គោលនយោបាយ -ការរស់នៅ គោលនយោបាយ

12/05/2025 - 10:14

ភាពសប្បាយរីករាយនៃតំបន់ជនបទ

នៅតាមភូមិស្រុកដែលមានជនរួមជាតិភាគតិចរស់នៅកុះករនៃខេត្តបាកលីវ បាននិងកំពុងផ្លាស់ប្ដូរមុខមាត់ថ្មី និងពោរពេញដោយភាពសប្បាយរីករាយ។

គម្រោងនៃកម្មវិធីបានរួមចំណែកអភិរក្សនិងថែរក្សាពិធីបុណ្យ
វប្បធម៌ប្រពៃណីរបស់ជនរួមជាតិខ្មែរ។

តាមប្រសាសន៍លោក ផាមវ៉ាន់ទីវ ប្រធានគណៈកម្មាធិការប្រជាជនខេត្តបាកលីវ អនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច ដំណាក់កាលទី១៖ ចាប់ពីឆ្នាំ ២០២១ ដល់ឆ្នាំ ២០២៥ (ហៅកាត់ថា កម្មវិធី) ខេត្តបានបែងចែកថវិកាជាង ១១៨,៣ ពាន់លានដុង។ ផ្ដើមពីប្រភពទុននេះ ខេត្តបានផ្ដុំកម្លាំងអភិវឌ្ឍគមនាគមន៍ និងហេដ្ឋារចនាសម្ព័ន្ធ កាត់បន្ថយភាពក្រីក្រ ដោះស្រាយបញ្ហាសុខុមាលភាពសង្គម អភិរក្ស ពង្រីកអត្តសញ្ញាណវប្បធម៌ប្រពៃណីរបស់ជនរួមជាតិខ្មែរ។ល។ រួមចំណែកធ្វើឱ្យផ្លាស់ប្ដូរមុខមាត់ជនបទ ជីវភាពសេដ្ឋកិច្ច វប្បធម៌និងប្រជាបញ្ញានៅតំបន់ដែលមានជនរួមជាតិខ្មែររស់នៅកុះករ។

ជនបទតំបន់ជនរួមជាតិខ្មែរនៅខេត្តបាកលីវ មានការរីកចម្រើនពីមួយថ្ងៃទៅមួយថ្ងៃ។

និញថាញឡើយ គឺជាឃុំតំបន់ឆ្ងាយដាច់ស្រយាល មានជនរួមជាតិខ្មែររស់នៅកុះកររបស់ស្រុកហុងយ៉ឹង។ ចាប់តាំងពីមានគោលនយោបាយសំខាន់គឺកម្មវិធីវិនិយោគ បានធ្វើឱ្យតំបន់ជនបទ “ផ្លាស់ប្ដូរមុខមាត់ថ្មី”។ ដងផ្លូវជនបទត្រូវបានពង្រីកនិងចាក់កៅស៊ូ អមសងខាងផ្លូវមានបង្គោលចងទង់ជាតិ ផ្ទះសម្បែងសង់យ៉ាងសមរម្យ រួមជាមួយនឹងរថយន្ត ម៉ូតូដឹកជញ្ជូនទំនិញ។ លោកយ័ញកាវ នៅភូមិកោះធំ ឱ្យដឹង៖ “កាលពីមុន ការធ្វើដំណើរទៅមករបស់មាមីងនៅទីនេះ គឺសុទ្ធសឹងដោយទូក ការរៀនសូត្រ ជួញដូរ និងការថែទាំសុខភាពរបស់មាមីងនៅជួបការលំបាកច្រើន។ល។ បច្ចុប្បន្ន រដ្ឋបានយកចិត្តទុកដាក់ វិនិយោគនូវគោលនយោបាយជាច្រើន ពិសេស គឺកម្មវិធីបានបង្កលក្ខណសម្បត្តិងាយស្រួលសម្រាប់មាមីងអភិវឌ្ឍសេដ្ឋកិច្ច; ប្រព័ន្ធអគ្គិសនី ផ្លូវគមនាគមន៍ជនបទ សាលារៀន ដំណាក់សុខាភិបាល មូលដ្ឋានសម្ភារៈវប្បធម៌ជាដើម ត្រូវបានវិនិយោគកសាង បម្រើតម្រូវការប្រជុំជីវភាព ផលិតកម្មរបស់ប្រជាជន”។ ចំណែកលោកចូវផាក នៅឃុំឡុងដៀង ស្រុកដុងហាយ ឱ្យដឹង៖ “អាស្រ័យ បានទទួលផលពីគម្រោងនៃកម្មវិធី បានជាជនបទនៃឃុំឡុងដៀងត្រូវបានវិនិយោគអភិវឌ្ឍលើគ្រប់វិស័យ បង្កលក្ខណសម្បត្តិងាយស្រួលសម្រាប់មាមីងខ្មែរផលិតកម្ម រៀនសូត្របានល្អ។ ផ្ដើមពីនោះ មាមីងខ្មែរខ្នះខ្នែងពលកម្មផលិត ដើម្បីកសាងជីវភាពគ្រួសារសម្បូរសប្បាយនិងសុភមង្គល”។

ព្រះឧបជ្ឈាយ៍ តាំងសាវង្ស អនុប្រធានសមាគមព្រះសង្ឃសាមគ្គីស្នេហាជាតិខេត្តបាកលីវ ព្រះចៅអធិការវត្តបុប្ផារាម នៅឃុំហឹងហោយ ស្រុកវិញឡើយ មានថេរដីកា៖ “អាស្រ័យបក្សនិងរដ្ឋ តែងមានគោលនយោបាយពិសេសដោយឡែកជាច្រើនសម្រាប់ជនរួមជាតិខ្មែរ។ ជាពិសេស គឺកម្មវិធីបានវិនិយោគអភិវឌ្ឍលើគ្រប់វិស័យនៅតំបន់ជនជាតិភាគតិច។ ជាក់ស្ដែង អ្នកក្របានឧបត្ថម្ភសាងសង់ផ្ទះ បុលទុនអភិវឌ្ឍសេដ្ឋកិច្ច បណ្ដុះបណ្ដាលមុខរបរឧទ្ទេសនាមការងារធ្វើ។ល។ ដើម្បីមានប្រាក់ចំណូលលំនឹងជីវភាព។ ពិធីបុណ្យវប្បធម៌ ប្រពៃណីរបស់ជនជាតិត្រូវបានអភិរក្សនិងពង្រីក។ ឆ្លងតាមរយៈនោះ បាននាំមកភាពសប្បាយរីករាយជូនដល់អ្នកមុខអ្នកការនិងពុទ្ធសាសនិកខ្មែរ ហើយកាន់តែមានក្តីជឿជាក់ទៅលើការដឹកនាំរបស់បក្ស និងរួមគ្នាកសាងមាតុភូមិឱ្យកាន់តែសម្បូររុងរឿង”៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ