គោលនយោបាយ -ការរស់នៅ ច្បាប់

24/03/2025 - 10:54

ព័ត៌មានថ្មីបំផុតអំពីការកែសម្រួលប្រាក់បៀវត្សរ៍អប្បបរមាតំបន់ឆ្នាំ២០២៥

យោងតាមច្រកទ្វារព័ត៌មានរដ្ឋាភិបាល ក្រសួងការងារយុទ្ធជនពិការនិងសង្គមកិច្ច ទើបចេញសារលិខិតផ្ញើជូនភូមិភាគនានា ស្នើឱ្យពិនិត្យឡើងវិញនូវការអនុវត្តកម្រិតប្រាក់បៀវត្សរ៍អប្បបរមាតំបន់ឆ្នាំ ២០២៤ ព្រមទាំងវាយតម្លៃនិងសំណូមពរកែតម្រូវតាមការបែងចែកតំបន់ ជាធរមាន។

រូបជាឧទាហរណ៍។

នេះត្រូវបានចាត់ទុកជាជំហានត្រៀមបម្រុងសម្រាប់គម្រោងដាក់សំណើជូនរដ្ឋាភិបាល កែសម្រួលប្រាក់បៀវត្សរ៍អប្បបរមាតំបន់ឆ្នាំ ២០២៥ នាពេលខាងមុខ។

តាមរយៈនោះ ភូមិភាគនានាពិនិត្យនិងធ្វើបច្ចុប្បន្នភាពឡើងវិញនូវឈ្មោះភូមិសាស្ត្រអនុវត្តកម្រិតប្រាក់បៀវត្សរ៍អប្បបរមា ពិសេសគឺអង្គភាពរដ្ឋបាលថ្នាក់ស្រុកដែលបានរៀបចំឡើងវិញ ដូចជាការប្តូរឈ្មោះ បង្កើតថ្មី បញ្ចូលគ្នារំសាយ កែតម្រូវព្រំប្រទល់រដ្ឋបាលតាមសេចក្តីសម្រេចចិត្តរបស់គណៈកម្មាធិការអចិន្ត្រៃយ៍នៃរដ្ឋសភា ចាប់ពីថ្ងៃទី ០១/៧/២០២៤ មកទល់នឹងបច្ចុប្បន្ន។

ករណីមានដាក់សំណើកែសម្រួលការបែងចែកតំបន់ គឺស្ថាប័នអភិបាលកិច្ចអំពីការងារនៅភូមិភាគសហការជាមួយគណៈគ្រប់គ្រងមណ្ឌលកែច្នៃនាំចេញ មណ្ឌលឧស្សាហកម្ម ពិភាក្សាដោយលាយលក្ខណ៍អក្សរជាមួយនឹងសម្ព័ន្ធសហជីពថ្នាក់ខេត្ត សាខាសហព័ន្ធពាណិជ្ជកម្មនិងឧស្សាហកម្មវៀតណាមថ្នាក់ខេត្តនិងតំបន់ សម្ព័ន្ធសមាគមវិជ្ជាជីវៈ វិនិយោគិននិងសហគ្រាសលើភូមិសាស្ត្រ។ ផ្អែកលើមូលដ្ឋាននេះ ធ្វើរបាយការណ៍ដើម្បីគណៈកម្មាធិការប្រជាជនខេត្ត ក្រុង ចំណុះមជ្ឈិម ផ្តល់មតិផ្ញើទៅក្រសួងការងារយុទ្ធជនពិការនិងសង្គមកិច្ច។

កន្លងមក ក្រសួងការងារយុទ្ធជនពិការនិងសង្គមកិច្ច ក៏បានធ្វើការសើុបអង្កេតពីស្ថានភាពការងារ ប្រាក់ខែ ដើម្បីធ្វើបច្ចុប្បន្នភាពព័ត៌មានអំពីការផលិតធ្វើអាជីវកម្ម ការងារនិងប្រាក់ឈ្មួលក្នុងសហគ្រាស ផ្តើមពីនោះ មានមូលដ្ឋានសម្រាប់ក្រុមប្រឹក្សាប្រាក់បៀវត្សរ៍ជាតិ ធ្វើការពិនិត្យ គណនាដំឡើងប្រាក់បៀវត្សរ៍អប្បបរមាតំបន់ឆ្នាំ ២០២៥ ក៏ដូចជាបម្រើការគ្រប់គ្រង ប្រកាសជាសាធារណៈប្រាក់ខែជាមធ្យមភាគតាមកាលកំណត់។

អគ្គសម្ព័ន្ធសហជីពវៀតណាម បានឱ្យដឹង៖ ថ្មីៗនេះ ស្ថាប័ននេះគ្រោងនឹងស្នើដំឡើងប្រាក់បៀវត្សរ៍អប្បបរមាតំបន់ នាដើមខែមីនា ឆ្នាំ ២០២៥ ផ្អែកលើមូលដ្ឋាននៃការពិនិត្យជាក់ស្តែង និងបន្ទាប់ពីការវាយតម្លៃទូទៅស្ថានភាពសេដ្ឋកិច្ច-សង្គម។ នេះក៏ជាពេលវេលាដែលស្ថាប័ននានាអនុវត្តសម្រេចរួចរាល់ការរួមបញ្ចូល រៀបចំក្បាលម៉ាស៊ីនឡើងវិញ៕

យោង៖ luatvietnam.vn-ប្រសម្រួល៖ មុនី

ចែករំលែកអត្ថបទ

ពាក្យគន្លឹះ