សុខភាព - អប់រំ អប់រំ

13/01/2026 - 23:03

កិច្ចពិភាក្សារវាងថ្នាក់ដឹកនាំមន្ទីរអប់រំ និងបណ្តុះបណ្តាលទីក្រុងកឹងធើ ជាមួយនឹងមូលដ្ឋានអប់រំក្រោមឱវាទ

មន្ទីរអប់រំ និងបណ្តុះបណ្តាលទីក្រុងកឹងធើ បានចាត់តាំងកិច្ចប្រជុំពិភាក្សារវាងថ្នាក់ដឹកនាំមន្ទីរ ជាមួយនឹងមូលដ្ឋានអប់រំក្រោមឱវាទ។ លោកស្រី ត្រឹងធីហ្វៀង នាយិកាស្តីទីមន្ទីរអប់រំ និងបណ្តុះបណ្តាលទីក្រុងកឹងធើ រួមជាមួយសមាជិកគណៈនាយក និងតំណាងមូលដ្ឋានអប់រំនានានៅលើភូមិឋានទីក្រុង បានចូលរួមក្នុងកិច្ចប្រជុំនេះ។

លោកស្រី ត្រឹងធីហ្វៀង នាយិកាស្តីទីមន្ទីរអប់រំ និងបណ្តុះបណ្តាលទីក្រុង
ថ្លែងសុន្ទរកថាក្នុងកិច្ចប្រជុំ។

ព្រឹត្តិការណ៍នេះ សំដៅបង្កើតបណ្តាញព័ត៌មាន ឆ្លើយបំភ្លឺបញ្ហាជាប់ជំពាក់ ស្តាប់យោបល់របស់កម្មាភិបាល គ្រូបង្រៀនអំពីបញ្ហាឯកទេស គោលនយោបាយ លក្ខណៈធ្វើការ ឆ្លងតាមរយៈនោះលើកកម្ពស់គុណភាពអប់រំ និងអនុវត្តភារកិច្ចឆ្នាំសិក្សាប្រកបដោយប្រសិទ្ធភាព។

កិច្ចប្រជុំនេះបានកត់សម្គាល់នូវសំណួរយោបល់ និងសំណូមពរជាច្រើនរបស់កម្មាភិបាលគ្រប់គ្រង។ ខ្លឹមសារភាគច្រើនផ្តោតសំខាន់លើការងារឯកទេស ប្រព័ន្ធចាត់តាំង រៀបចំការងារបុគ្គលិក រៀបចំប្រភពធនធាន ការងារជ្រើសរើសបុគ្គលិក របបគោលនយោបាយចំពោះកម្មាភិបាល គ្រូបង្រៀន បុគ្គលិក និងវិនិយោគមូលដ្ឋានសម្ភារៈ វិនិយោគបរិក្ខារ។ ទន្ទឹមនឹងនោះ មជ្ឈមណ្ឌលអប់រំវិជ្ជាជីវៈ - អប់រំជាប្រចាំក៏បានលើកឡើងពីការលំបាកមួយចំនួនអំពីហិរញ្ញវត្ថុ បុគ្គលិកក្នុងដំណើរការរួមបញ្ចូលគ្នាផងដែរ...។

ថ្លែងក្នុងកិច្ចប្រជុំ លោកស្រី ត្រឹងធីហ្វៀង បានកត់សម្គាល់នូវមតិយោបល់ និងសំណូមពររបស់កម្មាភិបាលគ្រប់គ្រង ហើយបានអះអាងថា ថ្នាក់ដឹកនាំមន្ទីរតែងយកចិត្តទុកដាក់ ចែករំលែក រួមដំណើរជាមួយគ្រឹះស្ថានអប់រំក្នុងសកម្មភាព។ ទន្ទឹមនឹងនោះ សំណូមពរអង្គភាពនានាអនុវត្តការទូទាត់ ចែកចាយប្រាក់ចំណូលត្រូវតាមសេចក្តីកំណត់ ធានាសមភាព តម្លាភាព; និងបង្កើនការគ្រប់គ្រងសិស្សថ្នាក់ទី ១២ ពិសេសក្នុងដំណាក់កាលចាត់តាំងសម័យប្រឡងវិទ្យាល័យ។ ថ្នាក់ដឹកនាំមន្ទីរក៏បានបញ្ជាក់ពីការត្រៀមលក្ខណៈជ្រើសរើសគ្រូបង្រៀន បុគ្គលិកឆ្នាំ ២០២៦ តាមគម្រោងមុខតំណែងការងារ ទន្ទឹមនឹងនោះ បង្កើនការគ្រប់គ្រង ប្រើប្រាស់ទ្រព្យសម្បត្តិរដ្ឋត្រូវតាមសេចក្តីកំណត់ រួមចំណែកលំនឹង និងអភិវឌ្ឍផ្នែកអប់រំប្រកបដោយចីរភាព៕

យោង៖baocantho.com.vn

ចែករំលែកអត្ថបទ

ពាក្យគន្លឹះ