សុខភាព - អប់រំ អប់រំ

08/01/2026 - 05:10

ទីក្រុងកឹងធើ យកចិត្តទុកដាក់គិតគូរដល់សិស្សជនជាតិអន្តេវាសិក

ជាមួយនឹងតួនាទីអភិវឌ្ឍប្រភពធនធានមនុស្សជនជាតិភាគតិច ទីក្រុងកឹងធើតែងយកចិត្តទុកដាក់វិនិយោគ លើកកម្ពស់គុណភាពវិស័យអប់រំនៅតាមសាលាជនជាតិអន្តេវាសិក ដើម្បីបង្កលក្ខណៈងាយស្រួលឱ្យសិស្សបានសិក្សា លត់ដំក្នុងបរិស្ថានមានសម្ភារៈសព្វគ្រប់និងសមស្រប។

គ្រូនិងសិស្សអនុវិទ្យាល័យជនជាតិអន្តេវាសិកចូវថាញ់ បានបង្រៀននិងរៀនក្នុងបរិស្ថានមានសម្ភារៈសព្វគ្រប់។

ឆ្នាំសិក្សា ២០២៥-២០២៦ អនុវិទ្យាល័យ ជនជាតិអន្តេវាសិកចូវថាញ់ មានសិស្ស ២៦៥ នាក់ ក្នុងនោះភាគច្រើនគឺកូនចៅមាមីងជនរួមជាតិខ្មែរ។ ជាមួយមូលដ្ឋានសម្ភារៈបានកសាងរឹងមាំ សមរម្យ បរិវេណសាលាធំទូលាយ ស្អាតបាត ឆ្លើយតបទៅនឹងតម្រូវការសិក្សា ប្រជុំជីវភាព លេងកម្សាន្តសម្រាប់សិស្ស។ ទោះបីរស់នៅឆ្ងាយពីគ្រួសារ ប៉ុន្តែដោយទទួលបានការយកចិត្តទុកដាក់ថែទាំពីគ្រូបង្រៀន ប្អូនៗតែងខិតខំប្រឹងប្រែងក្នុងការសិក្សានិងលត់ដំ។

តាមប្រសាសន៍លោកគ្រូ ឌោវុាំងណូល ចាងហ្វាងសាលា ក្រៅពីគិតគូរដល់ការសិក្សានិងប្រជុំជីវភាពបានល្អ ប្អូនៗនៅទាំងបានចូលរួមសកម្មភាពសិល្បៈ វប្បធម៌និងកីឡា។ មានដូចការចូលរួមប្រគំភ្លេងពិណពាទ្យ សកម្មភាពទាំងនេះ មិនត្រឹមតែជួយប្អូនៗបានយល់ដឹងបន្ថែមអំពីវប្បធម៌ប្រពៃណីប៉ុណ្ណោះទេ ថែមទាំងរួមចំណែកក្នុងការអភិរក្សនិងពង្រីកតម្លៃវប្បធម៌ប្រពៃណីរបស់ជនជាតិ។ ទន្ទឹមនឹងនោះ បង្ករស្មារតីសប្បាយរីករាយដល់ប្អូនៗលើកកម្ពស់គុណភាពសិក្សា។

កន្លងរយៈកាលជាង ៣០ ឆ្នាំបង្កើតនិងអភិវឌ្ឍសាលាវិទ្យាល័យជនជាតិអន្តេវាសិកហ្វិញកឿង ជាសាលារៀនមួយក្នុងចំណោមសាលារៀនគំរូរបស់ទីក្រុង។ ឆ្នាំ ២០១៤ សាលាបានទទួលស្គាល់សម្រេចបទដ្ឋានជាតិ និងបានទទួលស្គាល់សម្រេចបទដ្ឋានជាតិឡើងវិញនៅឆ្នាំ ២០១៩។ ជារៀងរាល់ឆ្នាំ សាលាតែងវិនិយោគបំពាក់ឧបករណ៍បង្រៀននិងរៀន ដោយឡែកឆ្នាំសិក្សាកន្លងហើយ សាលាបានវិនិយោគកសាងថ្មីមណ្ឌលការិយាល័យអន្តេវាសិកដ្ឋាន អាហារដ្ឋាននិងរោងបាយ។ល។ គិតជាទឹកប្រាក់ជាង ៣៩ ពាន់លានដុង។ ផ្តើមពីការយកចិត្តទុកដាក់របស់ភូមិភាគ និងការខិតខំប្រឹងប្រែងរបស់គ្រូបង្រៀន ដូច្នេះ គុណភាពសិក្សារបស់ប្អូនៗបានកើនឡើងយ៉ាងច្បាស់។

លោកគ្រូផុងភឿកធៀង ចាងហ្វាងសាលាវិទ្យាល័យជនជាតិអន្តេវាសិកហ្វិញកឿង ផ្តល់ព័ត៌មាន៖ “ឆ្នាំសិក្សា ២០២៤-២០២៥ ទ្រង់ទ្រាយបណ្តុះបណ្តាលរបស់សាលាបន្តបានរក្សាលំនឹង។ ចំណុចលេចធ្លោបំផុត គឺអត្រាសិស្សសម្រេចនិទ្ទេសគ្រាន់បើនិងពូកែមានចំនួនច្រើន; ជាពិសេស សាលារៀនបានរក្សាខ្ជាប់ស្នាដៃសិស្សប្រឡងជាប់សញ្ញាបត្រមធ្យមសិក្សាទុតិយាភូមិ ១០០% និងមានសិស្ស ៩០% ប្រឡងជាប់មហាវិទ្យាល័យនិងអនុមហាវិទ្យាល័យ...”។

ទូទាំងទីក្រុងកឹងធើ បច្ចុប្បន្ន មានសាលាជនជាតិអន្តេវាសិកចំនួន ១៣ សាលា ដោយមានសិស្សជនជាតិចូលរៀនជាង ៦.៤៨០ ប្អូន។ សាលាទាំងនេះ សុទ្ធតែទទួលបានការយកចិត្តទុកដាក់វិនិយោគ បង្កើនកម្រិតជួសជុល កសាង រួមជាមួយគោលនយោបាយអាទិភាពពិសេសដោយឡែកសម្រាប់សិស្សជនជាតិភាគតិច ជួយឱ្យកូនចៅជនរួមជាតិបានសិក្សានៅថ្នាក់ជាបន្តទៀត។ មានប្អូនៗជាច្រើនបន្ទាប់ពីបញ្ចប់ការសិក្សានៅសាលា បានបន្តសិក្សាមហាវិទ្យា ល័យ អនុមហាវិទ្យាល័យនៅក្នុងនិងក្រៅទីក្រុង រួមចំណែកបង្ករប្រភពធនធានមនុស្សបម្រើការងារនៅភូមិភាគ៕

ថាញវ៉ាង-មុនី

ចែករំលែកអត្ថបទ

ពាក្យគន្លឹះ