កសិករ បានចាត់ទុកជាកងកម្លាំងស្នូលនៃដំណើរការអភិវឌ្ឍកសិកម្មសេដ្ឋកិច្ចជនបទ និងការកសាងជនបទថ្មី។ ដើម្បីឆ្លើយតបទៅនឹងតម្រូវការអភិវឌ្ឍក្នុងយុគសម័យ ៤.០ កសិករត្រូវតែជំនាញ មានបំណិនគ្រប់គ្រាន់ដើម្បីក្តាប់យកវិទ្យាសាស្ត្រ និងបច្ចេកទេស រួមជាមួយចំណេះដឹងហិរញ្ញវត្ថុ ការគ្រប់គ្រង និងការផ្លាស់ប្តូរផ្នត់គំនិតធ្វើអាជីវកម្ម ដើម្បីសម្របខ្លួនរហ័សនិងម្ចាស់ការក្នុងការសមាហរណកម្មអន្តរជាតិ។
កសិករមើលការបង្ហាញឧបករណ៍គ្រឿងយន្ត នៅវិទ្យាស្ថានស្រូវតំបន់វាលរាបទន្លេគឺវឡុង។
តម្រូវការចាំបាច់
ក្នុងយុទ្ធសាស្ត្រអភិវឌ្ឍកសិកម្មជនបទ និងសេចក្តីសម្រេចចិត្តនានារបស់បក្ស បានដាក់ចេញនូវទិសដៅកសាងកងជួរ កសិករជំនាញ ដូចជាសរសរស្តម្ភមួយដ៏សំខាន់ដើម្បីអនុវត្តឧស្សាហកម្មនិងទំនើបកម្មកសិកម្មនិងជនបទ។ សេចក្តីសម្រេចចិត្តលេខ ១៩-NQ/TW ចុះថ្ងៃទី ១៦-៦-២០២២ ( សន្និបាត លើកទី ៥ របស់គណៈប្រតិបត្តិការមជ្ឈិមបក្ស នីតិកាលទី XIII ស្តីពីកសិកម្ម កសិករ ជនបទដល់ឆ្នាំ ២០៣០ ចក្ខុវិស័យដល់ឆ្នាំ ២០៤៥) បានអះអាងថា កសិករជាកងកម្លាំងស្នូល ជាមជ្ឈមណ្ឌលនៃការអភិវឌ្ឍកសិកម្ម សេដ្ឋកិច្ចជនបទ និងការកសាងជនបទថ្មី។ល។
ទោះបីទស្សនៈទាន “កសិករជំនាញ” នៅមិនទាន់បានកំណត់អត្ថន័យច្បាស់លាស់ក្នុងឯកសារច្បាប់ ឬឯកសារផ្លូវការណាមួយនៅឡើយក៏ដោយ ប៉ុន្តែស្ថានភាពជាក់ស្តែងនៃផលិតកសិកម្មនៅប្រទេសយើងបានបង្ហាញថា មានកសិករកាន់តែច្រើនដែលមានលក្ខណៈ “ជំនាញ”។ តួយ៉ាងដូច មានកសិករជាច្រើនបានក្លាយជាកសិករផលិត ធ្វើអាជីវកម្មពូកែ ដោយសារមានចំណេះដឹងជំនាញស៊ីជម្រៅលើការផលិត យល់ច្បាស់ពីទីផ្សារ និងមានសមត្ថភាពគ្រប់គ្រង ធ្វើអាជីវកម្ម។ ពួកគាត់ក៏អនុវត្តមានប្រសិទ្ធភាពវិទ្យាសាស្ត្រ បច្ចេកវិទ្យាជឿនលឿនទៅក្នុងការផលិត ទន្ទឹមនឹងនោះ បង្ហាញយ៉ាងច្បាស់នូវសីលធម៌ និងការទទួលខុសត្រូវចំពោះសង្គមនិងបរិស្ថាន ផលិតសុវត្ថិភាព ចាត់ទុកកសិកម្មជាមុខរបរចម្បង និងស្ថិរភាពយូរអង្វែង។ យកចិត្តទុកដាក់ពង្រីកទ្រង់ទ្រាយវប្បកម្ម ផ្សារភ្ជាប់នឹងខ្សែសង្វាក់តម្លៃ ដើម្បីផលិតកម្មធំ បង្វែរពីទម្រង់ផលិតកម្មតូចតាច ទៅជាកិច្ចសហប្រតិបត្តិការ ផ្សារភ្ជាប់ជាមួយទីផ្សារកាន់តែខ្ពស់។ល។
យោងតាមបណ្ឌិត ឡេហឺវក្វាង នាយករងទទួលបន្ទុកមជ្ឈមណ្ឌលបណ្តុះបណ្តាលកសិករ សាលាគោលនយោបាយសាធារណៈនិងអភិវឌ្ឍន៍ជនបទ ចំណុះក្រសួងកសិកម្មនិងបរិស្ថាន ក្នុងដំណើរការអភិវឌ្ឍកសិកម្មទំនើប ពាក្យ “កសិករជំនាញ” និងថ្មីៗនេះគឺ “កសិករឆ្លាតវៃ” កាន់តែត្រូវបានប្រើប្រាស់យ៉ាងទូលំទូលាយ ដែលឆ្លុះបញ្ចាំងពីការផ្លាស់ប្តូរអំពីតួនាទី សមត្ថភាពនិងវិធីសាស្ត្រប្រកបរបររបស់កសិករ។ ប្រសិនបើ “កសិករជំនាញ” ត្រូវបានបង្កើតឡើងក្នុងជំនាញវិជ្ជាជីវៈផលិតកសិកម្មមុខទំនិញ និងផ្សារភ្ជាប់ជាមួយទីផ្សារកាន់តែស៊ីជម្រៅនោះ “កសិករឆ្លាតវៃ” កើតឡើងនៅក្នុងបរិបទបដិវត្តន៍ឧស្សាហកម្ម លើកទី ៤ និងការផ្លាស់ប្តូរឌីជីថលកសិកម្មជនបទ។ ចំណុចសំខាន់ គឺលក្ខណៈ “ឆ្លាតវៃ” ក្នុងយុគសម័យឧស្សាហកម្ម ៤.០ មានការផ្លាស់ប្តូរជាច្រើន បើពីមុនភាគច្រើនផ្សារភ្ជាប់ជាមួយនឹងភាពប៉ិនប្រសប់ ភាពបត់បែន និងបទពិសោធន៍ប្រព្រឹត្តក្នុងការផលិត ឥឡូវនេះវាត្រូវបានផ្សារភ្ជាប់ជាមួយនឹងសមត្ថភាពប្រកៀកជិត ទាញយកនិងអនុវត្តបច្ចេកវិទ្យាឌីជីថល។ លក្ខណៈឆ្លាតវៃ លែងជាភាពវាងវៃអារម្មណ៍ទៀតហើយ វាបានក្លាយជាសមត្ថភាពឌីជីថល៖ ចេះប្រើប្រាស់ទិន្នន័យ វិភាគព័ត៌មាន ប្រើប្រាស់ IoT, AI, Big Data… ដើម្បីធ្វើការសម្រេចចិត្តមានលក្ខណៈវិទ្យាសាស្ត្រ ត្រឹមត្រូវនិងទាន់ពេលវេលា។ នេះគឺជាការលើកកម្ពស់ បើកទូលាយនិងទំនើបកម្មលក្ខណៈ “ឆ្លាតវៃ” របស់កសិករក្នុងយុគសម័យថ្មី។
យកចិត្តទុកដាក់ទៅលើចំណេះដឹងនិងបណ្តុះបណ្តាលដល់កសិករ
ដើម្បីរួមចំណែកជំរុញការកសាងនិងការអភិវឌ្ឍកងជួរកសិករជំនាញ សាលាគោលនយោបាយសាធារណៈ និងអភិវឌ្ឍន៍ជនបទ ទើបតែចាត់តាំងសិក្ខាសាលាវិទ្យាសាស្ត្រ “កសិករវៀតណាម - ពីប្រពៃណីឈានដល់ជំនាញ និងឆ្លាតវៃ”។ នៅក្នុងសិក្ខាសាលា អ្នកតំណាងបានលើកឡើងថា ការកសាងកងជួរកសិករជំនាញ ឆ្លាតវៃ និងមានការទទួលខុសត្រូវចំពោះសង្គម កំពុងតែក្លាយជាតម្រូវការចាំបាច់។ ស្ថាប័នមានសមត្ថកិច្ច ត្រូវយកចិត្តទុកដាក់ត្រួតពិនិត្យ បំពេញបន្ថែមយន្តការ គោលនយោបាយ និងកសាងយុទ្ធសាស្ត្របង្កើនការបណ្តុះបណ្តាល បំប៉នចំណេះដឹងបានទាន់ពេល និងមានការឧបត្ថម្ភចាំបាច់សម្រាប់កសិករចំពោះភាគីដែលពាក់ព័ន្ធ។
លោក ង្វៀងវ៉ាំងសឺ អនុប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ប្រធានសមាគមកសិករកឹងធើ បានលើកឡើង៖ “ក្នុងសមាហរណកម្មអន្តរជាតិស៊ីជម្រៅ វិស័យកសិកម្មវៀតណាមនិយាយរួម និងតំបន់វាលរាបទន្លេគឺវឡុងនិយាយដោយឡែក ត្រូវឆ្លើយតបទៅនឹងតម្រូវការកាន់តែខ្ពស់អំពីការផលិតកសិកម្មស្អាត កសិកម្មបៃតង វិលជុំ… ដើម្បីដោះស្រាយបញ្ហាប្រឈមអំពីបរិស្ថានសុវត្ថិភាពម្ហូបអាហារ និងលើកកម្ពស់គុណភាពផលិតផល។ ការអនុវត្តវិទ្យាសាស្ត្រ បច្ចេកទេស និងបច្ចេកវិទ្យាជឿនលឿន គឺមិនអាចខ្វះបាន ដែលក្នុងនោះ ការបណ្តុះបណ្តាលកសិករ ឱ្យក្លាយជាជំនាញ គឺជាកត្តាសម្រេច។ តាមរយៈនោះ ជួយកសិករលើកកម្ពស់កម្រិតវិជ្ជាផង ព្រមទាំងរួមចំណែកអភិវឌ្ឍប្រកបដោយចីរភាពផង។ កសិករជំនាញមិនត្រឹមតែស្ទាត់ជំនាញការផលិតតាមបែបទំនើបប៉ុណ្ណោះទេ ថែមទាំងយល់ច្បាស់អំពីគោលការណ៍កសិកម្ម ដែលមិនប៉ះពាល់ដល់បរិស្ថាន និងគ្រប់គ្រងបានខ្សែសង្វាក់តម្លៃ”។
យោងតាម បណ្ឌិត ហ្វាងមីឡាង បុគ្គលិកអង្គការ GIZ កសិករចង់ក្លាយជាជំនាញ ត្រូវតែបានបណ្តុះបណ្តាល ដើម្បីមានចំណេះដឹងអំពីបច្ចេកទេសផលិត ការគ្រប់គ្រងហិរញ្ញវត្ថុ អភិបាលកិច្ច ការវិនិយោគ និងជំនាញវិភាគ ភាពជាអ្នកដឹកនាំ ជំនាញធ្វើការសម្រេចចិត្ត និងជំនាញចរចា កិច្ចសហប្រតិបត្តិការជាមួយភាគីពាក់ព័ន្ធ ដើម្បីទទួលបានជោគជ័យទាំងអស់គ្នា។ ទន្ទឹមនឹងនេះ ត្រូវមានមនសិការបង្ហាញពីភាពជំនាញ តាមរយៈភាពម្ចាស់ការ សម្របខ្លួន ម្ចាស់ការជាមួយនឹងការផ្លាស់ប្តូរអាកាសធាតុ ទីផ្សារ និងត្រៀមខ្លួនរៀនសូត្រ…
ដើម្បីក្លាយជាជំនាញ និងមានលក្ខណៈលើកកម្ពស់ប្រសិទ្ធភាពផលិតកម្ម ធ្វើអាជីវកម្ម រដ្ឋត្រូវមានយន្តការ គោលនយោបាយ ឧបត្ថម្ភអំពីហិរញ្ញវត្ថុសម្រាប់កសិករ។ យោងតាមលោក វ៉ក្វាងហ្វី នាយកក្រុមហ៊ុនចំកាត់ហ្វីឡុងអាង ទន្ទឹមនឹងពង្រឹងការបណ្តុះបណ្តាលដល់កសិករ និងកងកម្លាំងក្នុងវិស័យកសិកម្មអំពីការគ្រប់គ្រង ដើម្បីសម្របខ្លួនបានល្អជាមួយការផ្លាស់ប្តូរឌីជីថលក្នុងកសិកម្ម គឺពិតជាត្រូវការប្រភពទុន ដើម្បីឱ្យកសិករវិនិយោគផ្លាស់ប្តូរបច្ចេកវិទ្យា។ អភិវឌ្ឍសេដ្ឋកិច្ចវិលជុំ ទាញយកផល និងឆ្លៀតប្រើប្រាស់អនុផលកសិកម្ម។
ផ្តើមពីមតិយោបល់ក្នុងសិក្ខាសាលា “កសិករវៀតណាម - ពីប្រពៃណីឈានដល់ជំនាញនិងឆ្លាតវៃ” អនុរដ្ឋមន្ត្រី ក្រសួងកសិកម្មនិងបរិស្ថាន ត្រឹងថាញណាម បានសំណូមពរដល់សាលាគោលនយោបាយសាធារណៈនិងអភិវឌ្ឍន៍ជនបទ សហការជាមួយអង្គភាពជំនាញនានាដែលចំណុះក្រសួង ឆាប់ធ្វើសេនាធិការកសាងលក្ខឋានអំពីកសិករជំនាញ។ ទទួលយកមតិយោបល់និងប្រមូលផ្តុំ ស្រាវជ្រាវកសាង ចេញផ្សាយសំណុំឯកសារយោង ដើម្បីជួយឱ្យភូមិភាគនានាក្តាប់បានច្បាស់លាស់នូវបណ្តាលក្ខឋាន ទិសដៅអំពីកសិករជំនាញនិងឆ្លាតវៃ ផ្តើមពីនោះមានសកម្មភាពបណ្តុះបណ្តាលនិងឧបត្ថម្ភជាចាំបាច់៕
អត្ថបទនិងរូបថត៖ ខាញ់ទ្រុង - សុផន
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ