មហាសាមគ្គីជនជាតិ គំរូក្នុងសហគមន៍

30/12/2025 - 05:46

លោកថាច់យ៉ឹង អ្នកមានប្រិយភាពអស់ពីចិត្តចំពោះសហគមន៍

អស់រយៈពេលជាង១០ឆ្នាំ ក្នុងតួនាទីជាអ្នកមានប្រិយភាព លោកថាច់យ៉ឹង នៅភូមិក្រសាំង សង្កាត់វិញចូវ ទីក្រុងកឹងធើ បានចូលរួមសកម្មភាពសង្គម និងរួមចំណែករក្សាសន្តិសុខសណ្តាប់ធ្នាប់ និងអភិវឌ្ឍសេដ្ឋកិច្ចនៅភូមិភាគ។

លោកថាច់យ៉ឹង អ្នកមានប្រិយភាពភូមិក្រសាំង។

ដោយបានការជឿទុកចិត្តជាអ្នកមានប្រិយភាព តាំងពីឆ្នាំ ២០១៣ មកទល់បច្ចុប្បន្ន ថ្វីដ្បិតតែមានអាយុដល់ទៅ ៧៥ ឆ្នាំហើយក៏ដោយ ប៉ុន្តែលោកថាច់យ៉ឹង នៅតែបន្តចូលរួមជាប្រចាំក្នុងសកម្មភាពសង្គមដោយស្មារតីទទួលខុសត្រូវខ្ពស់ លោកតែងធ្វើជាស្ពានតភ្ជាប់ដ៏សំខាន់រវាងរដ្ឋអំណាចនិងជនរួមជាតិខ្មែរនៅភូមិភាគ។

ជាអ្នកយល់ដឹងពីទំនៀមទម្លាប់ប្រពៃណីនិងមានប្រិយភាពក្នុងសហគមន៍ លោកថាច់យ៉ឹង តែងចូលរួមវគ្គបណ្តុះបណ្តាលអំពីច្បាប់ កម្មវិធីគោលដៅជាតិ និងអនុវត្តបច្ចេកវិទ្យាឌីជីថលជាប្រចាំ។ ឆ្លងតាមរយៈនោះ លោកសកម្មផ្សព្វផ្សាយនិងចលនាមាមីងលើកកម្ពស់ការយល់ដឹងជាសន្សឹម លុបបំបាត់ទម្លាប់ឱនថយ កសាងគ្រួសារអារ្យធម៌និងជឿនលឿន។

មិនត្រឹមតែអនុវត្តល្អការងារផ្សព្វផ្សាយប៉ុណ្ណោះទេ លោកថាច់យ៉ឹង នៅទាំងជាសមាជិកនៃក្រុមសម្របសម្រួលភូមិក្រសាំងទៀតផង។ មធ្យមរៀងរាល់ថ្ងៃអាទិត្យ ក្រុមបានទទួលនិងសម្របសម្រួលពី ១-៣ ករណី ដែលភាគច្រើនពាក់ព័ន្ធនឹងជម្លោះដីធ្លី ជម្លោះគ្រួសារនិងរៀបការមិនទាន់គ្រប់អាយុ។ ជាមួយនឹងការនិយាយស្តីស្មោះត្រង់ មានមនោសញ្ចេតនានិងការពន្យល់វែកញែកច្បាស់លាស់ មានករណីជាច្រើនបានដោះស្រាយសម្រេចនៅមូលដ្ឋានតែម្តង បន្ថយការផ្តឹងផ្តល់អូសបន្លាយ។ ទន្ទឹមនឹងនោះ លោកនៅទាំងធ្វើសេនាធិការនិងសហការជាមួយប៉ុស្តិ៍ការពារព្រំដែនវិញចូវ ក្នុងការងារផ្សព្វផ្សាយច្បាប់ និងរក្សាសន្តិសុខសណ្តាប់ធ្នាប់នៅភូមិភាគ។

ក្រៅពីនោះ លោកថាច់យ៉ឹង នៅទាំងចលនាប្រជាជនបរិច្ចាគដីដើម្បីបើកផ្លូវជនបទប្រវែងជាង ៤០០ ម៉ែត្រ។ ដោយឡែកគ្រួសារលោកបរិច្ចាគដីជាង ២០០ ម៉ែត្រដើម្បីបើកផ្លូវនិង២៥ម៉ែត្រការ៉េសាងសង់អគារប្រជុំជីវភាពសហគមន៍។

ទន្ទឹមនឹងការងារសង្គម លោកថាច់យ៉ឹង ថែមទាំងចូលរួមក្នុងការអភិវឌ្ឍសេដ្ឋកិច្ចនៅភូមិភាគ ក្នុងនាមជាប្រធានគណៈត្រួតពិនិត្យនៃសហករណ៍ខ្ទឹមក្រហមវិញចូវ លោកតែងតាមដានយ៉ាងដិតដល់នូវសកម្មភាពរបស់សហករណ៍ ធានាអនុវត្តតាមការកំណត់ និងតម្លាភាព។ សហករណ៍អនុវត្តធានាទិញខ្ទឹមក្រហមហូឡង់ ចុះកិច្ចសន្យាប្រមូលទិញច្បាស់លាស់ បង្កលក្ខណៈសម្រាប់គ្រួសារក្រីក្រស្ងប់អារម្មណ៍ដាំដុះ និងធានាកិត្យានុភាពសម្រាប់មាមីងនៅពេលចូលរួមទម្រង់។

តាមប្រសាសន៍អ្នកស្រី ង្វៀងធីហ្វាប៊ិញ ប្រធានគណៈកម្មាធិការប្រជាជនសង្កាត់វិញចូវ លោកថាច់យ៉ឹង គឺជាអ្នកមានប្រិយភាពឆ្នើមជាគំរូ មានការទទួលខុសត្រូវ និងគោរពពាក្យសម្ដី ជាស្ពានតភ្ជាប់របស់រដ្ឋអំណាចក្នុងការចលនាមហាជន។ រដ្ឋអំណាចភូមិភាគតែងស្ងើចសរសើរនិងកត់សម្គាល់ការរួមចំណែករបស់លោកថាច់យ៉ឹង”។

ជាមួយការរួមចំណែកនោះ លោកថាច់យ៉ឹង ទទួលបានប័ណ្ណសរសើរជាច្រើនពីគ្រប់លំដាប់ថ្នាក់ សក្តិសមជាគំរូអ្នកមានប្រិយភាពឆ្នើម រួមចំណែកកសាងសង្កាត់វិញចូវពីមួយថ្ងៃទៅមួយថ្ងៃកាន់តែរីកចម្រើននិងសុខសាន្ត៕

ហុងតើ-មេងលី

ចែករំលែកអត្ថបទ

ពាក្យគន្លឹះ