គោលនយោបាយ -ការរស់នៅ ការរស់នៅ

26/06/2018 - 09:08

នាយករដ្ឋមន្រ្តីនៃរដ្ឋាភិបាល ង្វៀនស្វឹនភុក ចូលរួមអង្គសន្និបាត ជម្រុញដំណើរការវិនិយោគទុនខេត្តសុកត្រាំង ឆ្នាំ២០១៨

គណៈកម្មាធិការប្រជាជនខេត្តសុកត្រាំង ទើបសហការជាមួយក្រសួង គណៈ ផ្នែកមជ្ឈិម ចាត់តាំងអង្គសន្និបាត ជម្រុញដំណើរការវិនិយោគទុនខេត្តសុកត្រាំង ឆ្នាំ២០១៨ និងពិធីបំផុសផ្តើមអាជីព ជាមួយនឹងបធានបទ “សុកត្រាំង-ឱកាសរបស់មិត្ត”។ នាយករដ្ឋមន្រ្តី ង្វៀនស្វឹនភុក សមាជិកការិយាល័យនយោបាយ នាយករដ្ឋមន្រ្តីនៃរដ្ឋាភិបាល និងតំណាងក្រសួង គណៈ ផ្នែក មជ្ឈិម ថ្នាក់ដឹកនាំភូមិភាគ និងតំណាងអង្គការពាណិជ្ជកម្មអន្តរជាតិ អ្នកឯកទេសសេដ្ឋកិច្ច ធុរជននិងវិនិយោគិនក្នុងនិងក្រៅប្រទេសចូលរួមអង្គសន្និបាត។

ផលិតផលកសិកម្មអនុវត្តបច្ចេកវិជ្ជាខ្ពស់របស់ខេត្តសុកត្រាំង បានដាក់តាំងពិព័រណ៍

ក្នុងក្របខ័ណ្ឌអង្គសន្និបាត។

សមមិត្តត្រឹងវ៉ាន់ចៀន ប្រធានគណៈកម្មាធិការប្រជាជនខេត្តសុកត្រាំង អំពាវនាវដល់ អង្គការវិនិយោគិន អាទិភាពលើវិស័យចំនួន៣ គឺកសិកម្មបច្ចេកវិជ្ជាខ្ពស់ផ្សារភ្ជាប់នឹងឧស្សាហកម្មកែច្នៃ ឋាមពលកកើតឡើងវិញ និងទេសចរណ៍។ ក្នុងក្របខ័ណ្ឌនៃអង្គសន្និបាតជម្រុញដំណើរការវិនិយោគទុន គណៈកម្មាធិការប្រជាជនខេត្តសុកត្រាំង បានផ្តល់សេចក្តីសម្រេចចិត្តស្តីពីគោលការណ៍ វិនិយោគទុន លិខិតបញ្ជាក់វិនិយោគទុន និងអនុស្សរណៈសហការវិនិយោគទុន ព្រមទាំងចេញសេចក្តីប្រកាសគម្រោងវិនិយោគទុនចំនួន៤៧ ដោយកម្រិតទុនវិនិយោគ សរុបប្រមាណ១២២.៨៨០ពាន់លានដុង។

ថ្លែងយោបល់ចង្អុលការនៅក្នុងអង្គសនិ្នបាត នាយករដ្ឋមន្រ្តីង្វៀនស្វឹនភុក វាយតម្លៃខ្ពស់ ខេត្តសុកត្រាំងបានចាត់តាំងអង្គសន្និបាតជម្រុញដំណើរការវិនិយោគទុនដោយទ្រង់ទ្រាយធំបំផុតតាំងពីមុនរហូតមកទល់នឹង បច្ចុប្បន្ន ការងារត្រៀមបម្រុងមានភាពផ្ចិតផ្ចង់ ហ្មត់ចត់និងប្រកបដោយវិទ្យាសាស្រ្ត។ មានសម្ព័ន្ធក្រុមហ៊ុននិងអាជីវកម្មជាច្រើន ដែលមានកេរ្តិ៍ឈ្មោះចូលរួម និងមានគម្រោងជាច្រើនត្រូវបានផ្តល់លិខិតបញ្ជាក់វិនិយោគទុន ដោយទុនសរុបជាង១ពាន់លានUSD។ ទន្ទឹមនឹងនោះ នាយករដ្ឋមន្រ្តី ង្វៀនស្វឹនភុក សំណូមពរខេត្តសុកត្រាំង គប្បីផ្តុំកម្លាំងអភិវឌ្ឍកសិកម្មបច្ចេកវិជ្ជាខ្ពស់ សមស្របនឹងការប្រែប្រួលអាកាសធាតុ អភិវឌ្ឍជលផល សុវត្ថិភាពអេកូទេសចរណ៍ផ្សារភ្ជាប់នឹងកសិកម្មជ្រះស្អាត ឋាមពលកកើតឡើងវិញ គប្បីនាំមុខក្នុងវិស័យកសិកម្មមានគោលនយោបាយទម្លុះទម្លាយច្បាស់លាស់ជាង។ ដើម្បីទម្រង់ផលិតពីមួយថ្ងៃទៅមួយថ្ងៃកាន់តែមានការរីកចម្រើន គប្បីប្រមូលផ្តុំចងសម្ព័ន្ធអ្នកទាំង៥ គឺកសិករ រដ្ឋ ធនាគារ អ្នកវិទ្យាសាស្រ្តនិងធុរជន...៕

ត្រឿងផល-មុនី

ចែករំលែកអត្ថបទ

ពាក្យគន្លឹះ