គោលនយោបាយ -ការរស់នៅ ការរស់នៅ

13/07/2026 - 22:11

បង្កភាពលោតផ្លោះសម្រាប់តំបន់ជនបទ តំបន់ភ្នំ និងតំបន់ជនជាតិភាគតិច

កម្មវិធីទិសដៅជាតិកសាងជនបទថ្មី បន្ថយភាពក្រីក្រដោយចីរភាព និងអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ដំណាក់កាល ២០២៦-២០៣៥ (ហៅកាត់ថា កម្មវិធី) កំពុងបានអនុវត្តជាមួយនឹងវិធីសាស្រ្តនិងយន្តការថ្មីៗជាច្រើន។ ដើម្បីបង្កភាពលោតផ្លោះ ក្រសួង ផ្នែក និងភូមិភាគនានាពន្លឿនដោះស្រាយការលំបាក និងនាំយកដំណោះស្រាយសំខាន់ៗទៅក្នុងការអនុវត្តជាក់ស្តែង។

ប្រើប្រាស់មានប្រសិទ្ធភាពប្រភពទុនវិនិយោគលើហេដ្ឋារចនាសម្ព័ន្ធសំខាន់ៗ ជាជំហានលើកកម្ពស់ជីវភាពប្រជាជន និងធ្វើឱ្យទិដ្ឋភាពតំបន់ជនបទផ្លាស់ថ្មី។ រូបថត៖ កសាងស្ពាន ផ្លូវជនបទនៅទីក្រុងកឹងធើ។

ម្ចាស់ការផ្សព្វផ្សាយ

បន្ទាប់ពីរដ្ឋសភាដាក់ឱ្យប្រើសេចក្តីសម្រេចចិត្តលេខ ២៥៧/២០២៥/QH១៥ ចុះថ្ងៃទី ១១ ខែធ្នូ ឆ្នាំ២០២៥ បានអនុម័តលើគោលការណ៍វិនិយោគកម្មវិធី ក្រសួង ផ្នែក និងភូមិភាគនានាពន្លឿនអនុវត្ត។

លោក ង្វៀងហ្វាងហ៊ីប អនុរដ្ឋមន្ត្រីក្រសួងកសិកម្មនិងបរិស្ថាន ឱ្យដឹង៖ ចាប់ពីដើមឆ្នាំ ២០២៦ មកដល់ពេលនេះ ការងារធ្វើឱ្យសុក្រឹតនូវរបប និងពង្រឹងប្រព័ន្ធចាត់តាំងសម្រេចបានលទ្ធផលសំខាន់ៗជាច្រើន បង្កជាមូលដ្ឋានគ្រឹះសម្រាប់អនុវត្តព្រមៗគ្នាលើវិសាលភាពទូទាំងប្រទេស។ ការរួមបញ្ចូលកម្មវិធីទិសដៅជាតិទាំង ៣ ដំណាក់កាលមុន ជំហានដំបូងបង្កជាដើមទងដឹកនាំ បន្ថយការបែកខ្ញែកក្នុងការគ្រប់គ្រង កាត់បន្ថយការជាន់ភូមិសាស្រ្ត មុខសញ្ញា និងខ្លឹមសារឧបត្ថម្ភ។ ទន្ទឹមនឹងនោះ បើកទូលាយតុល្យភាពភូមិសាស្រ្តដើម្បីភូមិភាគម្ចាស់ការផ្គួបបញ្ចូល និងប្រើប្រាស់មានប្រសិទ្ធភាពនូវប្រភពធនធាន។

ច្បាមតាមតម្រង់ទិសរបស់មជ្ឈិម ភូមិភាគនានាសន្សឹមៗធ្វើឱ្យទៅជាភាពជាក់ស្តែងនូវកម្មវិធីតាមដែនសមត្ថកិច្ច។ តាមរយៈនោះ ទីក្រុងកឹងធើបានបង្កើតគណៈចង្អុលការកម្មវិធីទិសដៅជាតិទីក្រុង និងដាក់ឱ្យប្រើផែនការអនុវត្តកម្មវិធីឆ្នាំ ២០២៦ និងដំណាក់កាល ២០២៦-២០៣០។ ទីក្រុងនឹងបែងប្រភេទឃុំនានា និងមានឃុំចំនួន ៩ បានចុះឈ្មោះខិតខំសម្រេចបទដ្ឋានជនបទថ្មីក្នុងឆ្នាំ២០២៦។ ទន្ទឹមនឹងនោះ បានកំណត់ឃុំ សង្កាត់ចំនួន ៣៨ និងភូមិ តំបន់ចំនួន ៤០៦ ចំណុះតំបន់ជនជាតិភាគតិច (ក្នុងនោះមានភូមិ និងតំបន់លំបាកខ្លាំងចំនួន១៦៤) ធ្វើជាមូលដ្ឋានអនុវត្តគោលនយោបាយ។

តាមប្រសាសន៍លោក ឡេវ៉ាំងភឿក អនុប្រធានគណៈកម្មាធិការប្រជាជនខេត្តអាងយ៉ាង ភូមិភាគ បានដាក់ឱ្យប្រើផែនការអនុវត្តកម្មវិធី ដំណាក់កាល ២០២៦-២០៣០; ម្ចាស់ការដាក់ឱ្យប្រើក្រមលក្ខឋានឃុំជនបទថ្មី និងឃុំជនបទថ្មីទំនើបអនុវត្តលើភូមិឋានខេត្ត។ ចំណែកលោក ឡេវ៉ាំងបៅ អនុប្រធានគណៈកម្មាធិការប្រជាជនខេត្តក្វាងទ្រី ឱ្យដឹង៖ ខេត្តផ្តុំកម្លាំងអនុវត្តកម្មវិធីតាមទិសដៅអាទិភាពលើការរកស៊ីចិញ្ចឹមជីវិត ការងារ ហេដ្ឋារចនាសម្ព័ន្ធសំខាន់ៗ និងលើកកម្ពស់កៀកជិតសេវាសង្គមមូលដ្ឋាន។ ក្នុងឆ្នាំ ២០២៦ ខេត្តផ្តុំកម្លាំងចង្អុលការឃុំចំនួន ១៤ ខិតខំសម្រេចបទដ្ឋានជនបទថ្មី និងជ្រើសរើសឃុំចំនួន ២ ធ្វើជាគំរូកសាងជនបទថ្មីទំនើប ដំណាក់កាល ២០២៦-២០៣០ ដើម្បីវាយតម្លៃ ធ្វើឱ្យសុក្រឹត និងបើកទូលាយជាបណ្តើរៗ។

ដោះស្រាយចំណុចរាំងស្ទះ បង្កភាពលោតផ្លោះ

ឆ្នាំ ២០២៦ ជាឆ្នាំដំបូងអនុវត្តកម្មវិធីរួមបញ្ចូល មានវិសាលភាពធំទូលាយ ខ្លឹមសារច្រើន ទាក់ទងដល់ក្រសួង ផ្នែក ភូមិភាគ និងក្រុមមុខសញ្ញាទទួលផលជាច្រើន។ អាស្រ័យហេតុនោះ ក្នុងដំណើរការអនុវត្តនៅមានចំណុចខ្វះខាតមួយចំនួន។ ជាក់ស្តែង៖ លទ្ធផលអនុវត្តរហូតមកដល់ពេលនេះ ជាសំខាន់ប្រមូលផ្តុំលើផ្នែកធ្វើឱ្យសុក្រឹតរបរ ធ្វើឱ្យរឹងមាំប្រព័ន្ធចាត់តាំង រៀបចំផែនការ និងប្រភពធនធាន; ការវិវត្តជាក់ស្តែងនៅមូលដ្ឋាននៅមិនទាន់ច្បាស់លាស់; ល្បឿនអនុវត្តរវាងភូមិភាគនានាមិនទាន់ស្មើគ្នា និងលទ្ធផលរំសាយទុននៅទាប...។

ចំពោះភាពជាក់ស្តែងនេះ ក្នុងនាមជាស្ថាប័នដឹកនាំកម្មវិធី លោក ង្វៀងហ្វាងហ៊ីប ឱ្យដឹង៖ ក្រសួងកសិកម្មនិងបរិស្ថាននឹងបន្តសហការស្អិតល្មួតជាមួយអង្គភាពពាក់ព័ន្ធនានា តាមដាន បូកសរុប និងរៀបចំដោះស្រាយការលំបាក បញ្ហាជាប់ជំពាក់ ។ ទន្ទឹមនឹងនោះ បង្កើនការត្រួតពិនិត្យភូមិភាគនានាដែលអនុវត្តយឺតយ៉ាវ និងរាយការណ៍ទាន់ពេលវេលាទៅថ្នាក់លើចំពោះខ្លឹមសារដែលហួសដែនសមត្ថកិច្ច។

ដើម្បីជំរុញល្បឿនអនុវត្តរំសាយថវិកាក្នុង ៦ ខែចុងឆ្នាំ លោក តាអាញត្វឹង អនុរដ្ឋមន្ត្រីក្រសួងហិរញ្ញវត្ថុ បានស្នើឱ្យក្រសួងកសិកម្មនិងបរិស្ថាន ក្រសួងជនជាតិនិងសាសនា គប្បីពន្លឿនការត្រួតពិនិត្យ ប្រមូល និងដោះស្រាយសំណើរបស់ភូមិភាគ; បំពេញបន្ថែមនូវការណែនាំដែលនៅខ្វះខាត ឬខ្លឹមសារដែលមិនទាន់ឯកភាព ដើម្បីធានាប្រកបដោយលក្ខណៈព្រមៗគ្នាដល់ភូមិភាគអនុវត្ត។ ផ្នែកខាងភូមិភាគនានា ឆាប់កសាង និងដាក់ឱ្យប្រើនូវគោលការណ៍ លក្ខឋាន និងកម្រិតផ្តល់ថវិកានៅភូមិភាគ។ ម្ចាស់ការដាក់ឱ្យប្រើនូវយន្តការគោលនយោបាយផ្សេងៗទៀតតាមដែនសមត្ថកិច្ច ដើម្បីធ្វើឱ្យមូលដ្ឋានច្បាប់សុក្រឹតគ្រប់គ្រាន់។

ដើម្បីអនុវត្តកម្មវិធីមានប្រសិទ្ធភាព ឧបនាយករដ្ឋមន្ត្រី ហូក្វឹកយុង សំណូមពរក្រសួង ផ្នែក និងភូមិភាគនានាពន្លឿនអនុវត្តភារកិច្ច ពង្រីកស្មារតីម្ចាស់ការ ទទួលខុសត្រូវ និងប្តេជ្ញាចិត្តខ្ពស់ក្នុងការចាត់តាំងអនុវត្ត។ ប្តេជ្ញាឆ្នាំ ២០២៦ រំសាយថវិកាមជ្ឈិមប្រគល់ ១០០%... ពិសេស ការប្រើប្រាស់ប្រភពធនធានអនុវត្តកម្មវិធីត្រូវធានាមានចំណុចស្នូល ចំណុចសំខាន់ ជៀសវាងរាត់រាយ ផ្តុំកម្លាំងអាទិភាពប្រភពធនធានដល់តំបន់លំបាក។ កំណត់ច្បាស់តម្រូវបន្ទាន់អំពីដីធារផ្ទះ ផ្ទះសម្បែង ដីផលិត អគ្គិសនី ទឹកស្អាតប្រើប្រាស់ និងហេដ្ឋារចនាសម្ព័ន្ធសង្គមចាំបាច់ ដើម្បីរៀបចំប្រភពធនធានឱ្យបានសមស្រប៕

ត. ត្រិញ - វិមាន

ចែករំលែកអត្ថបទ

ពាក្យគន្លឹះ