃណីរបស់ជនរួមជាតិខ្មែរ៘ ប្អូនយ័ញធីង៉ុកធ្វី ថ្នាក់ទី ៨A ចែករំលែក៖ “ថ្វីដ្បិត ទើបតែចូលរួមក្លឹបភ្លេងពិណពាទ្យរបស់សាលា ប៉ុន្តែប្អូនរីករាយណាស់នៅពេលបានរួមចំណែកកម្លាំងកាយក្នុងការអភិរក្សនិងពង្រីកនូវតម្លៃសិល្បៈរបស់ជនជាតិ។ ជាទូទៅក្រោយពីម៉ោងចេញរៀននៅពេលយប់ប្អូននិងមិត្តភក្តិ ឆ្លៀតពេល ៣០ នាទីដើម្បីហាត់សម។ បរិយាកាសសកម្មភាព រៀនសូត្រក្នុងអន្តេវាសិកដ្ឋានមានភាពងាយស្រួលដើម្បីប្អូនៗអនុវត្ត។ លោកគ្រូអ្នកគ្រូតែងបង្កលក្ខណៈដើម្បីប្អូនៗរៀនសូត្រ ជួយអប់រំពីសតិអារម្មណ៍និងគំនិតវិជ្ជមានដើម្បីរៀនសូត្របានល្អ”។

ទន្ទឹមនឹងក្លឹបសិល្បៈកីឡា នោះគឺក្លឹប STEM បានអនុវិទ្យាល័យជនជាតិអន្តេវាសិកត្រឹងដេ កសាង ហើយបានសិស្សជាច្រើនចូលចិត្ត។ “ក្លឹប STEM គឺជាកន្លែងប្រមូលផ្តុំសិស្សានុសិស្ស ដែលមានសមត្ថភាពស្វែងយល់ចង់ដឹង មានចំណូលចិត្តអនុវត្តនូវចំណេះដឹងដែលបានរៀនទៅ លើភាពជាក់ស្តែង។ នេះជាសួនកម្សាន្តមានប្រយោជន៍ ទាក់ទាញអារម្មណ៍ភ្ជាប់នឹងម៉ោងរៀន ក្នុងសាលាសំដៅបំប៉នក្តីប្រាថ្នា ចូលចិត្តបណ្ដាវិញ្ញាសាវិទ្យាសាស្ត្របច្ចេកវិទ្យារបស់សិស្ស។ លទ្ធផលសាលាមានសិស្សឈ្នះរង្វាន់ចំនួន ២ ក្នុងការប្រឡងគំនិតច្នៃប្រតិដ្ឋយុវវ័យថ្នាក់ស្រុក ឆ្នាំសិក្សា ២០២៤ - ២០២៥” - លោកគ្រូត្រឹងស៊ុង ចាងហ្វាងអនុវិទ្យាល័យជនជាតិអន្តេវាសិកត្រឹងដេ បានឱ្យដឹងដូច្នេះ។

អាចនិយាយបានថា ខណៈពេលចូលរួមក្លឹប សិស្សមិនត្រឹមតែបានសម្របខ្លួនចូលសួនកម្សាន្ត មានប្រយោជន៍និងវិជ្ជមានប៉ុណ្ណោះទេ ថែមទាំងជួយប្អូនៗលត់ដំសុខភាព ពង្រីកទេពកោសល្យទៀតផង។ ទន្ទឹមនឹងនោះ លត់ដំបំណិន ធ្វើការសមូហភាព កាត់បន្ថយហានិភ័យរងការអូសទាញប្រព្រឹត្តនូវទង្វើអសកម្ម។ សកម្មភាពរបស់ក្លឹបនីមួយៗ រួមចំណែកលើកកម្ពស់គុណភាពអប់រំ អនុវត្តមានប្រសិទ្ធភាពនូវខ្លឹមសារកសាងសាលារៀនស្និទ្ធស្នាលសិស្សសកម្ម៕

ថាញវ៉ាង - លីសៀ

ចែករំលែកអត្ថបទ

ពាក្យគន្លឹះ