មហាសាមគ្គីជនជាតិ ភូមិស្រុកផ្លាស់ថ្មី

17/03/2025 - 15:06

រៀនសូត្រនិងធ្វើតាមអ៊ំ ដើម្បី"កសាងជនបទថ្មីឆ្លាតវៃ"

អនុវត្តប្រធានបទជំនាញ ឆ្នាំ២០២៤ របស់ខេត្តត្រាវិញ អំពី “រៀនសូត្រនិងធ្វើតាមឧត្តមគតិ សីលធម៌ និងឥរិយាបថហូជីមិញ អំពីអភិវឌ្ឍន៍សេដ្ឋកិច្ច កសាងជនបទថ្មី; អនុវត្តជឿនលឿន សមធម៌សង្គម; គិតគូរជីវភាពសម្ភារៈនិងស្មារតីជូនប្រជាជនខេត្តត្រាវិញ” គណៈប្រតិបត្តិការ បក្ខភាគឃុំភូកឹង ស្រុកទីវកឹង បានជ្រើសទម្រង់ “កសាងជនបទថ្មីឆ្លាតវៃ”។

ផ្លូវជនបទថ្មីនៅឃុំភូកឹង កាន់តែធំទូលាយនិងល្អស្អាត ប្រជាជនធ្វើដំណើរទៅមកបានងាយស្រួល។

លោកង្វៀងឡេហុងផុង លេខាគណៈកម្មាធិការបក្សឃុំភូកឹង ឱ្យដឹង៖ “ភូកឹងជាឃុំជនបទថ្មីគំរូ ដើម្បីរួមចំណែកកសាងឃុំនិងស្រុកកាន់តែសម្បូរសប្បាយ ស៊ីវិល័យ លើកកម្ពស់ជីវភាពសម្ភារៈនិងស្មារតីជូនប្រជាជន គណៈកម្មាធិការបក្សបានជ្រើសរើសទម្រង់រៀនសូត្រតាមអ៊ំ ដើម្បី “កសាងជនបទថ្មីឆ្លាតវៃ”។ ដើម្បីអនុវត្តបានល្អនូវទម្រង់នេះ គណៈកម្មាធិការបក្សឃុំបានបង្កើតផែនការអនុវត្តទម្រង់ បន្ទាប់ពីបង្កើតផែនការរួច ផ្តុំកម្លាំងដឹកនាំ ចង្អុលការគណៈកម្មាធិការប្រជាជនរណសិរ្សមាតុភូមិ និងសមាគម អង្គការនយោបាយ-សង្គម រៀបចំឃោសនា ចលនាកម្មាភិបាលសម្ព័ន្ធយុវជន សមាជិក និងប្រជាជនចូលរួមអនុវត្ត ឆ្លងតាមរយៈនោះ រួមចំណែកលើកកម្ពស់ការយល់ដឹង ពង្រីកតួនាទីដ៏សំខាន់របស់ប្រជាជនក្នុងការឈានឡើងដោយខ្លួនឯងក្នុងជីវភាព អភិវឌ្ឍសេដ្ឋកិច្ចគ្រួសារ”។

អំពីផ្លាស់ប្តូរឌីជីថល ឃុំភូកឹងមានទំព័រព័ត៌មានអេឡិចត្រូនិក ដោយមានបែបបទរដ្ឋបាល១៤៧ មុខ លើវិស័យចំនួន២៣ ក្រោមសិទ្ធិសម្រេច ទទួលនិងដោះស្រាយរបស់គណៈកម្មាធិការប្រជាជនឃុំ ក្នុងនោះ បែបបទទាំងអស់ត្រូវបានប្រកាសផ្សាយជាសាធារណៈនិងដាក់បញ្ចូលលើប្រព័ន្ធព័ត៌មានដោះស្រាយរដ្ឋបាលខេត្ត ជាមួយនឹងបែបបទរដ្ឋបាលមួយផ្នែកចំនួន៨៥ (ប្រហាក់ ប្រហែលកម្រិត៣) បែបបទរដ្ឋបាលទាំងមូលចំនួន៤៤ (ប្រហាក់ប្រហែលកម្រិត៤) និងបែបបទរដ្ឋបាលក្រៅពីនោះចំនួន១៩ទៀត បង្កភាពងាយស្រួល ជូនប្រជាជនក្នុងការកៀកជិត ពិនិត្យស្វែងរកនិងអនុវត្តសេវាសាធារណៈអនឡាញ។ ឆ្នាំ ២០២៤ ត្រូវបានវាយតម្លៃគុណភាពដោះស្រាយបែបបទរដ្ឋបាលលើច្រកទ្វារសេវាសាធារណៈខេត្តត្រាវិញ ចំនួន ៨៧៤/៨៧៤ លើក សម្រេច ១០០%។

ឃុំភូកឹង ថែមទាំងយកចិត្តទុកដាក់អភិវឌ្ឍន៍សេដ្ឋកិច្ចដោយអនុវត្តវិទ្យាសាស្ត្របច្ចេកទេស លើភូមិសាស្រ្តឃុំមានផលិតផលសម្រេច OCOP ចំនួន៦។ ក្នុងនោះ ផលិតផល២មុខ សម្រេច OCOP ផ្កាយ៥ (ទឹកផ្កាដូង ស្ករទឹកផ្កាដូង) និងផលិតផល៤មុខ សម្រេច OCOP ផ្កាយ ៤ (ទឹកផ្កាដូងស្រស់ ទឹកខ្មេះទឹកផ្កាដូង ទឹកស៊ីអ៊ីវទឹកផ្កាដូង ទឹកផ្កាដូងឡើងដំបែ)។ ផលិតផលបានផលិតផ្សារភ្ជាប់នឹងតំបន់វត្ថុធាតុដើមប្រមូលផ្តុំ ធានាអំពីសុវត្ថិភាពចំណីអាហារ បានទទួលស្គាល់ជាផលិតផល Organic ហើយផលិតផលទាំងនេះមានលក់នៅតាមខេត្ត ក្រុងចំនួន៣០ក្នុងទូទាំងប្រទេស៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ