គោលនយោបាយ -ការរស់នៅ ការរស់នៅ

13/07/2026 - 20:50

ជំនួយកម្លាំងដល់កសិកម្មសរីរាង្គ

មិនត្រឹមបង្កបានផលិតផលស្អាតនិងសុវត្ថិភាព ផលិតសរីរាង្គនៅទាំងរួមចំណែកការពារបរិស្ថាន លើកកម្ពស់តម្លៃកសិផល។ ដើម្បីជំនួយកម្លាំងដល់និន្នាការនេះ ផ្នែកកសិកម្មនិងបរិស្ថានទីក្រុងកឹងធើកំពុងសកម្មសហការជាមួយផ្នែកទាក់ទិនហ្វឹកហាត់ កសាងនិងពង្រីកបណ្តាទម្រង់ផលិត ជួយកសិករអភិវឌ្ឍវិធីផលិតនេះ។

ក្រុមការងាររបស់ VOAA ពិនិត្យជាក់ស្តែងកន្លែងឧបត្ថម្ភកសិករអនុវត្តទម្រង់ផលិតសរីរាង្គនៅចម្ការក្រូចតាំងរបស់កសិករនៅឃុំតឹងហ្វា ទីក្រុងកឹងធើ។

និន្នាការអភិវឌ្ឍទូទាំងពិភពលោក

ប្រទេសជាច្រើនលើពិភពលោកបាននិងកំពុងលើកទឹកចិត្តប្រជាជនអភិវឌ្ឍផលិតកសិកម្មសរីរាង្គនិងដាក់ចេញបណ្តាក្រមស្តង់ដារជាក់ស្តែងពីផលិតផល។ លើពិភពលោកមានប្រហែល ១៨០ ប្រទេសនិងតំបន់ដែនដីផលិតតាមទិសសរីរាង្គនិងធ្វើតាមបណ្តាស្តង់ដារសរីរាង្គជាមួយផ្ទៃដីជាង ៥០,៩ លានហិកតា តម្លៃនាំមកយ៉ាងធំ។

ចាប់ពីឆ្នាំ ២០០៧ ប្រទេសយើងមានកសិករ អាជីវកម្មអនុវត្តផលិតសរីរាង្គតាមបណ្តាក្រមស្តង់ដារដើម្បីបានផ្តល់លិខិតទទួលស្គាល់ ប៉ុន្តែផ្ទៃដីបានប្រហែលជាង ១២.០០០ ហិកតា។ ដល់ឆ្នាំ ២០១៦ តួលេខនេះឡើងដល់ ៥៣.០០០ ហិកតា។ ផលិតផលសរីរាង្គរបស់ប្រទេសយើងនីហរណដល់ប្រទេសនិងតំបន់ដែនដីជាច្រើនលើពិភពលោក។

នៅទីក្រុងកឹងធើមាន ២០.៧៥៩ ហិកតាបានផលិតតាមទិសសរីរាង្គនិងមានជាង ៣.៨៩០ ហិកតាផលិតស្រូវនិងដំណាំរុក្ខជាតិហូបផ្លែសម្រេចបទដ្ឋាន VietGAP, Global GAP និងសរីរាង្គ។

សម្រេចបានលទ្ធផលជំហានដំបូងយ៉ាងគាប់ចិត្ត ប៉ុន្តែអភិវឌ្ឍផលិតនិងច្រកចេញបណ្តាផលិតផលកសិកម្មសរីរាង្គនៅទីក្រុងកឹងធើនិងទូទាំងប្រទេសនៅអន់ថយ មិនទាន់ស្មើនឹងសក្តានុពល។ កសិករ អាជីវកម្មនិងទាំងអ្នកប្រើប្រាស់ជាច្រើននៅខ្វះព័ត៌មាន ការយល់ដឹងពីផលិតសរីរាង្គតាមបណ្តាស្តង់ដារនិងបណ្តាការកំណត់ជាធរមានក្នុងប្រទេសនិងអន្តរជាតិ។ ផ្តើមពីជាក់ស្តែងនោះ បណ្តាអង្គភាពសមត្ថកិច្ចនៅទីក្រុងហូជីមិញ បណ្តាក្រសួងផ្នែកមជ្ឈិមបន្តយកចិត្តទុកដាក់ឧបត្ថម្ភប្រជាជនអភិវឌ្ឍកសិកម្មសរីរាង្គ។

ឆ្ពោះដល់ផលិតសរីរាង្គ

មិនត្រឹមជំរុញព័ត៌មានឃោសនានិងហ្វឹកហាត់ ផ្នែកសមត្ថកិច្ចទីក្រុងកឹងធើបន្តបង្កើនការតភ្ជាប់រវាងកសិករនិងអាជីវកម្ម បង្កើតបណ្តាខ្សែសង្វាក់ចងសម្ព័ន្ធក្នុងផលិតនិងច្រកចេញផលិតផលសរីរាង្គ។ ឧបត្ថម្ភកសិករកសាងបណ្តាទម្រង់អនុវត្តផលិតសរីរាង្គលើដំណាំនៅបណ្តាតំបន់ផលិតសំខាន់ ធ្វើជាកន្លែងបើកទូលាយ។

លោកម៉ាយណាម នាយករងមជ្ឈមណ្ឌលជំរុញកសិកម្មនិងសេវាកសិកម្ម (មន្ទីរកសិកម្មនិងបរិស្ថានទីក្រុងកឹងធើ) ឱ្យដឹង៖ “កសាងបណ្តាទម្រង់កសិកម្មតាមទិសសរីរាង្គសុវត្ថិភាព ជានិន្នាការចាំបាច់ ជាសំណូមពរសត្យានុម័តក្នុងដំណាក់កាលអភិវឌ្ឍថ្មី។ នេះមិនត្រឹមជាការផ្លាស់ថ្មីវិធីផលិត នៅទាំងជាការផ្លាស់ថ្មីគ្រប់ជ្រុងជ្រោយពីគំនិតគ្រប់គ្រង ចាត់តាំងផលិតនិងជិតដិតទីផ្សារ។ ប្រសិនបើមុននេះផលិតកសិកម្មសំខាន់យកចិត្តទុកដាក់ដល់បរិមាណ តែពេលនេះត្រូវផ្តោតសំខាន់លើគុណភាព ប្រសិទ្ធភាព តម្លៃកំណើននិងលក្ខណៈស្ថិរភាព”។

តាមលោកម៉ាយណាម មជ្ឈមណ្ឌលកំពុងសកម្មសហការជាមួយបណ្តាអង្គភាពសមត្ថកិច្ចចំណុះមន្ទីរកសិកម្មនិងបរិស្ថាន រួមនឹងបណ្តាផ្នែកទាក់ទិនជំរុញអភិវឌ្ឍកសិកម្មស្អាត សរីរាង្គ។ ឧបត្ថម្ភពង្រឹងនិងអភិវឌ្ឍបណ្តាសហករណ៍កសិកម្ម ជួយកសិករចូលរួមខ្សែសង្វាក់ចងសម្ព័ន្ធនិងច្រកចេញផលិតផលស្ថិរភាព។ ប្រមូលផ្តុំអនុវត្តសេចក្តីសម្រេចចិត្តលេខ ១៦-NQ/TU ចុះថ្ងៃទី ២៩/៤/២០២៦ របស់គណៈកម្មាធិការបក្សទីក្រុងកឹងធើពីអភិវឌ្ឍកសិកម្មគុណភាពខ្ពស់លើភូមិដ្ឋានទីក្រុងដល់ឆ្នាំ ២០៣០ ចក្ខុវិស័យដល់ឆ្នាំ ២០៥០។ ជាមួយទស្សនៈកំណត់អភិវឌ្ឍកសិកម្មគុណភាពខ្ពស់តាមទិសសរីរាង្គ សុវត្ថិភាពជាភារកិច្ចសំខាន់។ ជំរុញអនុវត្តវិទ្យាសាស្ត្របច្ចេកវិទ្យា បច្ចេកវិទ្យាខ្ពស់និងបង្វែរឌីជីថលអភិវឌ្ឍតាមទិសបៃតង ស្អាត អេកូឡូស៊ី វិលជុំ សម្របនឹងការប្រែប្រួលអាកាសធាតុនិងសំខាន់យកចិត្តទុកដាក់អាទិភាពនៅបណ្តាទម្រង់តាមទិសសរីរាង្គ។

ផ្នែកកសិកម្មនិងបរិស្ថានទីក្រុងកឹងធើក៏បង្កើនការអំពាវនាវវិនិយោគនិងអំពាវនាវបណ្តាស្ថាប័ន អង្គភាពនៅក្រៅភូមិភាគដៃគូអន្តរជាតិសហការឧបត្ថម្ភអភិវឌ្ឍកសិកម្មសរីរាង្គ។ ថ្មីៗនេះសមាគមកសិកម្មសរីរាង្គវៀតណាម (VOAA) ផ្តើមដំណើរការគម្រោង “ពិសោធន៍អនុវត្តផលិតសរីរាង្គនៅកសិដ្ឋានកាកាវ និងរុក្ខជាតិហូបផ្លែសំដៅបង្កើនសមត្ថភាពទប់ទល់ជាមួយអាកាសធាតុនិងការរកស៊ីចិញ្ចឹមជីវិតរបស់កសិករវៀតណាម” នៅទីក្រុងកឹងធើ។ គម្រោងអាស្រ័យ VOAA ចង្អុលការអនុវត្តពីប្រភពជំនួយឥតសំណងរបស់រដ្ឋាភិបាលសាធារណរដ្ឋសហព័ន្ធអាល្លឺម៉ង់ តាមរយគំនិតច្នៃប្រតិដ្ឋអាកាសធាតុអន្តរជាតិ (IKI)។ គម្រោងឧបត្ថម្ភកសាង ៦ ទម្រង់អនុវត្តផលិតសរីរាង្គនៅទីក្រុងកឹងធើនិងបណ្តាខេត្តអាងយ៉ាងនិងយ៉ាឡាយពីពេលនេះដល់ឆ្នាំ ២០២៧។

ទីក្រុងកឹងធើចូលរួមអនុវត្តទម្រង់នៅឃុំភឿងបិញនិងឃុំតឹងហ្វា មានប្រហែល ៨ ហិកតាដាំត្របែកនិងផ្លែក្រូចតាំង។ ពីបណ្តាទម្រង់នេះ គម្រោងកត់សម្គាល់និងចែករំលែកបណ្តាបទពិសោធន៍ជាក់ស្តែងដើម្បីសាយភាយដល់កសិករ សហករណ៍ ក្រុមសហការ និងបណ្តាតំបន់វត្ថុធាតុចងសម្ព័ន្ធក្នុងខ្សែសង្វាក់កាកាវ រុក្ខជាតិហូបផ្លែ នៅភូមិភាគនិងបណ្តាតំបន់មានលក្ខណៈប្រហាក់ប្រហែល។ គម្រោងក៏ម្ចាស់ការជំរុញចងសម្ព័ន្ធខ្សែសង្វាក់តម្លៃកសិផលស្និទ្ធស្នាលជាមួយបរិស្ថាននិងជីវចម្រុះ។ ក្រុមហ៊ុន Marou ក្នុងខ្សែសង្វាក់កាកាវនិង Les Vergers Du Mekong (ចម្ការរុក្ខជាតិគឺវឡុង) ចូលរួមចងសម្ព័ន្ធផលិតជាមួយទីផ្សារ។

លោកហាផុកមិច ប្រធាន VOAA ឱ្យដឹង៖ “បណ្តាទម្រង់បានឧបត្ថម្ភដើម្បីបានទទួលស្គាល់សរីរាង្គ។ កសិករនិងអ្នកចូលរួមគ្រប់គ្រងកសិដ្ឋានបានហ្វឹកហាត់បណ្តាចំណេះដឹងពីកសិកម្មសរីរាង្គនិងបណ្តាបច្ចេកទេសក្នុងការផលិត។ កសិករទាំងឡាយដែលនៅជុំវិញតំបន់គម្រោងបើចង់ផលិតសរីរាង្គក៏បានចូលរួមបណ្តាថ្នាក់ហ្វឹកហាត់និងបណ្តុះបណ្តាល”។ ផលិតសរីរាង្គមិនត្រឹមរួមចំណែកការពារបរិស្ថាន ការពារសុខភាពដល់អ្នកផលិតនិងអ្នកប្រើប្រាស់ នៅទាំងជួយបើកទូលាយទីផ្សារនីហរណលើកកម្ពស់តម្លៃកសិផលមុខទំនិញបន្ថយជាតិឧស្ម័នផ្ទះកញ្ចក់ និងបន្ថយឥទ្ធិពលនៃការប្រែប្រួលអាកាសធាតុ៕

ខាញ់ទ្រុង - ចន្ថា

ចែករំលែកអត្ថបទ

ពាក្យគន្លឹះ