យុទ្ធនាការ “៦០ ថ្ងៃយប់” បានបញ្ចប់ ប៉ុន្តែតម្លៃដែលបានមកវិញគឺការណែនាំប្រជាជនដំឡើងដំណើរការនិងរួមបញ្ចូលព័ត៌មាន ទិន្នន័យលើកម្មវិធី VNeID កម្រិត ២។ នៅពេលប្រជាជនម្នាក់ៗ មានអត្តសញ្ញាណប័ណ្ណ គណនីកំណត់អត្តសញ្ញាណអេឡិចត្រូនិក (VNeID) និងចេះប្រើប្រាស់បច្ចេកវិទ្យាឌីជីថលពេលនោះ គម្លាតរវាងរដ្ឋអំណាចនិងប្រជាជនបានបង្រួញខ្លី គុណភាពបម្រើកាន់តែលើកកម្ពស់។ នេះជាមូលដ្ឋានគ្រឹះដ៏សំខាន់ដើម្បីបណ្តាឃុំ សង្កាត់ នៅទីក្រុងកឹងធើ រួមចំណែកជំរុញការអភិវឌ្ឍពលរដ្ឋឌីជីថលលើភូមិឋាន។
កម្លាំងនគរបាលឃុំចុះទៅតាមផ្ទះ ដើម្បីធ្វើអត្តសញ្ញាណប័ណ្ណជូនអ្នកវ័យចាស់។
ជាមួយតួនាទីជាស្ថាប័នប្រចាំការនៃក្រុមការងារផ្សព្វផ្សាយគម្រោងអភិវឌ្ឍន៍កម្មវិធីទិន្នន័យអំពីប្រជាជន ការកំណត់អត្តសញ្ញាណ និងការផ្ទៀងផ្ទាត់ភាពត្រឹមត្រូវអេឡិចត្រូនិក បម្រើការផ្លាស់ប្ដូរឌីជីថលជាតិ ដំណាក់កាល ២០២២-២០២៥ ចក្ខុវិស័យដល់ឆ្នាំ ២០៣០ (គម្រោង ០៦) ក្នុងខែឧសភា និងខែមិថុនា ឆ្នាំ ២០២៦ នគរបាលទីក្រុងកឹងធើ បានបញ្ជ្រាបដល់កងកម្លាំងទាំងមូល ព្រមទាំងចង្អុលការនគរបាលឃុំ សង្កាត់ ធ្វើជាសេនាធិការជូនគណៈកម្មាធិការប្រជាជន ដើម្បីប្រកាសផែនការ បង្កើតក្រុមការងារ និងចាត់តាំងអនុវត្តយុទ្ធនាការ។ បណ្តាមន្ទីរ គណៈ ផ្នែក និងភូមិភាគបានផ្សព្វផ្សាយដំណោះស្រាយជាច្រើន ដើម្បីជួយប្រជាជនដំឡើងដំណើរការ រួមបញ្ចូលព័ត៌មាន ទិន្នន័យលើ VNeID កម្រិត ២។ គិតដល់ថ្ងៃទី ១៥ ខែមិថុនា ទីក្រុងបានផ្តល់គណនីកំណត់អត្តសញ្ញាណអេឡិចត្រូនិកកម្រិត ២ ជិត ២,៨ លានគណនី សម្រេច ៨៥,០២% នៃចំនួនពលរដ្ឋអាយុចាប់ពី ១៤ ឆ្នាំឡើងទៅដែលមានលក្ខខណ្ឌគ្រប់គ្រាន់។ ចំពោះពលរដ្ឋអាយុចាប់ពី ៦ ឆ្នាំ ដល់ក្រោម ១៤ ឆ្នាំ នគរបាលបានទទួលសំណុំឯកសារផ្តល់គណនីកម្រិត ២ ដល់ប្អូនៗជាង ៣៧៦.២០០ នាក់ សម្រេច ៨១,៧៦%។ ចំពោះការរួមបញ្ចូលព័ត៌មានធានារ៉ាប់រងសង្គម និងធានារ៉ាប់រងសុខាភិបាល ទីក្រុងបានជំនួយជាង ១ លានករណី សម្រេចអត្រា ៣៥,៥១%។ យុទ្ធនាការនេះបានរួមចំណែកជំរុញការអភិវឌ្ឍពលរដ្ឋឌីជីថលលើភូមិឋាន សំដៅអនុវត្តប្រកបដោយប្រសិទ្ធភាពនូវសេចក្តីសម្រេចចិត្តលេខ ៥៧ របស់ការិយាល័យនយោបាយ ស្តីពីលោតផ្លោះអភិវឌ្ឍន៍វិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋ និងផ្លាស់ប្ដូរឌីជីថលជាតិ។
អនុវត្តយុទ្ធនាការ “៦០ ថ្ងៃយប់” នគរបាលឃុំឡុងភូ បានកៀរគរកម្លាំងទាំងមូល សហការជាមួយបណ្តាគណៈ ផ្នែក និងអង្គការមហាជន ផ្តោតលើការផ្តល់អត្តសញ្ញាណប័ណ្ណ ដំឡើងដំណើរការគណនីកំណត់អត្តសញ្ញាណអេឡិចត្រូនិក VNeID និងណែនាំប្រជាជនប្រើប្រាស់ឧបករណ៍ឌីជីថល។ ជាមួយនឹងទិសស្លោក “ចុះទៅគ្រប់ច្រកល្ហក គ្រប់ផ្ទះ និងជួបគ្រប់មុខសញ្ញា” យុទ្ធនាការបានបង្កការផ្លាស់ប្តូរយ៉ាងច្បាស់ក្រឡែត នាំយកបច្ចេកវិទ្យាឌីជីថលមកកៀកជិតនឹងប្រជាជន ជាពិសេសគឺមាមីងជនរួមជាតិខ្មែរ។ តាមសម្តីលោកវរសេនីយ៍ទោ ង្វៀងឌឹកតាយ អនុប្រធាននគរបាលឃុំឡុងភូ ដើម្បីអនុវត្តយុទ្ធនាការប្រកបដោយប្រសិទ្ធភាព នគរបាលឃុំបានធ្វើសេនាធិការបង្កើតក្រុមការងារចំនួន ១៥ ក្រុម ទទួលបន្ទុកនៅភូមិចំនួន ១៥ ព្រមទាំងជំរុញការឃោសនាតាមរយៈការផ្សាយសំឡេង ការឃោសនាផ្ទាល់ តាមបណ្តាញសង្គម និងតាមបណ្តាក្រុមចល័តជំនួយប្រជាជននៅមូលដ្ឋាន។ តាមរយៈនោះ ឃុំទាំងមូលបានផ្តល់អត្តសញ្ញាណប័ណ្ណ និងដំឡើងដំណើរការគណនី VNeID កម្រិត ២ ជាង ៣.១១៨ គណនី ជូនពលរដ្ឋអាយុចាប់ពី ៦ ឆ្នាំ ដល់ក្រោម ១៦ ឆ្នាំ សម្រេចជាង ៦១,១% រួមបញ្ចូលប័ណ្ណធានារ៉ាប់រងសុខាភិបាល លើ VNeID សម្រេច ៩.៩៥០ ករណី និងរួមបញ្ចូលព័ត៌មានសុខុមាលភាពសង្គមជិត ២.៣១៦ ករណី។ ការទទួលដោះស្រាយសំណុំឯកសារកំណត់អត្តសញ្ញាណអេឡិចត្រូនិកជូនពលរដ្ឋអាយុចាប់ពី ១៤ ឆ្នាំឡើងទៅ ក៏សម្រេចជិត ២៥.៧០០ សំណុំឯកសារ ស្មើប្រមាណ ៨០% នៃភាគកម្រិត។ លោកវរសេនីយ៍ទោ ង្វៀងឌឹកតាយ បានសង្កត់ធ្ងន់៖ “បច្ចុប្បន្ន ទោះបីយុទ្ធនាការបានបញ្ចប់ ប៉ុន្តែឃុំនៅតែបន្តពិនិត្យក្រុមមុខសញ្ញានីមួយៗ ពង្រីកប្រសិទ្ធភាពក្រុមការងារចល័ត ក្រុមបច្ចេកវិទ្យាឌីជីថលសហគមន៍ និងរក្សាគោលលំនាំ “ចុះទៅគ្រប់ច្រកល្ហក គ្រប់ផ្ទះ និងជួបគ្រប់មុខសញ្ញា” ដើម្បីជួយប្រជាជនដំឡើងដំណើរការគណនី រួមបញ្ចូលទិន្នន័យ និងប្រើប្រាស់កម្មវិធី VNeID ឱ្យមានប្រសិទ្ធភាព។ តាមរយៈនោះ មិនត្រឹមតែរួមចំណែកអនុវត្តសម្រេចភាគកម្រិតអំពីផ្លាស់ប្ដូរឌីជីថលប៉ុណ្ណោះទេ ថែមទាំងបង្កើតមូលដ្ឋានគ្រឹះកសាងពលរដ្ឋឌីជីថល ឈានដល់ការលើកកម្ពស់គុណភាពបម្រើប្រជាជន និងប្រសិទ្ធភាពកែទម្រង់រដ្ឋបាលឃុំផងដែរ”។
នគរបាលឃុំឡុងភូ ចុះទៅដល់ផ្ទះ ដើម្បីជួយប្រជាជនដំឡើងនិងរួមបញ្ចូលលិខិតស្នាមក្នុងលើកម្មវិធី VNeID កម្រិត ២។
ឡុងភូ ជាឃុំមានជនរួមជាតិខ្មែររស់នៅកុះករ ពេលចាប់ផ្តើមយុទ្ធនាការ នគរបាលឃុំបានកសាងផែនការជាក់ស្ដែង ចាត់តាំងកម្មាភិបាលចុះទៅតាមភូមិនីមួយៗ ដើម្បីឃោសនាដោយរូបភាពងាយយល់ និងសមស្របនឹងលក្ខខណ្ឌជាក់ស្តែងរបស់គ្រួសារនីមួយៗ។ ព្រមជាមួយនោះ កម្លាំងនគរបាលរួមជាមួយសមាជិកសម្ព័ន្ធយុវជន យុវជន និងក្រុមបច្ចេកវិទ្យាឌីជីថលសហគមន៍ បានចុះជួយមាមីងដោយផ្ទាល់ក្នុងការធ្វើបែបបទផ្តល់អត្តសញ្ញាណប័ណ្ណ ទទួលដោះស្រាយសំណុំឯកសារ ដំឡើងនិងបើកដំណើរការគណនី VNeID។ ចំពោះអ្នកវ័យចាស់ អ្នកពិការ ឬករណីធ្វើដំណើរជួបការលំបាក កម្លាំងសមត្ថកិច្ចបានចុះទៅដល់ផ្ទះ ដើម្បីធ្វើជូន ធានាមិនទុកនរណាម្នាក់ឱ្យនៅខាងក្រោយក្នុងដំណើរការផ្លាស់ប្ដូរឌីជីថល។ លោកយាយ ធីម៉ារី នៅភូមិ ៤ ឃុំឡុងភូ បានឱ្យដឹង៖ “ខ្ញុំមានវ័យចាស់ ការធ្វើដំណើរលំបាក បានកម្មាភិបាលចុះមកដល់ផ្ទះធ្វើអត្តសញ្ញាណប័ណ្ណ ដំឡើង VNeID កម្រិត ២ និងរួមបញ្ចូលធានារ៉ាប់រងសុខាភិបាល ខ្ញុំសប្បាយចិត្តណាស់។ ឥឡូវនេះ ពេលទៅពិនិត្យជំងឺ គ្រាន់តែកាន់អត្តសញ្ញាណប័ណ្ណទៅគឺបានហើយ ព្រោះលិខិតស្នាមទាំងអស់ត្រូវបានរួមបញ្ចូលរួចជាស្រេចនៅលើ VNeID យ៉ាងងាយស្រួល”។ ចំណែកលោក ថាច់មិញត្វឹង នៅភូមិខ្វាន់តាង បានឱ្យដឹង៖ “ពេលដឹងមានយុទ្ធនាការ ខ្ញុំបាននាំចៅទៅធ្វើអត្តសញ្ញាណប័ណ្ណ ឥឡូវចៅខ្ញុំដំឡើងរួចរាល់កម្មវិធី VNeID កម្រិត ២ និងរួមបញ្ចូលធានារ៉ាប់រងសុខាភិបាលនិងសៀវភៅសិក្ខាគារិកផងដែរ។ ខ្លួនខ្ញុំផ្ទាល់ក៏បានដំឡើងគណនី VNeID និងទទួលបានការណែនាំឱ្យប្រើប្រាស់ដូចជា៖ ស្វែងរកព័ត៌មានផ្ទាល់ខ្លួន រួមបញ្ចូលប័ណ្ណបើកបរ ប័ណ្ណធានារ៉ាប់រងសុខាភិបាល ចុះឈ្មោះស្នាក់នៅបណ្តោះអាសន្ន និងអនុវត្តបែបបទរដ្ឋបាលតាមប្រព័ន្ធអនឡាញជាច្រើនទៀត។ អាស្រ័យហេតុនេះ ខ្ញុំឃើញថាការដំឡើង VNeID កម្រិត ២ គឺងាយស្រួលណាស់ ទៅណាមកណាគ្រាន់តែកាន់ទូរស័ព្ទមួយទៅបានហើយ មិនបាច់កាន់លិខិតស្នាមច្រើនឡើយ ព្រោះអ្វីៗទាំងអស់ត្រូវបានរួមបញ្ចូលលើ VNeID តាមរយៈទូរស័ព្ទដៃវៃឆ្លាត”។ ចំពោះឃុំមានជនរួមជាតិខ្មែររស់នៅច្រើនកុះករដូចជាឡុងភូ ប្រសិទ្ធភាពនៃយុទ្ធនាការមិនឈប់ត្រឹមតួលេខនៃអត្តសញ្ញាណប័ណ្ណ ឬគណនីកំណត់អត្តសញ្ញាណដែលបានដំឡើងដំណើរការនោះទេ នៅទាំងជាការជួយមាមីងជាច្រើនចេះរបៀបប្រើទូរស័ព្ទដៃវៃឆ្លាត ដើម្បីស្វែងរកព័ត៌មាន ទទួលការជូនដំណឹងរបស់ស្ថាប័នរដ្ឋ និងចូលប្រើបណ្តាសេវារដ្ឋតាមប្រព័ន្ធអនឡាញពេលធ្វើបែបបទរដ្ឋបាល។
ថ្លែងក្នុងពិធីបូកសរុបយុទ្ធនាការ “៦០ ថ្ងៃយប់” លោកង្វៀងត្វឹងអាញ អនុលេខាគណៈកម្មាធិការបក្សទីក្រុងកឹងធើ អនុប្រធានប្រចាំការនៃគណៈចង្អុលការទីក្រុងស្តីពីការអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋនិងផ្លាស់ប្ដូរឌីជីថល បានសង្កត់ធ្ងន់ថា៖ រាល់លទ្ធផលសម្រេចបានពីយុទ្ធនាការ “៦០ ថ្ងៃយប់” គឺជាមូលដ្ឋានគ្រឹះដ៏សំខាន់ដើម្បីបន្តពង្រីកប្រសិទ្ធភាពគម្រោង ០៦។ នាពេលខាងមុខ បណ្តាមន្ទីរ គណៈ ផ្នែក និងភូមិភាគ ត្រូវបន្តបញ្ជ្រាបស៊ីជម្រៅ អនុវត្តប្រកបដោយប្រសិទ្ធភាពនូសេចក្តីសម្រេចចិត្តលេខ ៥៧-NQ/TW គម្រោង ០៦ និងត្រូវកំណត់ថា ការអភិវឌ្ឍពលរដ្ឋឌីជីថលគឺជាភារកិច្ចស្នូល ភ្ជាប់នឹងការកែទម្រង់រដ្ឋបាល ការកសាងរដ្ឋអំណាចឌីជីថល សេដ្ឋកិច្ចឌីជីថល និងសង្គមឌីជីថល។ អនុលេខាគណៈកម្មាធិការបក្សទីក្រុង បានសំណូមពរបណ្តាអង្គភាព ភូមិភាគ បន្តពិនិត្យឡើងវិញ បំពេញរាល់ភាគកម្រិតដែលនៅទាប ធានាប្រជាពលរដ្ឋគ្រប់រូបបានចូលប្រើនិងទទួលផលពីសមិទ្ធផលនៃផ្លាស់ប្ដូរឌីជីថល។ ទន្ទឹមនឹងនោះ ត្រូវជំរុញការរួមបញ្ចូល ការទាញយកទិន្នន័យ និងអភិវឌ្ឍន៍ឧបករណ៍ប្រើប្រាស់នៅលើ VNeID ពង្រីកសេវារដ្ឋតាមប្រព័ន្ធអនឡាញ ការទូទាត់ប្រាក់មិនប្រើប្រាស់ប្រាក់មុខ សៀវភៅសុខភាពអេឡិចត្រូនិក ធានារ៉ាប់រង និងសុខុមាលភាពសង្គម ពង្រីកប្រសិទ្ធភាពនៃបណ្តាទម្រង់ ក្រុមការងារចល័ត និងក្រុមបច្ចេកវិទ្យាឌីជីថលសហគមន៍ ព្រមទាំងបង្កើនការត្រួតពិនិត្យ ឃ្លាំមើល និងផ្តល់រង្វាន់ទាន់ពេលជូនដល់បណ្តាសមូហភាព និងបុគ្គលគំរូឆ្នើមក្នុងការអនុវត្តរាល់ភារកិច្ចនៃការផ្លាស់ប្ដូរឌីជីថលនិងគម្រោង ០៦៕
យ្វីអាញ - ថាច់ធី
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ