គោលនយោបាយ -ការរស់នៅ ការរស់នៅ

07/04/2015 - 14:50

ផ្តល់ឱកាសសម្រាប់អ្នកចិញ្ចឹមត្រីខ្ជឹងនៅតំបន់ណាមសុងហូវ

រោងចក្រច្នៃត្រីខ្ជឹងនីហរ័ណ ទើបតែចាប់ផ្តើមកសាងនៅភូមិនិញឡើយ ឃុំនិញគ្វើយA ស្រុកហុងយ៉ឹង ខេត្តបាកលីវ នេះគឺជាដំណឹងរីករាយសម្រាប់កសិករនៅភូមិភាគ ក្នុងនោះមានជនរួមជាតិខ្មែរ។ល។

តំណាងវិនិយោគិនចុះកិច្ចសន្យាសហការវិនិយោគធានា ប្រមូលទិញផលិតផលត្រីខ្ជឹងជាមួយស្រុកហុងយ៉ឹង។

រោងចក្រច្នៃត្រីខ្ជឹងនីហរ័ណ អាស្រ័យដោយក្រុមហ៊ុនភាគហ៊ុនជល ផលហុងយ៉ឹងនិងក្រុមហ៊ុន Seil Yangman (ប្រទេសកូរ៉េ) សហការវិនិយោគទុនថវិកាដំបូងគឺ៦០ពាន់លានដុង។ រោងចក្រត្រូវបានកសាងលើផ្ទៃដី៨.០០០ម៉ែត្រការ៉េ ពលានុភាពរៀបចំគ្រោងប្លង់ពី៥ដល់៧តោនត្រី វត្ថុធាតុដើម/ថ្ងៃ តាមការគ្រោងទុកយឺតបំផុត គឺនៅក្នុងត្រីមាសទីI ឆ្នាំ២០១៦ រោងចក្រនឹងដំណើការសកម្មភាពជាផ្លូវការ។

លោកលឿងភឿងដុង ប្រធានគណៈកម្មាធិការប្រជាជនស្រុកហុងយ៉ឹង ឲ្យដឹង៖ គណៈនាយករោងចក្រច្នៃត្រីខ្ជឹងនីហរ័ណ បានចុះកិច្ចសន្យាម៉ៅទិញទាំងស្រុងផលិតផលត្រីខ្ជឹងចិញ្ចឹមនៅនឹងភូមិភាគ ដើម្បីធ្វើការនាំចេញ ព្រមទាំងឧបត្ថម្ភផ្ទេរជូនបច្ចេកទេសដល់កសិករចាប់ពីការភ្ញាស់ចិញ្ចឹមត្រីខ្ជឹងពូជ ការថែទាំនិងគ្រប់គ្រង។ល។ "តទៅអនាគតផ្ទៃដីចិញ្ចឹមត្រីខ្ជឹងរបស់ស្រុកនឹងពង្រីកឡើងដល់ទៅ៨០០ហិកតា ជួយឲ្យកសិករមានឱកាសបង្កើនការផលិតធ្វើមានធ្វើបានលើដីស្រែរបស់គ្រួសារ"លោកលឿងភឿងដុង ឲ្យដឹងដូច្នេះ។

តាមថ្នាក់ដឹកនាំស្រុកហុងយ៉ឹង មកទល់ពេលនេះ មានគ្រួសារកសិករជាច្រើនបានស្ទាត់ជំនាញបច្ចេកទេសចិញ្ចឹមត្រីខ្ជឹង។ តួយ៉ាងដូចមូលដ្ឋានភ្ញាស់ចិញ្ចឹមត្រីខ្ជឹងហ្វាងថុងជាដើម។ អាស្រ័យទទួលបានជំនួយ និងចែករំលែកបទពិសោធន៍ពីអ្នកជំនាញការនៃប្រទេសកូរ៉េ បានជាបច្ចុប្បន្នមូលដ្ឋាននេះ ភ្ញាស់ត្រីខ្ជឹងពូជសម្រេចអត្រាដល់ទៅ៩០% មិនដូចកាលពីមុននេះ សម្រេចបានតែ១០%ប៉ុណ្ណោះ។ "រយៈពេលជិតៗនេះ យើងខ្ញុំថែមទាំងបាននាំចូលដោយផ្ទាល់ត្រីពូជប្រភេទតូច(៦.០០០ដល់៦.៥០០ក្បាល/គីឡូក្រាម ពីប្រទេសពីហ្វីពីន គិតជាតម្លៃទឹកប្រាក់ជាង១.០០០USD/គីឡូក្រាម យកមកភ្ញាស់ឲ្យទៅជាត្រីពូជគិតចំនួនពី២០ដល់ ៥០ក្បាល/គីឡូក្រាម បានជួយឲ្យយើងខ្ញុំក្លាយជាមូលដ្ឋានតភ្ជាប់ក្នុងការចិញ្ចឹម-ច្នៃ-លក់ផលិតផលត្រីខ្ជឹង រវាងខេត្តបាកលីវ ជាមួយនឹងដៃគូនៃប្រទេសកូរ៉េ។ ក្នុងឆ្នាំ២០១៥ យើងខ្ញុំខិតខំធ្វើយ៉ាងណាដើម្បីផ្គត់ផ្គង់ត្រីពូជប្រមាណ១លានក្បាល លុះដល់ឆ្នាំ២០១៦កើនឡើង២លានក្បាល ដើម្បីធានាប្រភពត្រីក្នុងការនាំចូលជូនប្រជាជនភូមិភាគ" លោកវ៉វុាំងអ៊ុក តំណាងម្ចាស់មូលដ្ឋានហ្វាងថុង ឲ្យដឹងដូច្នេះ។

លោកតៀកតៀងយុង ប្រធានសាខានាយកដ្ឋានចិញ្ចឹមជលផលខេត្តកាម៉ាវ ឲ្យដឹង៖ បច្ចុប្បន្ន ភូមិភាគមានកសិកររាប់ពាន់គ្រួសារចិញ្ចឹមត្រី ខ្ជឹងរាប់រយហិកតា ប៉ុន្តែតម្លៃមិនទៀងទាត់និងមិនទាន់មានច្រកចេញលំនឹងនៅឡើយ។ អាស្រ័យហេតុនោះ រោងចក្រច្នៃត្រីខ្ជឹងនៅហុងយ៉ឹង បានកសាងនឹងមានឱកាសល្អ ដើម្បីកសិករនៅភូមិភាគមានការជឿជាក់ពង្រីកចិញ្ចឹមត្រីខ្ជឹង រកបានប្រាក់ចំណូលបន្ថែមលើផ្ទៃដីរួម។ "ឲ្យតែតម្លៃបានលំនឹងប្រមាណពី៣០០ដល់៤០០ពាន់ដុង/គីឡូក្រាម គឺផ្ទៃដីចិញ្ចឹមត្រីខ្ជឹង១ហិកតា ក្រោយពីរយៈពេលចិញ្ចឹម១៨ខែ អាចនឹងជួយប្រជាជនរកបានប្រាក់ចំណូលរាប់រយលានដុង" លោកតៀកតៀងយុង ឲ្យដឹងដូច្នេះ៕

ហឺវតុង-លីសៀ

ចែករំលែកអត្ថបទ

ពាក្យគន្លឹះ