ព្រឹត្តិការណ៍ - នយោបាយ ព្រឹត្តិការណ៍

20/07/2026 - 15:31

បន្តកសាងវប្បធម៌សុចរិត គ្មានអំពើពុករលួយ ភាពខ្ជះខ្ជាយ អសកម្មក្នុងកម្មាភិបាល បក្ខជននិងប្រជាជន

លោក ឡេ ក្វាងទុង លេខាគណៈកម្មាធិការបក្សក្រុង បានចង្អុលការដល់ស្ថាប័នមានសមត្ថកិច្ច បង្កើនសហការ ដោះស្រាយឱ្យបានដាច់ស្រឡះនូវរឿងក្តី និងករណីធ្ងន់ធ្ងរ ស្មុគស្មាញ ដែលសាធារណៈមតិសង្គមចាប់អារម្មណ៍។

លោក ឡេ ក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មធិការបក្សក្រុង ប្រធានគណៈប្រតិភូតំណាងរដ្ឋសភាទីក្រុង ប្រធានគណៈចង្អុលការទីក្រុងអំពីការបង្ការ ទប់ស្កាត់អំពើពុករលួយ ខ្ជះខ្ជាយនិងអសកម្ម ថ្លែងក្នុងអង្គប្រជុំ។

គណៈចង្អុលការក្រុងកឹងធើ អំពីការបង្ការ និងទប់ស្កាត់អំពើពុករលួយ ភាពខ្ជះខ្ជាយនិងអសកម្ម (ហៅកាត់ថា គណៈចង្អុលការ) បានចាត់តាំង កិច្ចប្រជុំលើកទី៥។ លោក ឡេ ក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានគណៈប្រតិភូតំណាងរដ្ឋសភា និងជាប្រធានគណៈចង្អុលការទីក្រុង រួមជាមួយលោក ត្រឿង កាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុង ធ្វើជាអធិបតីដឹកនាំកិច្ចប្រជុំនេះ។

ក្នុងរយៈពេល ៦ ខែដើមឆ្នាំ គណៈចង្អុលការក្រុងបានពង្រីកតួនាទី ការទទួលខុសត្រូវក្នុងការធ្វើសេនាធិការ និងសំណើជូនគណៈអចិន្ត្រៃយ៍ នៃគណៈកម្មាធិការបក្សក្រុង ដើម្បីបញ្ជ្រាប ផ្សព្វផ្សាយ និងអនុវត្តទាន់ពេលនូវរាល់ឯកសារណែនាំរបស់មជ្ឈិម គណៈកម្មាធិការបក្សក្រុង និងគណៈអចិន្ត្រៃយ៍នៃគណៈកម្មាធិការបក្សក្រុង អំពីការបង្ការ និងទប់ស្កាត់អំពើពុករលួយ ភាពខ្ជះខ្ជាយនិងអសកម្ម។ គ្រប់ថ្នាក់គ្រប់ផ្នែករបស់ក្រុងបានធ្វើឱ្យជាក់ច្បាស់ និងចែងឯកសារច្បាប់ជាង ២៨៥ ច្បាប់ ព្រមទាំងត្រួតពិនិត្យ បំពេញបន្ថែមឯកសារច្បាប់ចំនួន ២០ និងលុបចោលឯកសារច្បាប់ចំនួន ២០ ដែលមិនសមស្រប។

គណៈចង្អុលការក្រុងតែងចង្អុលការ ដឹកនាំគណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់របស់ទីក្រុងឱ្យអនុវត្តយ៉ាងម៉ឺងម៉ាត់នូវរាល់បទប្បញ្ញត្តិស្តីពីការត្រួតពិនិត្យអំណាច បង្ការ និងទប់ស្កាត់អំពើពុករលួយ ភាពខ្ជះខ្ជាយនិងអសកម្ម។ ទន្ទឹមនឹងនោះ ដឹកនាំ ចង្អុលការដល់ស្ថាប័នពាក់ព័ន្ធចាត់តាំងក្រុមការងារត្រួតពិនិត្យចំនួន ៥ ក្រុម។ ការងារស៊ើបអង្កេត ឃ្លាំមើលអធិការកិច្ច បន្តពង្រឹងលើគ្រប់វិស័យក្នុងការដំណើរការរដ្ឋអំណាចភូមិភាគ ២ ថ្នាក់។ ទន្ទឹមនឹងនោះ បន្តបង្កើនការដឹកនាំ ចង្អុលការដល់ស្ថាប័ននីតិវិធីតុលាការរបស់ក្រុង ឱ្យប្រញាប់ បញ្ចប់ការផ្ទៀងផ្ទាត់ ចាត់វិធានការ និងសន្និដ្ឋានលើករណីទាំងនោះ; ជំរុញល្បឿនស៊ើបអង្កេត ប្តឹងផ្តល់ និងកាត់ក្តីលើរឿងក្តីពុករលួយ ខ្ជះខ្ជាយ និងអសកម្មនានា ធានាត្រឹមត្រូវតាមបទប្បញ្ញត្តិនៃច្បាប់។

លោក ហាបាវហ្វី អនុប្រធានគណៈកម្មការកិច្ចការផ្ទៃក្នុងនៃគណៈកម្មាធិការបក្សក្រុង របាយការណ៍ក្នុងកិច្ចប្រជុំ។

ថ្លែងចង្អុលការក្នុងកិច្ចប្រជុំ លោក ឡេ ក្វាងទុង បានស្នើឱ្យសមាជិកនៃគណៈចង្អុលការ ទីក្រុង សកម្មនិងម្ចាស់ការផ្សព្វផ្សាយបណ្តាឯកសារច្បាប់របស់មជ្ឈិម និងរបស់ទីក្រុងអំពីការបង្ការ និងទប់ស្កាត់អំពើពុករលួយ ភាពខ្ជះខ្ជាយនិងអសកម្ម។ ជំរុញល្បឿនដោះស្រាយ បណ្តាគម្រោង និងសំណង់ដែលយឺតយ៉ាវ កកស្ទះ និងអូសបន្លាយពេលយូរ; មូលដ្ឋានផ្ទះ និងដីធ្លីដែលសេសសល់ក្រោយពីការរួមបញ្ចូល។ តាមរយៈនោះ ធ្វើឱ្យច្បាស់នូវការទទួលខុសត្រូវរបស់សមូហភាព និងបុគ្គលណាដែលមិនព្រមចង្អុលការអនុវត្ត ឬខ្វះការប្តេជ្ញាចិត្តទុកឱ្យសំណង់ និងគម្រោងនៅកកស្ទះ និងអូសបន្លាយពេលយូរ។ ស្នើឱ្យគណៈកម្មាធិការប្រជាជនក្រុង ត្រូតពិនិត្យ បំពេញបន្ថែមនូវរាល់បទដ្ឋាន ស្តង់ដារបច្ចេកទេស និងរបបចំណាយដែលមិនសមស្របនឹងភាពជាក់ស្តែង និងប្រសិទ្ធភាពសង្គម; ជាពិសេស គឺបទដ្ឋានស្តីពីការប្រើប្រាស់ទ្រព្យសម្បត្តិរដ្ឋ និងការបែងចែកវិមជ្ឈការក្នុងការគ្រប់គ្រង និងប្រើប្រាស់ទ្រព្យសម្បត្តិរដ្ឋ។ សមាជិកទាំងអស់ត្រូវផ្តោតលើការដឹកនាំ ចង្អុលការដល់ស្ថាប័នមានសមត្ថកិច្ច បង្កើនការសហការដោះស្រាយឱ្យបានដាច់ស្រឡះនូវរឿងក្តី និងករណីធ្ងន់ធ្ងរ ស្មុគស្មាញ ដែលមានការចាប់អារម្មណ៍ពីសាធារណៈមតិ។ ទន្ទឹមនឹងនោះ បន្តចង្អុលការលើកកម្ពស់ប្រសិទ្ធភាពការងារព័ត៌មាន និងផ្សព្វផ្សាយអំពីការបង្ការ និងទប់ស្កាត់អំពើពុករលួយ ភាពខ្ជះខ្ជាយនិងអសកម្ម ព្រមទាំងបន្តកសាងវប្បធម៌សុចរិត គ្មានអំពើពុករលួយ ខ្ជះខ្ជាយនិងអសកម្ម ក្នុងកងជួរកម្មាភិបាល បក្ខជននិងប្រជាជន។ ត្រូវពង្រីកឱ្យបានខ្លាំងក្លានូវតួនាទីរបស់រណសិរ្សមាតុភូមិវៀតណាម អង្គការនយោបាយ-សង្គម ស្ថាប័នសារព័ត៌មាន និងប្រជាជនក្នុងការតស៊ូបង្ការ និងទប់ស្កាត់អំពើពុករលួយ ភាពខ្ជះខ្ជាយនិងអសកម្ម...៕

ស៊ើងហា - វ៉ាន់តឹន

ចែករំលែកអត្ថបទ

ពាក្យគន្លឹះ