មហាសាមគ្គីជនជាតិ ភូមិស្រុកផ្លាស់ថ្មី

24/03/2025 - 10:54

ទីវកឹង ផ្តុំកម្លាំងអនុវត្តកម្មវិធីឃុំមួយផលិតផលមួយ

អនុវត្តសេចក្តីសម្រេចលេខ ១៩៩១/QĐ-UBND ចុះថ្ងៃទី ១៥/៧/២០១៩ របស់គណៈកម្មាធិការប្រជាជនស្រុកទីវកឹង ស្តីពីការអនុវត្តគម្រោងអភិវឌ្ឍឃុំ ទីប្រជុំជនមួយមានផលិតផលពិសេសមួយ និងផលិត OCOP ដំណាក់កាល ២០១៨-២០២០ និងកំណត់ទិសដៅដល់ឆ្នាំ ២០៣០ នៅចុងឆ្នាំ ២០២៤ ទូទាំងស្រុកមានផលិតផលចំនួន ២៩ របស់ម្ចាស់អាជីវកម្ម ១៩ នាក់ ត្រូវបានទទួលស្គាល់ជាផលិតផល OCOP។

ផលិតផលសំខាន់ៗរបស់ស្រុកទីវកឹង ដាក់តាំងបង្ហាញក្នុងសន្និសីទបូកសរុប
កម្មវិធីទិសដៅជាតិកសាងជនបទថ្មីខេត្ត។

គណៈកម្មាធិការបក្សស្រុក គណៈកម្មាធិការប្រជាជនស្រុក បានផ្សព្វផ្សាយអនុវត្តនូវដំណោះស្រាយព្រមៗគ្នាជាច្រើន រួមជាមួយគោលនយោបាយឧបត្ថម្ភបង្កើតឡើងវិញរចនាសម្ព័ន្ធផ្នែកកសិកម្ម។ ជាក់ស្តែង ជាមួយនឹងថវិកាជាង ២,៥ ពាន់លានដុង ជំនួយដល់គ្រួសារផលិតកម្ម ធ្វើអាជីវកម្មផលិតផល OCOP ដើម្បីកសាងផលិតផល រចនាកញ្ចប់យីហោ ទិញម៉ាស៊ីននិងឧបករណ៍; សង់ហាងអាជីវកម្មដាក់តាំងផលិតផល។ល។ គួរឱ្យចាប់អារម្មណ៍បំផុត នោះគឺផលិតផលទឹកដូងរបស់ក្រុមហ៊ុនទទួលខុសត្រូវមានកម្រិតត្រាវិញ Farm ត្រូវបានក្រសួងកសិកម្មនិងអភិវឌ្ឍន៍ជនបទជ្រើស ដើម្បីផ្សព្វផ្សាយអនុវត្តទម្រង់កសាងសង្វាក់តម្លៃផលិតផល OCOP ផ្តើមពីប្រភពទុនរបស់រដ្ឋ ក្នុងនោះ អាជីវកម្មមានទុនបដិភាគសរុប ៤,៨ ពាន់លានដុង។ នេះក៏ជាទម្រង់មួយក្នុងចំណោមទម្រង់អភិវឌ្ឍសង្វាក់ផលិតផល OCOP បៃតងភ្ជាប់នឹងទិសដៅអភិវឌ្ឍសហគមន៍ក្នុងការគ្រប់គ្រងធនធាននិងការអភិរក្សជីវចម្រុះ ជួយលើកកម្ពស់តម្លៃផលិតផល OCOP បង្កើតការងារ ព្រមទាំងបង្កើនប្រាក់ចំណូលដល់ពលករនៅភូមិភាគប្រមាណ ២០០ នាក់។

ទន្ទឹមនឹងនោះ ស្រុកទីវកឹងនៅទាំងចង្អុលការជំរុញការអនុវត្តបច្ចេកវិទ្យា ឧបត្ថម្ភម្ចាស់អាជីវកម្ម អភិវឌ្ឍពាណិជ្ជកម្មអេឡិចត្រូនិក និងជំរុញដំណើរការពាណិជ្ជកម្ម ចុះឈ្មោះលើវែបសៃថ៍ និងភ្ជាប់ទីផ្សារពាណិជ្ជកម្មអេឡិចត្រូនិកចំពោះក្រុមហ៊ុនទទួលខុសត្រូវមានកម្រិតត្រាវិញ Farm តាមអាសយដ្ឋាន៖ www.sokfarm; សហករណ៍កសិកម្ម រាច់លបតាមអាសយដ្ឋាន៖ htxnnrachlop.com និងទីផ្សារអេឡិចត្រូនិក៖ Shoppe, Tiki, Ocop 247, ladaza, Psot Mart, zalo, Facebook....។ ពុំនោះសោត ស្រុកក៏ធ្វើជាស្ពានតភ្ជាប់សម្រាប់ម្ចាស់អាជីវកម្មនាំយកផលិតចូលរួមសន្និសីទ ផ្សារណាត់ក្នុងនិងក្រៅខេត្ត មានដូច៖ ហាណូយ ក្វាងនិញ ណាមឌិញ ដាក់ឡាក់ បាកលីវ យ៉ាឡាយ គៀងយ៉ាង និងដុងថាប...។

ដើម្បីពង្រីកលទ្ធផលដែលសម្រេចបាននាពេលកន្លង និងនាំមកនូវប្រសិទ្ធភាពខ្ពស់ នាពេលខាងមុខ គណៈកម្មាធិការប្រជាជនស្រុកទីវកឹង នឹងចង្អុលការដល់គ្រប់អង្គភាព គប្បីបន្តការសហការ រៀបចំការបណ្តុះបណ្តាលប្រភពធនធានមនុស្ស ហ្វឹកហ្វឺន លើកកម្ពស់សមត្ថភាពដល់កងជួរកម្មាភិបាលដែលគ្រប់គ្រង ត្រួតពិនិត្យនិងផ្សព្វផ្សាយអនុវត្តកម្មវិធីចាប់ពីស្រុកដល់ឃុំ ព្រមទាំងណែនាំដល់ម្ចាស់អាជីវកម្មបានយល់ច្បាស់ពីក្រមបទដ្ឋាន វាយតម្លៃនិងចំណាត់ថ្នាក់ផលិតផល កសាងសំណុំបែបបទចូលរួម; របៀបបង្កើតគម្រោងនិងផ្សព្វផ្សាយផែនការ; ពង្រឹងអភិវឌ្ឍនិងរៀបចំការផលិតសម្រាប់អង្គប្រធានដែលចូលរួមកម្មវិធី...៕

អត្ថបទនិងរូប៖ ក្វាងកឿង-មុនី

ចែករំលែកអត្ថបទ

ពាក្យគន្លឹះ