សន្តិសុខ - ការពារប្រទេស ការពារប្រទេស

05/02/2024 - 12:51

ធានាសណ្ដាប់ធ្នាប់ សុវត្ថិភាពសង្គមលើភូមិសាស្រ្ត

នគរបាលក្រុងកឹងធើ បានរួមចំណែករក្សាលំនឹងនយោបាយ ធានាសណ្ដាប់ធ្នាប់ សុវត្ថិភាពសង្គម បម្រើភារកិច្ចអភិវឌ្ឍន៍សេដ្ឋកិច្ច-សង្គមរបស់ក្រុងប្រកបដោយប្រសិទ្ធភាព។

មានកម្មាភិបាល យុទ្ធជនជាច្រើនបានស្ងើចសរសើរនិងជូនរង្វាន់ក្នុងឆ្នាំ២០២៣។
រូបថត៖ សហការី

ក្នុងនោះ លេចធ្លោគឺការងារកសាងបក្ស កសាងកងកម្លាំងសាខាបក្ស និងបក្ខភាគមូលដ្ឋានតែងយកចិត្តទុកដាក់ផ្លាស់ថ្មី បង្កើនគុណភាពនិងប្រសិទ្ធភាពនៃការរៀនសូត្រ បញ្រ្ជាបបទបញ្ជាសេចក្ដីសម្រេចចិត្ត ឯកសារចង្អុលការរបស់មជ្ឈិមនិងគណៈកម្មាធិការបក្សក្រុង។ ផ្ដល់ព័ត៌មានទាន់ពេលអំពីស្ថានភាពក្នុងប្រទេស អន្តរជាតិ ព្រឹត្តិការណ៍ ទាក់ទាញការចាប់អារម្មណ៍ពីសាធារណៈជន; រាល់ឧបាយកលនិងវិធីសាស្រ្តសកម្មភាព “ប្រែប្រួលសន្ដិភាព” របស់អានុភាពអមិត្ត; ការងារធានាសន្ដិសុខសណ្ដាប់ធ្នាប់; សកម្មភាពលេចធ្លោផ្សេងៗរបស់នគរបាលក្រុងនិងនគរបាលថ្នាក់មូលដ្ឋាន; គោលការណ៍ធំៗអំពីការងារកសាងកងកម្លាំងនគរបាលប្រជាជន។ ផ្សព្វផ្សាយអនុវត្តម៉ឺងម៉ាត់គម្រោងបន្តការចាត់តាំង និងរៀបចំក្បាលម៉ាស៊ីននគរបាលប្រជាជន តាមទិសដៅសម្រិតសម្រាំង ខ្លាំងពូកែ និងវិធានការរៀបចំក្បាលម៉ាស៊ីនស្ថាប័នសើុបអង្កេតនៃនគរបាលថ្នាក់ស្រុក។ មកទល់បច្ចុប្បន្ន នគរបាលក្រុងបានអនុវត្តសម្រេចការរៀបចំក្បាលម៉ាស៊ីននគរបាលក្រុង កាត់បន្ថយបាន៥អង្គភាពថ្នាក់ការិយាល័យ និង២៧ក្រុមជំនាញឯកទេស បើប្រៀបនឹងមុនពេលអនុវត្តគម្រោង។

នគរបាលក្រុង បានរៀបចំសកម្មភាពចាប់ផ្ដើមកសាងរូបភាពល្អៗពីកងកម្លាំងសម្រាប់ឆ្នាំ២០២៤។ រូបថត៖ សហការី

តាមប្រសាសន៍វរសេនីយ៍ឯកបម្រុង វ៉ធីហុងតៀង សមាជិកគណៈប្រតិបត្តិការបក្ខភាគនគរបាលក្រុង លេខាគណៈកម្មាធិការបក្ស ប្រធានការិយាល័យការងារបក្សនិងការងារនយោបាយ ឆ្នាំកន្លង ផ្នែកនគរបាលក៏បានកសាងនិងផ្សព្វផ្សាយនូវរូបភាពល្អៗរបស់កងកម្លាំង ជាមួយនឹងសកម្មភាពជាច្រើន មានដូច៖ កម្មវិធី “ម្ដាយធម៌” បង្កើតមុខរបររកស៊ីជូនសាច់ញាតិកុមារកំព្រាដែលរងផលប៉ះពាល់ដោយសារជំងឺ COVID-១៩ លើភូមិសាស្រ្តក្រុងទាំងមូល មានការរីកសាយភាយនិងនាំមកប្រសិទ្ធភាពជាក់ ស្ដែងក្នុងសហគមន៍។ ឆ្លងតាមរយៈនោះ ក៏បានមជ្ឈិមសមាគមសហព័ន្ធនារីវៀតណាម សមាគមសហព័ន្ធនារីក្រុងកឹងធើ ជ្រើសរើសស្ងើចសរសើរ; កម្មវិធីសិល្បៈ “មនោសញ្ចេតនា មិត្តរួមកង - ភាពកក់ក្ដៅដល់ប្រជាជន” លើកទី៩-ឆ្នាំ២០២៣ ក្រោមប្រធានបទ “ចង្វាក់ភ្លេងមោទនភាព” បានរៀបចំឡើងនៅទីលានស្រុកផុងដៀង រួមចំណែកបង្កើនគុណភាពការងារវប្បធម៌ សិល្បៈក្នុងកម្មាភិបាល យុទ្ធជន; ទប់ស្កាត់ លុបបំបាត់ដោយជោគជ័យចំពោះការធ្លាក់ចុះសតិអារម្មណ៍នយោបាយ សីលធម៌ ផ្នត់រស់នៅក្នុងទូទាំងកងកម្លាំង។ល។

ផ្ដើមពីលទ្ធផលដែលសម្រេចបាន នគរបាលក្រុងប្ដេជ្ញាចិត្តរក្សាលំនឹងនិងបង្កើនការដឹកនាំជាដាច់ខាត ដោយផ្ទាល់លើគ្រប់ផ្នែករបស់បក្សចំពោះកិច្ចការការពារសន្ដិសុខជាតិ ធានាសណ្ដាប់ធ្នាប់ សុវត្ថិភាពសង្គម និងសកម្មភាពរបស់កម្លាំងនគរបាលប្រជាជន; ពង្រឹងសមត្ថភាពដឹកនាំនិងកម្លាំងប្រយុទ្ធរបស់បក្ខភាគនគរបាលក្រុង អង្គការចាត់តាំងបក្សនៅមូលដ្ឋាន។ល។ ចំពោះមុខគឺផ្ដុំកម្លាំងធានាសុវត្ថិភាព សណ្ដាប់ធ្នាប់សង្គមក្នុងឱកាសបុណ្យចូលឆ្នាំថ្មីវៀតណាម២០២៤ ដើម្បីប្រជាជនក្រុងទទួលអំណរបុណ្យចូលឆ្នាំថ្មីបានសប្បាយរីករាយ៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ